اللهم صل وسلم وبارك على سيدنا محمد ..
سبحان الله وبحمده سبحان الله العظيم ..
.
في البر في مكانهم المعتاد ...
خليل كان متنرفز زاد تنرفز لما لقي فارس قاعد ومعاه وائل..
مباش يخرب الجو وقعد يساعد فيهم في شن يديروا ..
امجد بدا يولع في النار
وزيد قعمز يدخن ..
ايهم: عركتكم معش حزت انتم؟
خليل: متخشش فيها خير..
ايهم: المفروض تناقشتوا يا تنحز يا تقطعوا بعض بكل
خليل: هاده كله ومش قاطعه انا في رايك؟؟
ايهم: مش عارف .. خلاص فوت توا ..
من بعيد فارس كان يشوفله ...
سلوى حكتله على اخر موضوع .. وفارس ابتسم بهزوه وخلاص...
عارف خليل معش حايردله وهو مستجرأش يقربه ويتأسف .. او حتى يتكلم معاه عادي..
وائل: جايب بطاطا حلوه اشوها..
امجد: نخدموا تحتك؟ اللي جايب حاجه ينوض يشويها..
وائل: اخخخخ حس سكري هبط..
زيد: نوض اشويها والله خاطري فيها..
حسين: نوض جري زيد جي في خاطره شيء غير الدخان..
وائل يدير حاجه زي هكي؟
لا امه قريب بتوكله وتلبسه هو .. تبوه ينوض يشوي..
اي رفض لذلك حسن ناض خداها غسلها وبدا يشوي فيها..
قعدوا متفارقين.. كل مجموعه في تركينه ..
والسبب عركة فارس وخليل ..
وكلهم لاحظوا ان خليل لما يصكر راسه على حاجه .. معش يفتحه!
.
.
.
.
.
.
وجدان خشت للكوجينه ودارت قهوه .. ليها ولبدريه..
