الطلقة الروسية

الفصل الثاني والثلاثون

الطلقة الروسية

أنهت سام كلامها ووضعت يدها خلف رأس باكينام في لمح البصر ودفعت برأسها بقوه لترتطم بالطبق أمامها وينقسم الى عشرات القطع وينزف جبينها بقوه ويفزع الجميع من هول ما رأه ماعدا فارس الذى نظر الى باكينام بلامبلاه وعاد ليكمل طعامه ونهض الجميع راقضين الى باكينام للاطمأنان عليها لتنهض سام وتجلس بجوار شقيقها وتعود الى تناول الطعام من جديد والجميع يطالعها بصدمه لتصيح والده باكينام بغضب

- دى مجنونه مش طبيعيه ايه اللى انتى عملتيه ف بنتى ده !!؟

- سام ببرود :- اعتزارك مقبول يا باكينام .

- سوزان بصراخ :- وليكى عين تتكلمى كمان .

- سراج بغضب :- ايه اللى انتى عملتيه ده يا سام في بيتى وعلى سفرتى .

- سام بعتاب :- باكينام كانت هتموتنى على عتبه بيتك يا أبو باسل صدقنى عشان خاطر صله الدم اللى بينكم هي لسا بتتنفس لحد دلوقت صح يا وائل .

- وائل بضحك :- اه والله ياعمى المفروض باكى تحمد ربنا وبعدين الجرح صطحى ياعنى مش عارف مكبرين الموضوع ليه بس معزورين مشافوش ماكس يا سام بس ايه ده ايدك بقت خفيفه قوى يابنت أيس سمعتك هتبوظ كده .

- باسل بغضب :- وائل خد بالك من كلامك وعالج باكينام انا اسف يا بابا صدقنى مش هيتكرر اللى حصل صح يا سام .

- سام ببرائه مصطنعه :- انا مستحيل اعمل كده طبعا حتى ممكن اعالج باكى بنفسى ايه رأيك يا سوزان .

- سوزان بغيظ :- عجبك اللى حصلنا في بيتك ده يا مرفت وانتى ساكته وبتتفرجى.

- مرفت بنبره مرتجفه وهى تنظر لسام :- حصل خير ياسوزى بنتك وقعتها وهى ردتهلها .

- ياعنى انتى شايفه كده !!؟

- ايوه .

- يلا يابنات نروح بيتنا معدش لينا قاعده هنا .

غادرت سوزان وابنتيها صافعه الباب خلفها ليقهقه عمر وهو يصفق ويقول

- ضربت معلم ي سام ايه الضربه الاحترافيه دى أدت الطبق حتت دين روسيه محصلتش .

- وائل بضحك :- أمال هتقول ايه لو شفت ماكس .

- باسل بتسائل :- هي ضربت ماكس ليه !!؟

- وائل بتفكير :- كانت بتتكلم وانا وهو نازلين أكل وكان فاضل حتت لحمه في الطبق اللى بينا فانا وهو بنبص لبعض على اللى ياخدها الأول هي أخدت بالها راحت ملبسه وشه ف الطبق وهو راح رافع راسه وهو سايح في دمه واخد اللحمه وكمل أكل .

انفجر الجميع في الضحك على تصرف ماكس لتبتسم سام حينما تذكرت تصرفات ماكس التي تصيبها بالجنون