النقيب راغب

البارت45

نورهان: رحت لغرفة جنة لي نور دتنام بيها جان الباب مسدود بس شوية مفتوح مو هواي ولا نص مفتوح لا اشوية استوني دفتح الباب دشوفة جوة بس سمعت صوتة ومفتحتة ظليت واكفة اريد اشوف شيسولف وياة نور بعدين اتراجعت كلت حرام اتسنطت دصعد الدرج بس صار عندي فضول حيل ورجعت وكفت سمعت نور تبجي

نور: عليك الله راغب لتعوفني

نورهان: اني سمعت هيج لزكت بالباب فرحت بلكت يطلكها

راغب: بابا ماااعوفج كافي تبجين مثل الطفلة شجاج

نور: راغب احبك يشهد ربيييي احبك

راغب: واني هم يگلبي بس اسكتي عاد كافي بجي مو دمرتيني

نور: راغب ارجعلي واوعدك لي تريدة يصيرلك وربي وربي راغب

راغب: ارجعلج شنو هياتني اني مو يمج

نور: لا انت تعرف شقصدي عوفها وخلي نرجع مثل مجنة طلكهاااا راغب

راغب: انتي مخبلة لو تسوين روحج مخبلة بابا حااااامل حامل ابني بطنها شطلكها

نور: اخذ الطفل وطلكها واني وياك نربي راغب احلفك بكل يوم عشنا سوة طلكها

راغب: مااااكدرر

نور: لا تكدرر راغب احلفك بروح ابوك

راغب: كافي تحلفين بية

نور: انت ردت خلفة وهي حتخلفك اخذ الطفل وطلكها شتريد منها بعددد لو تحبهاااا

راغب: مالج علاااقة احبها ماحبها بكيفي هلشي وماااطلكها وشتسوين سوي

نور: راغب والله اگتل نفسي وبذمتكككككك

راغب: اتكتلين نفسج شنوووو هذا خوش موديل والله كلما حجيت وياج كلمة وكلتي اكتل نفسي

نور: اي اكتل نفسي موتريد هيج مو تريد ترتاح منيي اصلا انت متحبني

راغب: نور كافي رحمه لوالديج ترة دوختيني

نورهان: اني واكفة برة وبودي بس اريد افوت على نور اخلص عليها هلحييية شلون تحجيي وياة اتريدة يعوفني .. ماحس الا راغب صوتة صار قريب على باب رسن وخرت ركضت جوة الدرج ختلت بس رجع الصوت بعد (يعني صاربعيد على باب) اني اهنا رسن ركضت فوك لغرفتي وظليت اكل بنفسي اكل معقولة يسويها يربي شلون كعدت على جرباية افكر باهلي وافكر بحياتي هاي ظليت ابجي واكول والله تعبتت انوب هم جديد على راسي كمت رحت غسلت ورجعت انجطلت فكرت وفكرت لحد مانمت جان بالي انتظرة بس غفيت كعدت الصبح...

نور: راغب ترة اسويهاا

راغب: سويهاااا هسة اني شايفج مسويتها وخلصااااان

نور: يعني اتريد تخلص منيييي

راغب: غير انتي كل يوم اكتل نفسي واكتل نفسي مسممتني كلمة ماكدر احجي وياج... بعدني دحجي شو هاي صدك ركعت المراية صغيرة بالكاع وشالت شوية منها وجرحت وريدها بس خفيف رسن رحت عليها وانطيتها راشدييي فرها فر ولزمتها من شعرها يابةةةةة ولخلقج اذا عدتيها بعد لخلص عليج انييييي بس عيديها وشوفي شيصير بيج تعرفيني كلش زين من اتخبل عليج شسوي واذا فتحتي سالفة الطلاك بعد لطلكج انتي وادزج لاهلج وانعل ابوج لابو ليفكر بيج ويكول خطية دفعتها على جرباية وعفتها وطلعت برة بالحديقة ادخن فتحت تليفوني وظليت اكلب بالفيس ورة نص ساعة اجة يوسف جان يحجي بالتليفون عفتة ودخلت صعدت فوك لكيت نورهان نايمة حطيت تليفوني على شحن ودخلت لحمام غسلت وطلعت اجيت يم نورهان نمت استوني لزمتها دحضنها هي ابتعدت بنعاس دفعتني وراحت على جهة الثانية عفتها غطيتها عدل واني هم انداريت على جهة الثانية ونمت دك منبهي ب6 الصبح كمت سبحت وبدلت ونزلت صليت وطلعت بوجهي لدوام وصلت لدوام لكيت صديقي جايب ريوك اتريكنة سوة وظلينة ساعة نشتغل واشوية نسولف يحجيلي على صديقاتة وعلى بنات الليل لحد ما راسي صدع اترخصت منة وطلعت خابرت على امي ب10 ونص تقريبا سألتها على نورهان ونور كالت نسوانك لهسة نايمات وصيتها على نورهان وظلينة نسولف على كرايب لحد ما صاحوني استاذنت منها وسديتة ورجعت على شغلي كملت دوامي ورجعت واني راجع بطريقي لبيت دكت علية نور بس مرديت عليها ظلت ادك لحد ما سديتة بوجها وسويتة صامت ظليت بالازدحامات فوك النص ساعة شلت التليفون كلت خلي العب بي بين مايخف الازدحام ماحس الا امي ويوسف وسيف وجنة ونور حاركينة التليفون علية حرك مدري شجاني رسن دمعت اذكرت شلون اهلي خابروني حركو التليفون علية ديكلولي اخوك جابو شهيد اخر مرة اتصلو علية هيج باستشهاد اخوية انوب ايدي ترجف اريد اخابر على واحد منهم اخاف لايصدموني بخبر رجع يوسف يخابر مشلتة ظليت صافن على تليفون انسد ورجع خابرني شلتة...