النقيب راغب

البارت العاشر

                                   
                                         

#النقيب راغب.
بقلم الكاتبة اية عبدالرحمن🦋.

نورهان: ظليت احجي وياة الصور وابجي لحد ماغفيت كعدت على احمد جان يبجي كمت وكلتة وظليت اسكت بي لحد مسكت هذا الحجي بال7 وربع بعد ماسكتت احمد رحت لحمام غسلت وجهي ورجعت ظليت كاعدة يم احمد وصافن على حيدر لحد هسة مكعد هوف هسة تجي امة وتشوفة وانوب اتظل تلغي وانوب هي شلون عقل عدها عقل الصخلة مو مثلها هههه والله تفسر بكيفها وتسوي من الحباية كباية... كمت دكعدة بس ظليت اباوع علية استخطيتة جان نايم بعمق كولش عبالك سنة صارلة منايم  حتى فاتح حلكة هههه تراجعت ورجعت كعدت بمكاني  وظليت كاعدة اني اغفة واحمد يفززني...  باوعت على ساعة ب9   كعدت لؤلي كتلها تظل يم احمد واني اروح اسوي ريوك حتى مرت عمي متجيني وادك الباب علية مثل المخبلة  طلعت برة وقفل الغرفة ورحت لمطبخ  سويت  الريوك ورتبتة  ورحت دصيح  مرت عمي وعمي  بعدني مداكة الباب  اسمعها ادكول لعمي...(الكاتبة اية عبدالرحمن)

ام فهد: اكلك هاي بنت اخوك تظل هيج

ابو فهد:  ليش شبيها

ام فهد:  مدتلاحظ عليها  سحرتة لابنك حيدر سحر  لك حتى عاف العرك من وراها

ابو فهد:  اي متكيفين 

ام فهد:  شكيف  انت من كل عقلك  لك ابنك كام حتى جسارة وفشار يفشر علينة  باجر عكبة يحطنة ويموتنة

ابو فهد:  المطلوب شنو

ام فهد:   المطلوب حيدر ونورهان ميتزوجون

ابو فهد:  لعد شلون ننطيها للغريب  على اقل  تظل يمنة  وكبال عيونة

ام فهد:  مميت عليها  اعرف بيك ميت على راتب ابوها ورثتها هي واخوتها

ابو فهد: اي موزين  اصلا انت عايشة هسة بفلوسها

ام فهد: لا  يمة معايشة بفلوسها  ولابفلوس لخلفها  هاي فلوس عمارتك وفلوس اولادك 

ابو فهد: هسة انتي شتريدين  من الصبح دتلغين هل لغوة

ام فهد:  نزوجها لبراهيم وهيج تظل كدامك  بس منزوجها لحيدر

ابو فهد: مملاحظة على حيدر  يحبها  شلون تزوجيها لاخو

ام فهد:   حيدر  عود الله كريم  ندورلة  مرة  غيرها

ابو فهد: حتخربين بين الاخوان (الكاتبة اية عبدالرحمن)

ام فهد:   لا اخرب ولا شي  خليها يمي ومعليك  شنو رائيك عكب باجر

ابو فهد: من كل عقلج لج بابا شنلحك 

ام فهد: لا انلحك اصلا بس نقرة الفاتحة  يعني نحجزها لابراهيم

ابو فهد:  الله كريم

نورهان:  انصدمت من كلامها شكد مسمومة لعد مطلعت صوت رحت لمطبخ ظليت كاعدة وصافنة افكر بكلامهم  شلون يريدون يزوجوني ابراهيم والله  عاد هو بس يسمع يكيف هسة يكوم ياخذ راحتة وياة لؤلي  بس والله اموتت ومازوجة....(الكاتبة اية عبدالرحمن)