النقيب راغب

البارت السابع

                                   
                                         

النقيب راغب.
بقلم الكاتبة اية عبدالرحمن🦋.

نورهان:   كمت طلعت من الغرفة جان مصطفى  واكف بس ممنتبه رسن رجعت كعدت بالزاوية  ظليت اشوية ورجعت طلعت ملكيتة  رحت لغرفة امي وابوية  دخلت وقفلت الباب ظليت كاعدة بيها وابجي واذكر كل لحظة كل لحظة وياها جنت عايشة   لو ذكريات محمد  بعد على منو احجي ومنو بعد يشتريلي ويضحكني  ابجي واحجي وياة نفسي ظليت  ل2 ونص  بليل اني بالغرفة حتى راسي  الا شوية ينفجر من  كثرة الالم   رحت نمت على جرباية ماما وبابا وظليت ابجي لحد مااجتني النعسة بس منمت لان باوعت على ساعة اخاف   تاخذني نوم وماودعهم من يروحون   صرت احاول  مانام بس  والله  الم راسي جان فضيع وعيوني طفت   منمت كمت طلعت  رحت يم خالتي  هي حطت راسي بحضنها تبجي وتحجي  وتمسح على راسي  بيدها

ام تبارك: اني امج واني ابوج واني اخوج كووولشي اصيرلج   والله   بس كافي تبجين

نورهان:  هي دكلي كافي بجي وهي تبجي  ظلت تحجي   وياية واني غفيت بدون ماحس كعدت على صوت العياط  فتحت عيوني كلهن جانن واكفات  ماشوف بس الرجلين كمت وكفت لكيتهم استوهم ديدخلون الجنايز   ادمرت  اهنا  والله صرت اعيط بكل علو صوتي  وابجي  راح صوتي  من كثر ماعيطت   فرفحت روحي من شفتهم   خلهم  وقت قصير كولش  واجوي اخذوهم  طلعت وراهم اركض  حافية  ابجي واصيح عليهم  انوب صوتي صار ممسموع راح  صوتي  من كثر العياط عليهم  رحت وراهم  بالكراج  مال بيتنة بس مخلوني اطلع سدو الباب  ومفتحوليا  ادكك بي ماكو محد فتحلي  اجتي مرت عمي لي بالبصرة عايشين ام جيهان   كوة دخلتني جوة  والله فرفحت روحي عليهن ياريتني متت ولا شفت هل يوم مراح احجيلكم بعد لان ماسئ حرفيا صارت حياتي زفت  بمعنى الكلمة زفت .... مر شهر  ونص على وفاتهم والبيت جهنم  اصلا بس او عشر تيام ظليت  بيتنة بعدها خالتي اخذتني اني واحمد ولؤلؤة  يمها كملنة الشهر ونص ورجعت لبيتنة  لان حسيت ثكلت عليهن حيل  اي المهم  رجعت عشت بيتنة وخالتي كل  يومين تجينة تظل يمنة  هي وتبارك وتمارة  ظلت تجينة وابد معافتنة  لحد ما قرر عمي ابو فهد ينتقل   يمي يعيش وياية هو وعائلتة   اعرفهم نيتهم مو صافية بس قنعو  خالتي وبيت جدي يظلون يمي عود علمودي وعلمود اخواني   شلون بنية واطفال وحدهم يظلون وخما خالتهم اتظل رايحة جاية عليهم المهم الكل اقتنع  بس  بيت جدي  (عمامي)  بس كالولة البيت يظل باسم نورهان والسيارة وكولشي عافو اهلها  من ورث يظل الها ولاخوانها. اهنا عمي عارض شلون وشنو ومدري ايش لحد مقتنع كالولة لعد متعيش وياها انت ميت على فلوسها ومدري ايش وهو ظل يبرر ويكللهم شنو  وشلون الفلوس وسخ عدنة واني اهم شي هي اخاف عليها و  قنعو المهم اجوي  عاشو يمي هو وجهالة المسمومي ومرتة المسمومة بس اول اسبوعين اطيب الاكلات تسوي والبيت تلمعة تلمع  دللتنة دلال مو طبيعي وطبعا خالتي مكطعت كل فترة تجي بعدين خالتي وكعت من الدرج وانكسرت رجلها وخطية كامت متجي بس دائما ادز مصطفى  وتبارك  ومرات تمارة يشوفونة وكومة تجيبلنة غراض ملابس وحلويات وكولشي نحتاجة بدون مننكللها  احنة وجابت تاب لؤلؤة  تلعب بي واني هم جابتلي تليفون وكل يوم تخابر علية  ونظل نحجي اني وياها والله ابد معافتني الله ينطيها ويحفظها  اي فامرة من الايام  بعد مرور الاسبوعين على دلال مال عمي ومرتة  جنت اني بيومها سهرانة وياة احمد شوفني النبي عربي كوة يسكت  واني اليل كلة كاعدة من اشوفة يبجي حيل اخابر على خالتي وهي تظل تعلمني شلون اسكتة وانيمة وخطية اني سديتة منها  وهو ظل يبجي بس كلت عيب كل ساع اخابر زحمة بس هي جانت كل ساعة  كل ساعتين تخابر علية وتخليني افتحلها كامرة وتظل تحجي وياية وتعلمني لحد ما احمد غفة بفضلها نام  طبعا نام بال6 وربع واني مصدكت  رسن رحت لفيت راسي ونمت  وكعدتني  مرت عمي على صياحة  كعدت كوووة مفتحة عيني وحتى احمد  كعدتة ولولي وهذا الصياح كلة والله شنو  كومي سوي ريوك  شنو لحد هسة ممسوية ريوك  كتلها  اني ماسوي ريوك  انتو روحو سو واكلو واما اختي واني عود بعدين من اكعد اسوي  اني ريوك الها والي..... اشو هاي كامت تصيح بكل علو صوتها مثل بنات الشارع استغفرالله.....