سبحان الله وبحمده سبحان الله العظيم.
طه: بتخش زي إلياس إدارة اعمال؟
فارس: وعندي غيرها ..
طه: خيرك متفكرش في هندسه ولا حتى اي حاجه اخرى..
فارس: معنديش خلوق فيها الهندسه .. خشلها انت..
طه: بالله نوض نمشوا ناخدوا حاجه ناكلوها..
فارس: نوض هي .. معنديش فلوس اشريلي انت..
طه: عابي عليك انا!
فارس: معناها خلي نروحوا جيعانين هاده قدرنا احني
طه: وبعدين اصلا المطاعم خامرات واكل المطعم مضر بالصحه تو نروحوا نديرلك شكشوكه تي خير من الماكله هادي بمية مره
فارس ابتسم وكملوا يمشوا..
ومجرد ما وصلوا لشارعهم ..
كان فارس بيروح بس طه شد فيه لين استسلم ومشي معاه ..
.
.
.
.
.
.
.
ولأن عرس عثمان كان كيف بادي..
الولاد كانوا بايتين في الشقق وعادي..
كانوا منار وابتسام وخوله إقامه ليهم اسبوع ..
وفي الليله هادي كان عياط بنت خوله عالي هلبا ..
مبتش تسكت بكل ..
بنت خوله عمرها اربعه شهور بالتمام
بنتها كانت صغيره وكلهم يخافوا من شدها او قربها ..
حاولت تسكتها وخافت من بوها ..
كلهم ناضوا حرفياً حتى ان نزار خبط على الباب بعصبيه وقاللها سكتيها ولا نقتلها
حصل ضربه من ابتسام على راسه خلاته يرفس كل شيء قدامه .. طبعا مش حايضرب اخته الكبيره ..
سلسبيل الهايجه قعدت تصفقلها واديرلها في أصوات.. ولأن شعرها مطنش خلاها تزيد تبكي ..
حرفياً كانت ليله سوده..
لين عمران اللي حس بالجو تكهرب وحس بقلبه وجعه على اخته اللي بدت تبكي مع بنتها ..
