اللهم صل وسلم وبارك على سيدنا محمد
سبحان الله وبحمده سبحان الله العظيم
.
خليل قام نقاله من على الطاوله
لقي ايمن فاتح .. بعتله 👎
ايمن ثواني ورد عليه..
" غريبه مزلت محظرتنيش.."
هو خليل معش رد .. ضغط على الاتصال واتصل ب أيمن..
أيمن رد: خير يا خليل في هالليل ..
خليل: لا غر اتصلت باش نذكرك انك واحد واطي وكلب وخوان..
ايمن ابتسم بخفه: باه ..
خليل: خيرك معش جيت اهني..
ايمن: خيرك توحشتني مال؟
خليل: ايمن بلاش طروح توا ..
ايمن: نفخ راك يا راجل.. بنرقد عندي ما ندير غدوا ..
خليل: مع من كنت تهدرز فاتح النت ؟
ايمن ضحك بخفه: مريض انت يا ولدي.. اصلا عارفك مش صافي انا
خليل ابتسم..
ايمن: اسمع .. صايرلك شيء انت؟
خليل: علاش تسأل.
ايمن: لا هكي بس.. خلاص متبيش تتكلم صكر..
خليل: بنتكلم..
ايمن: شن صاير؟
خليل: تو انت لما تعجبك بنت شن ادير؟؟
ايمن: ادويلها ..
خليل: البنت متعرفنيش ..
ايمن: يعني مش قادر توصل فيها..
خليل: لا .. نقدر نوصل فيها .. لكن .. مش عارف نحسها كان بنكلمها .. عادي تقدر تحظرني وتمت القصه..
ايمن: صح .. من امتى عاجباتك .. وشن تعرف عليها انت .. هل هي كويسه .. مش كويسه .. المواضيع هادو حايأثروا..
خليل: مش قادر نطلعها من عقلي .. ومش عارف هل هي كويسه او لا .. منعرفش عليها شيء..
ايمن: عشنا وشفنا خلو معجب ب بنت..
خليل ابتسم بخفه..
ايمن: باهي .. ومن هي البنت ..
خليل: منقدرش نقولك..
ايمن: شن قصدك يا حيوان بنخبر الدنيا عليك؟؟
خليل: كان نقولك ..
