You're My Destiny (Completed)

15. Family

(Unicode)

ဂျီမင်းရေချိုးအဝတ်အစားလဲပြီးချိန်မှာ မာမီက သူ့အခန်းဆီရောက်လာတော့တယ်...။ ပွေ့ဖက်နှုတ်ဆက်လာတာကြောင့် ပြန်ပွေ့ဖက်လိုက်ပေမယ့် မာမီ့ဆီမှာ ဒယ်ဒီရဲ့ရေမွှေးနံ့ရနေတာကို ဂျီမင်းစိတ်ထဲသဘောမကျပါ...။

"မာမီ့သားလေးက မတွေ့တာကြာလို့ပိုချောလာတာပဲ"

ပါးနှစ်ဖက်ကိုအသာဆွဲညှစ်ရင်း ပြောလာတဲ့မာမီကြောင့် ဂျီမင်းစိတ်ထဲအံ့ဩမိ‌တယ်...။ တကယ်ဆိုမာမီက အခုလိုချစ်စနိုးအပြုအမူမျိုး လုပ်လေ့လုပ်ထမှမရှ်ိတာ...။ သားအမိနှစ်ယောက်ဆက်ဆံရေးက စကားအပြောအဆိုရှိကြပေမဲ့ ပွေ့ဖက်တာမျိုးကတောင် ခပ်ရှားရှားလေ...။

"မာမီလဲ အများကြီးချောနေတုန်းပါပဲ... ဒါနဲ့မာမီဒီကိုလာတာ မာမီ့ရည်းစားသိလား... ဘယ်နှရက်လောက်နေမှာလဲ...??"

ဂျီမင်းရဲ့အမေးကြောင့် ယူရီက ခပ်ဟဟရယ်မောလေရဲ့...။ သူမရဲ့သားက အဖေချစ်သားဖြစ်နေပေမဲ့ သူမနဲ့ဆိုရင်တော့ အရင်လိုပဲ စကားပြောတာဘုဘောက်ကျစမြဲ...။

ယွန်းဂီဆီပို့ထားပြီးနောက်ပိုင်း ယူရီနဲ့ဖုန်းအဆက်အသွယ်ရှိခဲ့ပေမဲ့ ပြောကြတဲ့အကြောင်းအရာတွေက သာကြောင်းမာကြောင်းထက် ယွန်းဂီရဲ့အကြောင်းတွေသာ ပိုများတယ်...။ ယွန်းဂီရဲ့ငယ်ဘဝအကြောင်းကို ယူရီဆီမှာပြန်မေးတတ်သလို ယခုလက်ရှိယွန်းဂီရဲ့ နေထိုင်ပုံတွေကိုလည်း ပြန်ဖောက်သည်ချတတ်ပြန်တယ်...။

သူမကိုယ်တိုင်မွေးထားရတဲ့ သားဖြစ်တာမို့လို့ သိပ်ပြီးလက်ပွန်းတတီးမရှိခဲ့သည်တိုင် ဂျီမင်းရဲ့စိတ်အာရုံထဲမှာ ယွန်းဂီက နေရာတော်တော်များများယူထားမှန်း ယူရီသတိထားမိတယ်...။ ဒါကြောင့် ဂျီမင်းကိုယွန်းဂီလက်ထဲ စိတ်ချလက်ချထားခဲ့‌ချင်ပေမဲ့ ယွန်းဂီကတော့ ခေါင်းမာစွာပင် သားတစ်ယောက်လိုသာ စောင့်ရှောက်မယ်တဲ့လေ...။

ယွန်းဂီဘက်ကကြည့်တော့လည်း မှန်ပါတယ်လေ...။ ဂျီမင်းမမွေးခင်ကတည်းက ဂျီမင်းရဲ့အဖေနေရာမှာယူထားပြီး မျိုးရိုးနာမည်ကိုတောင် သူ့မျိုးရိုးနာမည်ပေးထားတာကြောင့် ရုတ်တရတ်ကြီး သားအရင်းမဟုတ်တာကို ပြောဖို့ခက်နေမှာပါပဲ...။