راغب: ضروري الا تعرفين
نورهان: دحجي احجي
راغب: اصبري مبقى شي ونوصل
نورهان: حنسافر
راغب: لا
نورهان: لعد اهوو غير يحجي
راغب: رايحين لنجف
نورهان: النجف النجف
راغب: اي لنجف
نورهان: لي بي الكبور
راغب: اي لي بي الكبور ههههه
نورهان: يعني حروح لاهلي
راغب: ان شاءلله
نورهان: كول والله
راغب: والله
نورهان: راغب عليك الله كول الصددددك عليك الله كتلك
راغب: اي والله قابل دجذب
نورهان: يعني صدددك
راغب: اي صدك
نورهان: بعد شكد ونوصل
راغب: ساعة نص ساعة ونوصل ان شاءلله
نورهان: ونروح الهم
راغب: اي نروح بس تندلين مكان قبرهم
نورهان: لا
راغب: زين متعرفين الدفان لي دفنهم
نورهان: لا مااعرف
راغب: لعد شلون حنشوفهم
نورهان: اهنا كمت ابجي متحملت كلت حتى ومن همة ماتو محشوفهم لان اني من ماتو مخلوني اشوفهم غير بس بالتابوت يعني مشفتهم اخر مرة غير بس قبل ميطلعون بوكتها وهسة اجيت لنجف ومحشوفهم حتى وهمة بالكبر
راغب: نورهان شجاج هسة ليش البجي
نورهان: يعني منروحلهم
راغب: منو كال
نورهان: مو مو ماعرف مكانهم
راغب: اي عادي ندور عليهم
نورهان:.....
راغب: نورهان كافي دكولي يالله
نورهان: كمت ابجي بالزايد... شندور مدكلي شندور مكبرة شكبرها شكدها تضحك علية على نفسك
راغب: دكافي اسكتي لتبجين خلي نوصل بالسلامة والله كريم
نورهان: انداريت على جام وظليت اباوع على طريق وابجي
راغب: نورهان
نورهان: ......
راغب: نورهان
نورهان: .......
راغب: مودحجي وياج ليش مدكولين ها
نورهان: انداريت علية... هاا
راغب: بعد وكت موكتلج حاخذج تشوفيهم هل بجي شكوو
نورهان: واذا ملكيناهم
راغب: ليش شنو طالعين
نورهان: باوعت علية صفح... راغب دحجي صدك اذا ملكيناهم شلون
راغب: لا نلكاهم ان شاءلله... استوها اتريد تحجي سكتتها... نورهان كافي لتحجين كتلج حاخذج يعني حاخذج هاهية
نورهان: كمت انوب ابجي اكثر
راغب: لااااحول ولاقوة الابالله العلي العظيم لج بابا ابتليت كتلج خما ابتلييييت(بعصبية) وكفت السيارة ونزلت فتحت الصندوك جبت بطل مي ورحت فتحت باب السيارة من الجهة مالتها نزلتها غسلتلها وجها... تتمشين اشوية حتى ترتاحين
نورهان: جان شبه شارع عام بس احنا واكفين على صفحه نزلني هو وغسلي وجهي شكد ارتاحيت من غسلي وجهي ... هزيت براسي بمعنى لا
راغب: بس اشوية
نورهان: اخذني ربع ساعة يمشي بية كوة نروح ونرجع بنفس الطريق بس والله اتحسنت مزاجي اتحسن... كافي تعبت
راغب: يلا لعد امشي لسيارة حتى نروح نكمل طريقنة
نورهان: صعدت بالسيارة وهو اكيد وياية ظل وياية لحد مصعدت وهو صعد وراية دشرب مي من الغسلي بي صاح بية فززني والله
راغب: لاااا مولشرب هذا
نورهان: لعد المن
راغب: هذا مي مرات احتاجة لسيارة
نورهان: وغسلتلي منة
راغب: شوفي ترة هو نظيف بس مو مال شرب
نورهان: اريد مي عطشانة
راغب: هسة نشوفلنة محل وعود اطبكلج علية واشتريلج
نورهان: ظليت طول الطريق ادعي انو الله يكتبلي اشوف اهلي لحد مانمت نوم تجنن كعدني راغب
راغب: شنو مسمعين مو صار ساعة احجي وياج
نورهان: اييي ياراغب مدشوفني مطمورة
راغب: واني جايبج تنامين
نورهان: هسة شتريد
راغب: وصلنة
نورهان: من كال وصلنة طفرت طفرة رسن كعدت... والله وصلنة
راغب: اي والله
نورهان: شبسرعة
راغب: طبعاااا حقج اني المسموط ابو ابوية الطريق كلة دك السيارة تمشي وانتي نايمة بسابع حلم
نورهان: وين المكبرة
راغب: دكولي يالله بنت الحلال خلي ننزل ناكل شي ونروح انصلي نزور الامام علي عليه السلام وعندي مناك طلعة نروحلها ومن نرجع نرجع لصحن الإمام علي عليه السلام ونظل اهناك والفجر اول متطلع الشمس نروح لمكبرة
نورهان: هو يحجي يحجي واني صافنة على سوك لان احنة جنة شبه واكفين يم سوك وحجيت بدون مااباوع اصلا علية .. اكلك راغب هسة شوكت نروح لمكبرة
راغب: هاا
نورهان: ..... يتبع
بقلم الكاتبة/اية عبدالرحمن 🤍
أنت تقرأ
النقيب راغب
ChickLitاحداث القصة ادور بين مراهقة تبلغ من العمر 18 سنة.... تائهة في احد شوارع العاصمة بغداد مع طفل صغير يبلغ من العمر 3 سنوات فقط ورجل وسيم جدا يبلغ من العمر 33سنة...... ياتررى.... شنو لي خلاها تائهة بالشوارع وياة الطفل البريئ لي عمر 3 سنين بسس و...
