الطلقة الروسية
توقفت سام خلف عمر المشغول بمحادثه أصدقائه الذين ماان رأوها تقف خلفه حتى فتحوا افواههم باعجاب شديد لجمالها لتقول هي بابتسامه لم تصل لعينيها
- عمر أتمنى تكون خلصت !!؟
التفت عمر الى مصدر الصوت باستغراب وتهللت اساريره حينما وجد انها سام ليبتسم بفرحه
- سام ايه المفجأه الحلوه دى انا لسا مخلص حالا .
- طب كويس انك خلصت تسمحلى اقعد !!؟
- اه طبعا اتفضلى اعرفك على صحابى ده .....
قاطعته سام وهى تجلس واضعه قدم فوق الأخرى وهى تقول بثقه
- عماد الأكرم باباه غنى عن التعريف في البرصه وغسيل الأموال.. واخته رهف الجميله حبيبتك مش كده.. وده صاحبك التانى مروان البرنس باباه عنده شركات استراد وتصدير تخيل باباك يا مروان بيصدر كل حاجه حتى أطفال الشوارع من رحمته وقلبه الأبيض بيساعدهم ويلمهم من الشوارع وبيصدرهم مع بضاعته لجميع انحاء الدول الأوربيه بيتعب جدا على فكره لازم تقدر ده وخصوصا انه بيستورد الكوك اللى بيكيف دماغ الصحبه الجميله دى.. وأخيرا نحلى بأبن السياسى الكبير زياد زين الدين مختلس نص فلوس البلد وايه اسطوره محدش بيمسك عليه غلطه.. فعلا صحبه تشرف وترفع الراس يا عمر .
- مروان بانفعال :- انتى ايه اللى بتقوليه ده ومين انتى أساسا انا انفيكى من على وش الأرض انتى عرفه احنا ولاد مين ولا ممكن نعمل معاكى ايه !!؟
- عمر بعصبيه :- متحاسب على كلامك يا مروان دى مرات اخويا أتكلم عدل معاها.
- زياد بغضب :- ياعنى عجبك كلام مرات اخوك يا عمر وبعدين هي جابت الكلام ده منين وجايه ترميه في وشنا في الجامعه عايزه توصلى لأيه !!؟
- سام ببرود :- هششش صوتكم بدأ يعلى كده اللى مشفهمش وهما بيسرقوا هيشفهم وهما بيوزعوا اقعدوا كده واعقل منك ليه انا هعوز منك ليه ايه انا باشاره منى انهيكم انتم وعيلتكم فنهدى ونسمع الكلام .
- رهف بكره :- انتى عايزه مننا ايه وعملنا ايه عشان تتكلمى معانا أساسا !!؟
- سام بجمود :- مش بحب اللف ولا الدوران انتم أذيتم حد تبعى وانا أذيتى وحشه قوى فعايزه يكون النهارده اخر يوم ليكم في الجامعه دى ولو قربتم من عمر او اتواصلتم معاه بأى شكل من الاشكال قولوا على نفسكم وعلى اهليكم يارحمان يارحيم .
- عمر بصدمه :- ليه كل ده يا سام ويبعدوا عنى ليه !!؟
- سام بلامبلاه :- مش يمكن عشان بيخلوك تشم كوكايين مثلا او بتلعب عليك الهانم ومفهماك الحب وانها بتحبك وهى بيته امبارح في فله زياد صاحبك وفى حضنه واوضه نومه .
أنت تقرأ
الطلقة الروسية
Acciónفتاه تم اختطافها على يد مافيا تجارة الأعضاء وحرمت من عائلتها وبلدها.... لتدخل الى بلد جديده عليها وتواجه المجهول حيث تم تبنيها من قبل أكبر زعيم مافيا وأنشأها على مبدأ القتل هو أسلوب حياه فهل ستظل تلك الفتاه على قيد الحياه فى عالم المافيا بعد توليه...
