يوسف: راح راغب واني ظليت احجي وياة الحب(زينب) ماكو شي محجينة بي هههه اجتي كل السوالف بعدها سديتة منها ونزلت من السيارة ورجعت لمستشفى ملكيت احد بس راغب برة جان متوتر ومدري شبي... هاشبيك
راغب: مابية شي شوكت تروح
يوسف: وين
راغب: لبيت صديقك اخذ ملابسك وارجع لبيت لو عاجبك تظل
يوسف: لا حعرجع بس انت شلون
راغب: روح انت واني اشوف الدكتورة شوكت نخرجها
يوسف: اي ماشي حرجع لبيت بس شوف حجيبلك كنافة واجي
راغب: لايمعود تروح تتاخر روح بعدين عود جيب
يوسف: مو لحلكك لنورهان
راغب: امداك اي والله اعرف
يوسف: هههههه كولش تعرف
راغب: ديلا ولي
يوسف: هسة اجيبها من السيارة واجي ركض بس انتظرني شوية
راغب: ديلا بساع
يوسف: رحت جبتلة الكنافة واجيت... ترة هاي الي عود اني جبتلها جوة حلويات بس يلا تستاهل نورهانة
راغب: نورهان بعينك دجيب جيب
يوسف: فوكهاا
راغب: عمي عود بعدين اجيبلك كنافة بس لتبجي
يوسف: اي بس خلي اكلك شغلة
راغب: اي كول
يوسف: مراح تاكل منها
راغب: ليش
يوسف: لان انت ماخذلهيا
راغب: لعد شلون
يوسف: عندي الحل
راغب: لدكلي اني اخذلهيا
يوسف: لا لا شوف وقت منبهك بس خمس دقايق بس ومن يدك سدة وسوي نفسك دتحجي بالتليفون
راغب: اييي وبعدين
يوسف: بعدين تعوف الكنافة يمها وهي عود تاكل منها عود ماوصيك جلب بيها واخذ الباكيت وياك(باستهزاء)
راغب: لااطمن ماخذة زين يوسف واذا ماكلت
يوسف: جرب يااخي شتخسر يلا لي علية سويتة حروح اني واي شي تحتاجة عود خابرني تمام
راغب: تمام روح الله وياك
يوسف: عفتة ورحت لبيت صديقي اخذت ملابسي واتشكرت منة... طلعت من بيتة ورحت بوجهي لبيت اول ماوصلت لكيت امي مخبوصة خبص جايبة الطليان وجايبة الكصاب سلمت على الاهل ودخلت اخذت ملابس ورحت سبحت وطلعت وامي جلبت بية روح جيب چرك وحلويات دوزع ناذرة نذر وهم جيب مسواك لبيت اخذت عبدالله واخذت لؤلي وياية رحنة اسوكنة مسواك كامل وجبنة الچرك والحلويات واشتريت لفروخ احمد ولؤلي هم ورجعنة لكيتهم جايبين فرقة سيف جايبهم بس جانو ديتحضرون حتى من يجي نورهان وراغب يستقبلوهم دخلنة الغراض جوة خطية البنات التهن يرتبوهن وامي برة كاعدة حاطة الكرسي وكاعدة بالكراج(الطرمة) تنتظر راغب ونورهان يجون ويمها احمد بحضنها اجتي هديل اخذت احمد ولؤلي كالت ابدللهم مدري شسويلهم المهم اخذتهم وراحت واني ظليت يم امي اشوية ورجعت دخلت جوة كعدت بالاستقبال على سبلت وظليت اتراسل وياة زينبو (زينب) لحد ماسمعت صوت العزف صحت على جنة كتلها اجوي من كالت اي طلعت عليهم لكيت الكل برة نورهان وامي وخالتي وبناتها وجنة اجتي وراية واكفين بالكراج (الطرمة) ويركصون (جانو سادين الباب البرة) ... كلهم ملتهين بالكرص والهلاهل عفتهم وطلعت برة يم الزلم
أنت تقرأ
النقيب راغب
Chick-Litاحداث القصة ادور بين مراهقة تبلغ من العمر 18 سنة.... تائهة في احد شوارع العاصمة بغداد مع طفل صغير يبلغ من العمر 3 سنوات فقط ورجل وسيم جدا يبلغ من العمر 33سنة...... ياتررى.... شنو لي خلاها تائهة بالشوارع وياة الطفل البريئ لي عمر 3 سنين بسس و...
