حق المظلوم⅓

01

سبحان الله العظيم سبحان الله وبحمده

استغفر الله

الله اكبر

الحمدلله

لا إله إلا الله

.

الربيع .. 2013

معتصم خش لشقه رقم اربعه على قولتهم..
كالعاده مظلمه..

معتصم نخص عمران اللي كان راقد..

عمران نحى الغطاء وشافله..

معتصم: صباح الخير يا نور العين .. هي وقت على الجامعه..

عمران قعد ساكت وشوي وقعمز..

اما معتصم فتح الستاير..

عمران وقف ومشي للحمام .. دوش على السريع وطلع..

وكالعاده اكحل في اكحل هاده لبسه..

طاقيه كحله .. ونظرات شمسيه خافي بيهم عيونه..

شعره الاكحل كان طاول بحكم انه معش حلق.. مغطي جزء كبير من رقبته..

وهاده سبب اخر خلاه يلبس الطاقيه..

خدي سبيدروه الاكحل ولبسه..

طلع مع المعتصم اللي كان يهدرزله

معتصم: متأكد مخاطركش تفطر .. امي موتيتلك فطور ملوك..

عمران: مخاطريش..

معتصم: باهي باه.. المحاضره اليوم مهمه هلبا.. صباح الخير يا وجه الخير..

ياسين شافله وشاف ل عمران ..

معتصم كان مبتسم .. قميص ابيض .. وسروال قهوي داكن.. سبيدروا ابيض.. شعره العسلي منظم وابتسامته تخليك تبتسم غصب عليك..

اما عمران.. اكحل اكحل اكحل اكحل.. وحارم الناس من عيونه .. وجها جامد .. وطبعاً مننسوش بشرته الشاحبه اللي كانت زي مصاصين الدماء ..

ياسين: للجامعه مال؟

معتصم: اي ..

عمران شاف للساعه اللي في ايده: مزال نص ساعه يالله نوصلوا.. نتلاقو بعدين ..

وجبد معتصم وطلعوا.

معتصم قلب عيونه .. ديما مجبود!

الجامعه اللي يقروا فيها كانت مش بعيده على حوشهم.. لذلك ساهله القصه..

سياره؟؟ لا معندهمش.. من بيديرلهم سياره!
لذلك كل واحد يخدم ويدير سيارته بروحه..

مثلا خوهم عثمان .. السياره عاطيتهاله خدمته..

ياسين خدم طول الصيف وطلع حق سياره ..
وكذلك الكلام على زياد وعامر..