دخل بهدوء وعلى شفته ابتسامه وسيعه ، ازدادت اتساع لما شاف ابوه ، رفع راسه ابو بحر وجت عينه بعين بحر اللي تشع بالفرح ، اتجه له بحر بخطوات بطيئه وجلس قباله بعد ماقبل راسه ، ابتسم بعذوبه وانشراح ، وابتسم بحر من ابتسامته ورجع وهو يقبل راسه واكتافه ، رب على ظهره ابو بحر بطريقه اعتادها بحر منه
ابتسم له بحر وهو يقبل ظهر يده ، ضحك ابو بحر بتعب وهو يمد يده لرأس بحر ويرفعه لناحيته ، ناظر فيه بحر وضحك بخفه بعدم استيعاب ونطق
: والله انك ضويت صدري بشوفتك
ابتسم له ابو بحر بخفه
_
~ بعد وقت ~
طلع بحر من عند ابوه بعد ما حس انه لازم يرتاح ويبقى لوحده ، اتجه لغرفة الدكتور وضرب الباب بهدوء ، ودخل بعد ما اذن له بالدخول
رفع راسه الدكتور بهدوء وابتسم : امرني ؟
بحر بخفوت : ما يأمر عليك عدو ، بس حبيت أسالك كيف وضع ابوي الحين ؟
هز راسه الدكتور بخفوت : الحمدلله وضعه احسن بكثير من امس ومتجاوب للعلاج بشكل كبير وصحته ووضعه الحالي حيل كويس
ابتسم بحر بخفوت وحس براحه ونطق بخفوت
: طيب متى بيطلع ؟
الدكتور : بعد بكرا ان شاء الله نفس هالوقت
ابتسم له بحر بخفوت : يعطيك العافيه دكتور
حط يده الدكتور على صدره بامتنان : ولو ماسوينا الا الواجب
ابتسم بحر وودعه وطلع من عنده وفرحته عظيمه جدا ، وده انه يسابق خطواته للبيت لأجل يبشر ، أمه وأخته بهالخبر
ركب سيارته قرب بيحرك ، لكن استوقف نفسه لما تذكر شكل اللي كان بالغرفه العنايه ، حس ان ملامحه مألوفه له لكن مين ؟
هز أكتافه بعدم مبالاه وشغل السياره ، لكن سرعان ماطفاها لما حس بعرق الفضول يشتغل داخله ، والمعروف عن بحر انه لو ما اشبع فضوله راح يندم طول ليله وراح يضل يفكر فيه لحد مايشبع هالفضول ، نزل وخطواته قادت به لداخل المستشفى وتحديدا قسم العنايه وللغرفة اللي فيها هذا الشخص ، فتح الباب بخفه ودخل بهدوء واتجه له
_
وقف عن يمينه عند راسه اخذ يتفحص ملامحه بتدقيق ، لكن سرعان ما عقد حواجبه لوهله وهو يدقق فيها اكثر وبهالحظه اتسعت حدقة عيونه لما حس انه فيه شبه من اخوه منصور ، لكن كيف ، تركي قال انه مات بحادث
ابتلع ريقه وهمس بعدم تصديق واستيعاب
: اكيد انك تشبه له ، مستحيل تكون منصور ، منصور مات !
مسح على رقبته بتوتر وجت عينه تلقائي ، على عنقه من تذكر كلام أمه ان منصور معه وحمه بعنقه
تسارعت انفاسه لما لمح وحمه مزينه عنقه ، وبعدم تصديق نطق
: وش اللي اشوفه ياربي !!
سحبته رجوله لخارج الغرفه من هول صدمته ومن القسم باكمله متجه لغرفه الدكتور ، دخل من غير استأذان ونطق بتسرع ، المريض اللي بالعنايه ، من متى وهو عندكم وكيف وضعه ؟
رفع راسه الدكتور عن اللاب وعقد حواجبه وابتسم بغرابه
: اهلين بحر
بحر بعجله : تكفى يـ دكتور طمني على وضعه !
الدكتور : ما اعرف عن وضعه ، جانه للمستشفى من 4 شهور ، والمسؤل عن حالته ابوك دكتور سعود
هز راسه بحر بـ طيب : يعطيك العافيه
