النقيب راغب

الثاني والعشرون

                                   
                                         

جنة:  شلون اشوفهن وهنة بالكنتور

نورهان: فتحي الكنتور وشوفيهن

جنة:  لا مو ميبين جمالهن  بالكنتور طلعيهن شكد عجوزية

نورهان:  يووه ومنو يلمهن بعدين

جنة: عمي اني المهن عود بس طلعيهن عاد

نورهان: طلعتهن  طشرتهن على جرباية وظليت اكلب بيهن.. عزا اني  البس هيج

جنة: اي واذا اصلا يجننن والزلم تموت على هيج لبس

نورهان:  عيع ولج بابا رجلي  وظهري كلها طالع

جنة: حبيبتي  لتعقديها مكتلج البسي وافتري بي بالبيت هو بس راغب يشوفج

نورهان:  لا عفية عيب والله

جنة:  ايباااه خجلنة هسة على اساس مو مشايفج بالله ملابس خطيةةة

نورهان: اكوللل انتي ليش متسكتين

جنة:  غير الصدوك

نورهان:  دكافي كافي مالبس هيج وخري خلي المهن

جنة:  ترة اروح اكول لامي والله  متلبسهن

نورهان:  عاديي كلليلها هسة دكول عوفيها براحتها

جنة:  تمام متلبسيهن انطينياهن

نورهان:  شسوين بيهن

جنة: انطيهن لنور تموت على هيج لبس

نورهان:  لااا مانطيهن مالتي هذني

جنة:  بس انتي متلبسيهن حرامات يظلن بالكنتور انطيهيا وهي بس تطيب وتصير احسن تلبسهن لراغب

نورهان:  لا اني البسهن مانطيهيا وخلاص

جنة: مو كلتي مالبسهن

نورهان:  هاي شبيج ادققين على كلامي غيرت رائي واريد البسهن

جنة: تمام نشوف عود

نورهان:  اييي  يالله خلي نلمهن حتى ننزل اريد اطبخ التمن واسوي زلاطة

جنة:  ليش دتشتغلين انتي

نورهان:  لعد منو يشتغل  نور لي متمددة يم عمتي

جنة: هم صح والله  يعني بعدج باثاني يوم وهيج

نورهان: عادي هسة عوفي هل حجي ولمي وياية

جنة: اي اي

نورهان: عفية

جنة: يالله ننزل

نورهان: اوك بس خلي اغسل وجهي... رحت لحمام غسلت وجهي ورجعتلها اخذتها ونزلنة سوة ملكينة احد جوة بس سيف جان منجطل وراغب والباقين مدري وين جنة دتروح يم امها مخليتها اخذتها لمطبخ اشتغل واسولف وياها بصوت ناصي... وين رايحة