تمارة: من حطو ببالي سالفة الزواج اترددت حيل منا وفاة محمد بعدني لهسة مناسيتة صح اتعودت وصار عندي شي عادي بس احس بعدني احبة ومن جابو سالفة الزواج براسي مدري شجاني وانوب يريدون يزوجوني واحد ارمل والله شنو خوش ولد وعندة فلوس واصل بالدراسة وحيعيشني ملكة ومن شافوني مقتنعت كامو يكلولي تروحين يم نورهان واتصير مرة حماج وكلة ادكومن سوة تكعدن وتسولفن ومتتفارقن ومن هلحجي وحرفيا اني جنت مجبورة علية لان ابوية كام يعيط علية ويصيح وتفشلينة كدام الناس وانطينة كلمة وهاي عمتها لنورهان اللزكة لزكت كل يومين والثالث جايتنة وانوب كامت تحجي وياة ابوية لحد مابوية انطاها كلمة وامي من شافتني ابجي ومقهورة ظلت تواسيني وادكلي ترة هو اصغير مو جبير ومرتة ماتت مصارهم هواي من متزوجين مو عبالج رجال جبير وحتى ماعندة اطفال وظلت تقنعني اشوفة لحد ماصارت السالفة واجتي نورهان اخذتني ورحنة لمطعم كعدنة بي وهمة كالو من بعيد يشوفج بس شنو بس هو يشوفني واني ماشوفة وكتلها لنورهان تخليني اني هم اشوفة بالواقع وهيكالت اشوية ويجي اصبري وفوك النص ساعة ننتظرة وهو عديم احترام لوقت فوك النص ساعة وهو ماكو واتنرفزت واتعصبت على نورهان وظليت اخزرها بعيوني لان ماكدر احجي زوجها كاعد عاد عيوني اجتي على واحد ضارب ركن بزاوية بالمطعم وظل يباوع بكل صلافة وشكد استحيت وانزل عيني وكل مارجع اباوع الكة صافن علية ضربت نورهان برجلي على رجلها من جوة الميز هي اتقربت علية...
نورهان: اخخخ شبيج شكو
تمارة: دشوفين هذاك باوعي كانو متدرين
نورهان: منو اوكفي
تمارة: ولج لتباوعين(هاي ظلت صافنة علية وضحكت)
نورهان: هذا يوسف ولج
تمارة: هو هذا يوسف
نورهان: اي كافي يلا لتباوعين
تمارة: صدمني شكلة صح ضعيف جنة عصفور الشوك وجانبس يباوع ابو عيون زايغة بس شكلة وترتيبة شكد حلو ... ممباوعة شبيج
نورهان: اي شلونة عجبج
تمارة: هو اني شفتة مشفتة اصلا
نورهان: ههههه مو شفتي هسة
تمارة: لا مشفتة عن قرب شوفي شبعدة
نورهان: باوعت على راغب كام راح على يوسف اخذة وطلع...
تمارة: وين راحو
نورهان: شبيج ديسئلة عليج
تمارة: وليش مسئلة اهنا
نورهان: دعوفي هلمؤر وكملي شربتج
تمارة: لو هذا الشربت مسويتة بالبيت مو اطيب واحسن شماخذين الكلاص ب5شدعوة
نورهان: ههههه دشوفي منظرة شكد حلو مو مثل مالتنا
تمارة: ههههه والله مالتة اطيب قابل الشكل حيفوت ببطني
أنت تقرأ
النقيب راغب
Literatura Femininaاحداث القصة ادور بين مراهقة تبلغ من العمر 18 سنة.... تائهة في احد شوارع العاصمة بغداد مع طفل صغير يبلغ من العمر 3 سنوات فقط ورجل وسيم جدا يبلغ من العمر 33سنة...... ياتررى.... شنو لي خلاها تائهة بالشوارع وياة الطفل البريئ لي عمر 3 سنين بسس و...
