نورهان: ظليت طول الطريق ساكتة وجان طريق بعيد كلساع اكول هسة نوصل وهسة نوصل وماكو مدنوصل وهو مشغل قران بس منصي الجو صار كئيب وجعت وتعبت وبس اريد اتعارك جنت دانتظرة يكول كلمة حتى استلمة
راغب: مجعتي
نورهان: والله زين سئلت متتت من الجوع
راغب: هههه اعصابج عيني اعصابج هسة نوكلج
نورهان: ديلا يلا
راغب: هسة شوية وننزل ناكل
نورهان: تعبت شوكت نوصل
راغب: مظل شي حبيبي
نورهان: انت شلزكتلي بحبيبي وحبيبي اكلة تعبت يكلي مظل شي حبيبي
راغب: يلا نزلي
نورهان: اني ظليت ساكتة اباوع على مكان... ها
راغب: نزلي عاد
نورهان: انزل
راغب: نزلت اني ورحت ساعدتها تنزل... ديلا نزلي خلي نوكلج مو جعتي
نورهان: نزلت وهو مدري شسوة بالسيارة واجة كاد ايدي(لزم ايدي) ... حركات المخطوبين عوفها على صفحة ووخرت ايدة
راغب: رجعت لزم ايدها... مااعوفها مادامج موجودة وياية
نورهان: لا الا اتعوفها
راغب: اني عاذرج على طولت لسانج ولعناد بس لخاطر ابني مو لخاطرج هرمونات حمل بعد
نورهان: لا لا الله يخليك اعذرني(اقلد علية)
راغب: ديلا اسكتي...
نورهان: رحنة كعدنة وجان ورانة شباب اربعة كعدنة ورجع كام...
راغب: كومي خلي انغير المكان خلي نكعد فوك(الطابق الثاني)
نورهان: لزمني من ايدي وصعدنة فوك هدووووة جانت بس عائلة وحدة موجود واحنة اجينة كعدنة همة كملو ونزلو وظلينة بس اني وياة... دعوف ايدي دعوفها منين جتك الحنية اليوم وبعدين اهنا هدوء شنو بس وحدنة
راغب: اي اليوم نزلت علية الحنية وبعدين شتريدين يمة هو الاحسن هدوء
نورهان: خلي ننزل جوة
راغب: ليش (عكدت حواجبي وباوعت عليها)
نورهان: هيج
راغب: ظلي اهنا هسة اجي اذا تحركتي خطوة رجليج اكسرها وها المطعم بي كامرات بكل مكان
نورهان: افتهمت.. راح هو واني ظليت كاعدة هو اتاخر طلعت الحمرة وطوختها ورجعتها بالجنطة ظليت انتظرة يجي اشوية واجة... وين جنت
راغب: رحت طلبت اكل واجيت
نورهان: ومنو كلك تطلب يجوز ذوقك بالاكل ميعجبني
راغب: لالا يعجبج
نورهان: واثق هواي من نفسك
راغب: طبعاا
نورهان: ظليت العب بالاكلينس لي على ميز لو بالملح... شيصير لو احط الملح بعينك
راغب: ميصير شي بس تموتين بكاعج
نورهان: ايع اشكد صاير عنيف
راغب: ههههههههه شلون شلون عنيف بلا عيديها
نورهان: اي والله صاير عنيف شبيك تضحك
راغب: ههههههههه منين جايبتها هاي عنيف ومن هل سوالف
نورهان: راغب جعت
راغب: دتحملي يمة شدعواج حتموتين
نورهان: هووف ضجت... حاطة ايدي على ميز دلعب بالغراض هو اجتي كل الحنية وظل يلزم بايدي واني اوخرها
راغب: نورهان كافي تسوين هيج
نورهان: اسوي وبكيفي
راغب: ها هيج صار الحجي
نورهان: اي والله
راغب: سهلة
نورهان: عبالي صعبة
راغب: دحجي اجة الولد جاب الاكل وراح وهاي مصدكت هجمت على مواعين هههه... على كيف بابا مطايرين
نورهان: عوفني اتهنى اشوية
راغب: اي اتهني بس على كيف
نورهان: اكل واحجي...اكلك هسة احنة اجينة بس علمود ناكل
راغب: لا وكملي لي بحلكج يلا تحجين على كيفج مطايرين وبعدين بس تكملين اكل تعرفين وين احنة رايحين
نورهان: موخوش اكل معجبني ابد شبعت ....
راغب:....
بقلم /الكاتبة اية عبدالرحمن 🖤
Insta: tott_a0011
أنت تقرأ
النقيب راغب
ChickLitاحداث القصة ادور بين مراهقة تبلغ من العمر 18 سنة.... تائهة في احد شوارع العاصمة بغداد مع طفل صغير يبلغ من العمر 3 سنوات فقط ورجل وسيم جدا يبلغ من العمر 33سنة...... ياتررى.... شنو لي خلاها تائهة بالشوارع وياة الطفل البريئ لي عمر 3 سنين بسس و...
