~ عند هزاع و فاتن ~
حطها على السرير ورجعت جلست وتعلقت فيه ونطقت بخوف : لا لا لاتروح لا تخليني هزاع تكفى تكفى لا تروح وبهستريا تضرب وجهها لا تخليني وحدي لا تخليني وحدي
هزاع بغى ينهبل مسك ايدها وجلس بجنبها وتمتم
: خلاص خلاص مو مخليك وحدك بس اهدي
تعلقت فاتن فيه وهي ترتجف ، مددها هزاع وتمدد بجنبها وحضنها وهي تعلقت فيه وتخبت بحضنه وهي ترتجف
كان هزاع مستغرب منها " معقول عشان قفلت عليها انا متأكد النور شغال ليش مرعوبه "
قرب شفايفه من اذنها القريبه منه ونطق بهمس
: فاتن ايش شفتي ؟؟
بكت فاتن ونطقت بصراخ وهي تضرب صدره
: ماشفت شي ماشفت شـ...
قاطعها يد هزاع على فمها وهو مصدوم وتمتم بهمس
: اششش حبيبتي انا هنا خلاص ماشفتي شي طيب
وباس بين عيونها وضمها
فاتن بتموت رعب وقلبها يدق وبالها عند الفلاش وتذكرت يدها اللي عورتها وصرخت بصوت مكتوم
فكها هزاع وناظر لها شافها تمسك يدها تذكر انه عورها وضربها وجرحها تذكر انه اليوم اول مره يضربها ويتهمها بشرفها وتربيتها
ونطق بهمس : تعورك ؟
رفعت فاتن عيونها المدمعه لعيونه وهزت راسها بالايجاب وتمتمت
: ايووه تعورني
هزاع قلبه عوره عليها جلس وجلسها ورفع وجهها وركز بعيونها وتمتم
: بصلحها لك بس بتعورك تحملي شوي
نطقت فاتن بخوف وعيونها بعيونه
: لالا والله تعور خليها لا تصلحها ، ابتسم هزاع ونطق
بس كذا راح تعورك لازم يرجع العصب محله
فاتن بخوف : مابي بتعورني
قلبه هزاع عوره عليها وهو السبب ابتسم وتمتم
: طيب براحتك
وقف متعمد عشان تلحقه ، وفعلا وقفت فاتن برعب ولحقته تمسكت فيه ونطقت
: لا ترووح
ابتسم هزاع ولف عليها وحط يده ورا ظهرها وسحبها له ضربت بصدره ويده حطها على وجهها ويمرر اصابعه على خذها ورقبتها ناظرته فاتن وركزوا بعيون بعض وصل يدها وسحبها بحركه مفاجئه لقدام وطقت طلعت صوت بغت تموت فاتن حست الاكسجين انقطع فتحت فمها بالم بس بدون صووت
ابتسم هزاع ونفخ على وجهها وهو قريب منها اخذت نفس وطلعت صرخه
تمتم هزاع بهدوء : خلاص حركيها اللحين
حركتها فاتن بخفيف ما حست بألم ناظرت فيه وابتسم هزاع وقرص خدها
: يا خوافه قلت لك بتعورك شوي وبعدها بتصير زينه
ناظرت له فاتن بخوف عليه وعلى حياته من هالوحوش اشلون تقوله على اللي شافته اكيد ما راح يسكت ولو عرفوا راح يذبحونه ايه بيذبحونه ، رجعت ترتجف ضمته بقوة وهو ضمها ويمسح على ظهرها
رفعت فاتن راسها له ونزلت دموعها وتمتمت
: تكفى لا يذبحونك
ناظرها هزاع بصدمه وتمتم
: من اللي بيذبحني ، مافي احد بيذبحني اهدي
رجعها للسرير وهي ترتجف وتمدد بجنبها ، فاتن من التعب والخوف نامت وهي متعلقه فيه
ناظرها هزاع بحضنه يتأملها باس خدها وشفايفها بهدوء
_
~ بـ الكوفي ~
عند ليث وجود
جود : اي وش الموضوع ؟؟!
ليث : جود اسمعي انتِ بنت خالتي شغلك مو عاجبني
جود بضحكه : لا يكون غيران مني
تنهد ليث ونطق : جود موضوع مو طقطقه ، اتكلم جد
عقدت حواجبها جود ونطق
: وش تبيني اسوي ؟؟
تمتم ليث : تشتغلين في شركتي او تغيرين شغلك
ضحكت جود بصوت عالي وعصب ليث منها تمتمت
: ليث مين انت عشان تقول لي كذا مو باب ولا واحد من اخواني ولا زوجي حتى ؟؟
ليث بعصبيه : اسمعيني يـ جود يا تجين تشتغلين عندي ولا اكلم ابوك انصدمت جود من كلامه ونطقت
: اول شي بابا راضي عن شغلي وحتى اخواني ذا حلمي يـ ليث من سنين اتمنى ما تخرب على شي والله ماراح اسامحك
نطق ليث : دامك تحبين شغلك وحلمك تعالي اشتغلي عندي ولك مكتب خاص فيك يـ جود مو مكتبك اللي فيه رجال
جود بعصبيه : خير انت وش تقصد من الاخر ؟؟
تمتم ليث : كلامي واضح اذا شغلك يهمك فكري بالموضوع ولا ترا ابوك مو بعيد عني اقوله
عصبت جود من كلامه من هو عشان يقولها كذا وش دخله فيها وكيف يشك فيها قامت وهي معصبه وطلعت
