النقيب راغب

التاسع والعشرون

                                   
                                         

نورهان: رحت علية لكيت ايد نور تنزف مغمي عليها وفاااقدة فدمرة على اساس منتحرة بس والهي جذابة اجة يوسف خطية بالكيمونة والبجامة وكفشتة وسيف نزل من فوك هم كلها تتراكض بالبيت عمتي مابيها ادكول وظلت تصيح شكو وشكو وجنة اتهدي بيها ادكلها ماكو شي المهم راغب شمر مفاتيح السيارة على يوسف وكلة يروح يشغلها ونور غطاها بالعباية وشالها وطلع سيف  قبل ميطلع وراهم كال (باستعجال وخوف) وصي امي  وجنة  ليكولون لاهلها واخذ مفاتيح  سياتة وطلع  وراهم رحت يم عمتي اكلها ماكو شي ادكول لا راغب بي شي ومدكلولي  عاد جنة متحملت تسكت رسن كالتلها نور انتحرت وهاي عمتي سمعت هيج لو تخبلت  ظلت تحجي وتلطم

ام راغب: راحت بنات الناس راحت ولكم عزا لعزاني هاي امانة يمنة  ولج نورهان  شمسويتيلها (بعصبية)

نورهان:  جنت صافنة عليها  اشو  رجعت علية محجيت شي  شلت احمد لان جان يبجي  ...

ام راغب: ولججج باوعي علية شمسويتلها  حاجية وياها شييي جاوبي(بعصبية)

نورهان: عمة والله  اني معلية هو راغب كللها حطلكج  وهي انتحرت

ام راغب:  وهذاااا شبيي مخبل ميعرفها هاي خبلة وتسوي كولشي بنفسها اذا طلكها  

نورهان: كولش ضجت من كلام عمتي هي مو تريد راغب يطلكها شو گلبت علية  محجيت شي  اخذت اخواني ورحت اريكهم بالريوك لي سويتة لراغب  ريكتهم  وصعدت غسلتلهم وبدلتلهم ورجعت نومتهم  ونزلت  جوة  لكيت بس عمتي... جنة وين

ام راغب: راحت ادكول  لاهل نور وين راحت يعني

نورهان:  بس سيف كال لدكولولهم

ام راغب:   دكافي كافي  انوب علية سيف

نورهان: خطية هسة ينهبطون من الصبح

ام راغب: لعد شنو نضم عليهم هم بعدين يجون يكولون ليش ضميتو علينة 

نورهان: زين عمة اسويلج ريوك

ام راغب:  هسة وكت ريوك اني بيا حال وانتي بياحال

نورهان: بس اشوية علمود علاجج

ام راغب:  ماريد

نورهان:  بس اشوية اسويلج لفة جبن وكلاص چاي  ها شكلتي... محجت شي ظلت تستغفر وتدعي لنور  اني طلعت من الغرفة  ورحت لمطبخ سويت چاي  وسويتلها لفة  دااودي لعمتي  اشو اجتي ام نور واستلمتني  دك كتلتني كتلة  هاي نفس بتها متوحشة وهم بس اريد اوخرها ماكو سحلتني سحل  وخرتها عني جنة  واختها  لنور صغير تطلع عمرها 20 او 19 هيج تقريبا وخروها عني  وهي تسب  وتتفل وماكو حجاية وسب مكالتة علية...

ام نور: الله ياخذج   مثل مااخذ اهلج ياااا ك***  ياسكط  كل من وراج والله  من يوم لي دخلتي حياة راغب  خربتيهاااا  الله يحرك گلبج مثلل ماحركتي گلبي على بنتي