حق المظلوم³

الماضي²

استغفر الله العظيم واتوب إليه..

.

عثمان: غر اجبدوه دخلوه للحوش بوي جاي..

زياد: شن تشبحلي يستحقها كمهاده راهو قتل معتصم..

ياسين: اي باش ميموتش واحد تقتل التاني!!..

عامر وزياد دفوا نزار اللي حصل خبطه على راسه خلاته يغمى عليه .. والسبب انه كان يخنق في معتصم..

عمران خش للحوش واستغرب من خوته اللي يوشوشوا .. ومعتصم و نزار مختفيين..

ياسين: عمران وين كنت؟

عمران مستغرب: ف الجامع.. تسميع اليوم..

ياسين: انت المفروض متخليش نزار ومعتصم بروحهم .. ابدا ..

عمران: شن صاير؟

ياسين: معتصم ناشب نزار ب اسم بنت .. نزار خنق معتصم لين معتصم اغمى عليه .. وشن اللي وقف نزار زياد ضرب نزار ب لوحه على راسه واغمى عليه حتى هو .. وبوي..

مكملش كلامه لأن بوهم خش

قعد فتح الله يشوف ل ولاده لين عيونه طاحو على عمران اللي كان لابس نظارات .. وسوريه طويله لونها اكحل..

ومن منظره بتفهموا انه كان في الجامع .. في ايده كانت كراسه وقلم ..

عمران قعد متجمد يراجي في بوه يهزبه ..
وفعلا زي ما كان متوقع..

فتح الله: مش قلتلك معش توريني وجهك يا فرخ! .. شن ادير واقف لما نخش للحوش تنتلف طول!

عمران هز براسه ك رد على بوه وقدم خش للشقق بسرعه..

فتح الله: جدكم قاعد في الجردينه كان بتشقوا عليه ..

وقدم خش للمربوعه..

زياد بهمس ل ياسين: امتى بيحن عليه!

ياسين: ربي يهديه شن بديرله ..

معتصم كان يشوف ل نزار بتكشيخ..

اما نزار مكانش يشوفله بكل..

وعمران كان يكتب في كراسه ..

تحديداً يكتب في الآيات اللي تلخبط فيهم باش يحفظهم كويس...

معتصم: تلاقيت مع الشيخ محمد حتى اليوم؟؟

عمران شاف للمعتصم: سمع عليا هو اليوم .. وسألني عليكم واحد واحد..

معتصم: سمع عليك!! .. ومزلت مفكر تمشي للجامع..