تعالت تضاحيك الجميع ، الكل يعرف علاقتهم ببعض وكيف انهم قراب لبعض ، هزت ريم راسها بالايجاب وملامحها تميل للحمره من الخجل ، ابتسمت فاتن وهي تشوفها بتبكي لشذت خجلها ، همست قريب من ريم
خففي توتر ما جاء التوتر الحقيقي ، لفت لها ريم بذهول وسرعان ما ضحكت فاتن على شكلها ورفعت كتوفها بعدم معرفه وهي ترفع فستانها الطويل وتخرج مع الباقي بعد ما ارسلت قبله من بعيد لها
_
عند الرجال بالطرف الاخر
ابتسم هزاع براحه لأنه يشوف فرحة مهند وتوتره وشاف فرحة فاتن وفرحة ريفال وأمه وأبوه وكأنه اول واخر فرح لهم يرقصون ويلعبون بالسيوف ولا يوقفون ابد
عند مهند
اللي ود عينه يمر كل شي بسرعه وتصير هي جنبه بدون قيود وبدون جموع هالناس كلهم ، وصار بنهايه اليوم بعد مازفوا ريم ، صار دوره يشوفها ودوره يمتع عينه ، تنحنح لثواني وهو يعدل بشته على اكتافه ويدخل بعد دخول ابوه وخاله
ما يعرف كيف يوصف شعوره وهو يشوف البشوت حولها وهي وسطهم بفستانها الابيض ، كيف ابوها يحاوط ظهرها وهي منزله راسها من خجلها ، لمح المسكه كيف ترجف بين يدينها ، تقدمت خطواته وما وقفت الا جنبها وده يقبلها بهالحظه بس مب بوجودهم ابد ، لمح هالشي خالد ونطق بابتسامه
: الحمدلله الحمدلله
غمز لـ مهند ونطق : منك المال ومنها العيال
ابتسم مهند يحط يده على صدره بإمتنان ، وبعد ما اخذوا كم صوره مع بعض
_
صار وقت الخروج ، لفت ريم بنظرها لابوها لما حست بخروجهم ، ابتسم وهو يشوف نظراتها المترجيه له بأنه يجلس معها او يأخدها من هذا كله لكنه قبل راسها بهدوء وخرج بدون كلمة زياده ، زفر مهند براحة من خروج الجميع وكأنه هم وانزاح عنه
لف لها وسرعان مارفع حاجبه وهو يشوف دموع الخجل نزلت منها ، تقدم لها وحاوطها بكل رقه وهدوء ورفع وجهها بطرف اصبعه يمسح دموعها ما يعرف وش الكلمه اللي ممكن تخفف عنه توترها لكنه اختار بأنه يحني راسه ويقبلها ، حنى راسه وقبلها برقه اخجلتها وتسببت برعشه بجسدها ، حطت يدها على صدره تمنعه وما سمحت له ملمح ملامحها بعدها من نزلت راسها على صدره
_
~ بنرجع بالوقت قبل اسبوعين ~
عند هزاع واقف بالحوش ويكلم سكرتيره ساره
: انتِ انهبلتي ، اشلون هالكلام كيف نخسر المناقصة لا واللي رست عليه أكبر اعدائي اشلون ؟
سكرتيره ساره : استاذ هزاع اكيد في خطأ بسيط !
هزاع بعصبيه : بسيط اي بسيط 4 مناقصات نخسرها ورا بعض الخطأ فادح تدري ايه معناته معناه ان عندي بالشركه خاين يشتغل مع جراح !!
سكرتيره ساره : لالا ان شاء الله مو بكذا بس يـ..
قطه كلامها هزاع ونطق : اجمعي سجلات الموظفين كلهم والان تكون بمكتبي !!!
السكرتيره ساره : ابشر استاد هزاع
قفل هزاع وتوجه للسياره ركب وحرك للشركه
_
~ بالشركة عند هزاع ~
جالس بمكتبه يشوف ملفات الموظفين كلهم طالع لـ سكرتيره ونطق بعصبيه
: اجمعي مدراء الاقسام كلهم بغرفة الاجتماع
دقائق وبلغته السكرتيره بحضورهم والكل موجود ، دخل غرفة الاجتماع بهيبته الكل مستغرب جمعه لهم اليوم دخل ولا سلم حتى الكل شايف العصبيه بوجهه اشر لهم يجلسون ،كل واحد جلس بكرسيه طالع هزاع بأوراقه ورفع راسه ونطق بهدوء
: اليوم راح أوصيكم كل واحد يراقب الموظفين التابعين لقسمه لأن في خائن بشركتي وبعصبيه ضرب الطاوله ووقف و اكمل
: والله لو مايطلع لافصلكم انتوا ابي كل واحد يراقب موظفينه مفهوم بعطيكم اسبوع وأشوف من بيطلعه
الكل : ابشر طال عمرك
اشر هزاع لـ سكرتيره اللي تقدمت توزع عليهم الاوراق طالعهم هزاع وهم مركزين
ابتسم ونطق : بشرط مابي اي واحد يشوشر بقسمه ابي كل شي يتم بهدوء حتى لا يعرف الخائن ويأمن لنفسه وانا بنفسي براجع هالاوراق اللي معكم ابي اسماء الموظفين وكل تفاصيلهم من اول ما يدخلون عندي حتى يطلعون مفهوم ؟، صحيح الفكره وحده بس ابي كل واحد يشتغل بنفسه واي واحد اكتشف انه راح يبلبل مع واحد راح افصله ابي الوعد وعد !
نطق مدير العلاقات الماليه سياف
: طال عمرك ايش نستفيد غير تقدم الشركه طبعا بس من خلال الفكره واضح انها فيها مكافاه
_
