#النقيب راغب.
بقلم الكاتبة: اية عبدالرحمن 🦋.
راغب: كعدت بنعاس على صوتها مدري شتحجي دوختني عفتها وكملت نومتي ورة اشوية دك منبه موبايلي كعدت مشفتها بالغرفة كمت صعدت فوك سبحت وصليت وبدلت ونزلت رحت على امي شفتها كاعدة تسبح رحت بستها من راسها وبست ايدها وكعدت يمها.... صباح الخير يلغالية
ام راغب: هلا يمة هلا صباح النور
راغب: ها شو كاعدة من وكت
ام راغب: صليت وبعد عيني مخذت نوم
راغب: يلا الظهر نامي
ام راغب: اي إن شاءلله اكلك يمة
راغب: عيوني كولي
ام راغب: نورهان محجيتلي عليها كتلي احجيلج بليل ومحجيتلي
راغب: اي مو انتي رحتي نمتي من وكت
ام راغب: يامن وكت يمة هي غير صارت نص اليل عندك بال1 بليل من وكت هاي
راغب: هههه
ام راغب: هسة لتغير الموضوع احجيلي عليها
راغب: من ارجع احجيلج
ام راغب: لاااابد والله هسة تحجيلي
راغب: هههه مو راح اتاخر والله
ام راغب: هو انت كل يوم متاخر شيصبرني منا لحد ماترجع
راغب: تمام زين بس خلي اروح اجيبلج مي اكيد عطشانة
ام راغب: لا معطشانة اكعد احجيلي ولتتهرب
راغب: والله ماتهرب بس اجيب مي الج والي واجي
ام راغب: يلا بسرعة اكمز
راغب: هههه حجية كدامج ارنب حتى اكمز
ام راغب: هههه دكوم عاد
راغب: رحت لمطبخ طلعت بطل مي من الثلاجة واخذت كلاص ورجعت يم امي... شفتي متاخرت
ام راغب: اي يلا احجيلي
راغب: اتريدين مي
ام راغب: لا اشرب انت واحجي عاد مو فتيتة لكلبي فتتت
راغب: هههه تمام... شربت مي وبديت احجيلها كولشي عن نورهان شلون التقيت بيها ولي حجتليا نورهان هم كتلها كولشي اني ابد ماضم على امي شي
ام راغب: والله خطية هل بنية
راغب: اي والله
ام راغب: شنو رائيك بيها ها
راغب: حبابة
ام راغب: بس
راغب: وخوش بنية اخلاقها حلوة هم
ام راغب: وحلوووة هي هم
راغب: ايي صح
ام راغب: هههه راغب
أنت تقرأ
النقيب راغب
ChickLitاحداث القصة ادور بين مراهقة تبلغ من العمر 18 سنة.... تائهة في احد شوارع العاصمة بغداد مع طفل صغير يبلغ من العمر 3 سنوات فقط ورجل وسيم جدا يبلغ من العمر 33سنة...... ياتررى.... شنو لي خلاها تائهة بالشوارع وياة الطفل البريئ لي عمر 3 سنين بسس و...
