اللهم صل وسلم وبارك على سيدنا محمد
استغفر الله العظيم واتوب إليه
سبحان الله وبحمده سبحان الله العظيم.
.
ايمن كان يضرب في ولد خاله: هه تحسابوا كان خشيتوا داخل مش حانجيبكم..
وخبط راسه في راس ولد خاله التاني اللي كان بيغافل ايمن..
رمي واحد منهم على خاله اللي كان طايح ..
وقام الآخر رماه فوق منهم .. مشي يجري وراء خيري اللي قعد يجري على طول الحوش بس شده وبدأ فيه ضرب فش غله فيه ..
ضربه كان سريع .. كمل ضربهم في دقيقتين ممكن..
بعد رمي خيري جنب السته الباقين فاق لصوت الباب اللي يدف بقوه والأصوات اللي ينادوا فيه..
ايمن فتح الباب بس شده ب إيده وطلع راسه: اهلا.. خيركم بنخش نرقد..
هما شافوله بمعنى بجديات
احمد دف الباب بقوه والباب انفتح كله .. وكانوا السته مرمين على بعضهم..
صلاح: شن درت يا حمار..
ايمن شد ابتسامته: شيء .. لقيتهم هكي حتى انا.. توا انا ندير شيء زي هكي يا بوي الله يسامحك ما عنديش جهد نقيمهم ونرميهم فوق بعض هكي .. شكله صارلهم هبوط..
صلاح شد ضحكته وحاول يبين روحه جدي..
ايمن خبط كثف بوه: متكذبش عليا يا بوي عجبك المنظر ولا .. تحفه ولا ..
صلاح هز براسه: هبلت انت ..
ايمن صفر ل ولد خاله اللي كان مش معاهم في الخيمه بمعنى ادق توا كيف جي .. وكان واقف بعيد ويشوف للحشد اللي قدام باب الحوش..
ايمن: تعالا طوارئ ابصر شن صاير بسرعه وسعوله خوالي يناعلي بيموتوا..
صلاح حاول يشد ضحكته بس مقدرش ..
ولد خاله قرب وهو قارن حواجبه وانصدم لما شاف شن صاير..
ايمن: ووه علينا شن واقف يا سعد اجري.. قبل بنساعدك لكن يديا فاشلات ومزكوم..
سعد: غر فهمني يا أيمن شن صاير..
ايمن: شكله عصابه ..
سعد كان بيتكلم بس ركز في ايدن ايمن اللي ملبزات دم
سعد قرب من ايمن
بس ايمن شده من قميصه وملامحه قعدوا جديات وحتى صوته قعد جدي..
أيمن: قلتلك منعرفش من داير فيهم هكي .. بتصدق باهي مش مصدق صكرلي فمك ولملي لسانك ودبر كيف ترفعهم من اهني بسرعه ..
