النقيب راغب

البارت 33

                                   
                                         

راغب: اي صح كلت من قبل وهسة انفذها

نورهان: حتى لو اطلكهااا مراح يفرق شي حطلكني حطلكني

راغب: ماطلككج

نورهان: لا حطلك

راغب: نورهان

نورهان: ترة دوختنيييي كافي تحجي

راغب: دوختج هسة

نورهان: دحجي دخلت جنة ومبين ماخذتلها راشدي فار وجها فر اصابع ايد على خدها بس معرفت منو لي ضاربها جايبة اكل وملابس

راغب: هاي شنو

جنة: يوسف كال ابدللها واخليها تاكل

راغب: اهاا حلووو وشنو هل اكل موجبت اكل اني

جنة: راغب الله يخليك يوسف برة واحجي وياة وهسة بلا زحمة اطلع برة خلي ابدللها

نورهان: رسن كام طلع راغب واني وياها ظلينة... جيبي اني ابدل ميحتاج تساعديني

جنة: والله يكون احسن

نورهان: حطت الاكل يم رجلي وشمرت الملابس وطلعت... ابتسمت باستهزاء وكمت على كيفي بدلت شوية شوية لحد ماكملت فحطت استوني كعدت على جرباية بعد ماخلصت تبديل اندك الباب مستحيل راغب لان ماعتقد عندة هل ادببب كلة يدك الباب يلا يدخل... منو

يوسف: طلعنة برة اني رحت على اكل لي جايبة راغب مدري شلونة ميشهي جايبلها تشريب لحم وبرياني ودجاج على فحم من المطعم وملابس دشداشة وملابس داخلية وفواكها عفتهم وطلعت اخذت سيارتي ورحت لمطعم يسوي مشاوي يجنن اكلة جبتلها معلاك وچلاوي وكباب واخذتلها حلويات شكلتلها باكيت زنود الست وبقلاوة ومن هل سوالف واخذتهن ورجعت لمستشفى ملكيت راغب سئلت امي علية انوب امي طنكرت علية متجاوبني سيف كلي دخل يم مرتة رحت على ملابس لي جابهن راغب اخذتهن وصحت على جنة يابة دخلي بدليلها خطية وكليها لكمة كامت تعزعز بروحها مااا ومعلية واني شعلية بيها هفيتها براشدي فريتها فر ... شوفي لج لتصيرين مثل هذيج الك*** الكاعدة اهناك اتسمعين كلام ورجلج فوك راسج لا والله حظج اطيحة افتهمتيييي يلا اخذيهن ولي دخلي

ام راغب: جيب اني ابدللها

يوسف: لاا هي تبدللها اريد اشوف شلون ادكولي لا مرة ثانية يلااا لتظلين تتصفنين مثل المطي دخلي عاد

جنة: مو راغب جوة

يوسف: اي طلعييي كليلة كوم اطلع برة اصلا هذاحرام حتى تخلو يشوفها

ام راغب: ترة ماكو داعي تسوي كل هل حركات مرتة وهو حرر انت شعليك

يوسف: لاعلية ونص اذا انتو متكفون بوجهة وتحاسبو لان هيج سوة اني اوكف بوجها واحاسبة