ما كانت النيه عذابك ي غناتي ولكن عنادك أجبرني

2

كانت قاعده بغرفتها ومنغمسه بكتابها وصحت على صوت جوالها لفت وشافت رقم غريب ردت بدون ما تتكلم وقشعر جسدهااا وتصنمت مكانها وضاعت الحروف وهي تسمع صوته
من خلف الجوال
تكلم بصوت مبحوح : اشتقت لك
ما قدرت ترد وهي للان تحت صدمتها
تكلم وهو عارف أنها مصدومه وبنبره فيها الكثير من العتب والحزن : افا ي ريمي حتى صوتك ما تبين تسمعيني وتردين روحي
نزلو دموعها من اسمها الي ما يقوله لها الا هو هو الوحيد الي يناديها ب هالاسم وما حبت اسمها إلا منه نطقت بضعف : لا تتجرى وتدق مره ثانيه والا بيصير شي ما يعجبك
تنهد تنهيده طوويله يعبر لها عن مدا حزنه والمه وخيبته فيها : هو من المفترض اني ما أدق والوم عليك لكن قلبي عصاني وجاك ي بنت قلبي ملهوف لكن گ عادتك تصديه بعنادك وقسوتك
شهقت بقوه من قوه كلامه وهي تكتم شهقاتها
فز يوم سمع صوتها وتكلم بسرعه : تكفين لا تبكين إلا دموعك لا تنزل ي بنت قلبي إلا دموعك أن كان فراقي راحتك اوعدك معاد تشوفيني ولا تسمعين حسي  واكمل بتنهديه حزن انا اسف على اتصالي
انتظر ردها وما سمع غير نفسها رفع رأسه لفوق يداري دموعه من قساوتها عليه ونطق بحزن : مع السلامه
بينما هي بعد ما غلق منها بكت وبكت بحزن وشوق وضعف هي تحبه بس  مو قادره تبين حبها وهي تدري ان هالشي عقابه كبير له ولها دفنت رأسها بوسدتها واكملت بكائها .

وهكذا هي حياة بطلتنا االثانيه الريم

أما عند ابطالنا بعد ما انتهى دومهم خرجوا كل واحد متوجهه لبيته طلعت بطلتنا مع صديقتها وهم يتناقشون عن الدراسه والمحاضرات
سكتت ريتال بينما الآخرى ناظرت فيها بأستغراب شافتها تطالع لبعيد لفت وشافت وين تناظر
شافت اثنين واقفين مع بعض ويتكلمون حاولت التركيز على واحد منهم وهي تحس انها تعرفه
بعدها شهقت بصدمه بينما الأخرى فزت بخوف وهي تناظر فيها وتكلمت بخوف :  شفيكك انتي
غنى وهي مازلت تناظر الولد : ريتالل شوفي ذاكك الولد
ريتال رجعت تناظر لهم وبرفعه حاجب :اي واحد
غنى : الي لبس جاكيت ابيض
ريتال لفت لها بأستغرب : اي وش فيه
غنى : أحس فيه شبه منك كثيررر
ريتال بضحكه : بس انا ما احس كذا
غنى وهي تناظرها وتناظر الولد : يشهبك والله يشبهك شوووفي
ريتال بأستغبى : يمكن يكون اخوي
غنى بنص عين : لا بالله ذاك المزيون يصير اخوك مستحيل
ريتال وهي كاتمه الضحكه : ليههه ويش فيني تراني ازين منه
غنى : اول شوفي نفسك
ريتال بنرفزه : غنى ترا ذاك اخوي
غنى : هه هه ترا ما يضحك
ريتال سحبتها معاها وهي متنرفزه وتقدمت لجهتهم
غنى فتحت عيونها وهي تشوفها تروح تجاه العيال
غنى : هييي فكي يدي انتي وين موديناا
ريتال بضحكه : اثبت لك بس
غنى : خلاص خلاص صدقتككك
ريتال :  خلاص فات الفوت ولفت تناظر اخوها وصديقه
غنى لفت وشافتهم قدامها وما يفرق بينهم إلا القليل وبضحكه استغبى : انا اسفه مدري شلون وصلت هنا ولفت بتروح لكن ريتال سحبتها وهي توقفها قدامهم وتكلمت بهدوء : غنى اعرفك هذا اخوي خلف وذاك الي معه صديقه احمد
احمد كان مفهي من البنات الي جو ناحيتهم وزاد استغرابه من جرائه البنت الي تتكلم وانصدم يوم تقول خلف اخوي نزل نظره بسرعه يتدرك الوضع قبل لا يلاحظه خلف ويذبحه بينما خلف كان شادد على يده بعصبيه من استهبال أخته وجنانها مسكها من معصمها وسحبها عنهم وتكلم وهو شادد على اسنانه : ريتال اتركي عنك الجنان انتي شتسويين ها جايه وطاقه الميانه ما تستحين
ريتال تجمعو الدموع بعيونها وهي تشوف عصبيته لأول مره تكلمت ببرائه : ماكان قصدي شي بس صديقتي تبي تتعرف عليك وجبتها
فتح عيونه على وسعهم بصدمه : وش وش تتعرف عليااااا ليه هي ولد والا ايشش انا شاكك فيها من بدايه ما شفتها معك قلبي مو مطمن لهااا
وراح عنها وهو معصب بينما فيا فهت بمكانها من كلامه

كانت واقفه وهي تناظرهم واستغربت من عصبيته المفاجئه عدلت جلستها وهي تشوفه تقدم ناحتيها
وقف قدامها وعيونه يتطاير منها الشر : وقسم بالله لو ما تبعدين عن اختي أن بيصير شي ما يعجبك وانا أحذرك اياكي ثم اياكي تقربين من اختي أنهى كلامه بحده وراح وهي واقفه على حالها ولا تحركت منصدمه من كلامه لفت وشافته ماسك ريتال بيده ويسحبها معه تنهدت بحزن وراحت وراهم طالعه من الجامعه

من بعد ما كلمها وهو مغلق على نفسه بغرفته ولا طلع ولا اكل شي ومتضايققق
رفع رأسه لفوق وهو يتذكر :

بلاش باك

دخل البيت وهو مبسوط وأخيراً حبيبت قلبه صارت في بيته وحلاله
دخل وما شافها لف البيت كله وما شافها دب الخوف بقلبه وتوجه للمطبخ على أمل يلقاها دخل وشافها تجهز الغداء تنهد براحه بينما هي لفت له وبأبتسامه
: رجعت
ابتسم لها بحب وهو يتقدم ويسحبها من خصرها له
: اي رجعت ما قدرت اصبر وأكمل يومي بدون ما أكحل عيوني بشوفتك
دفته عنها بخفه وهي تشتعل من الخجل : ما تترك عنك هالكلام ويلاا خليني اجهز الاكل .
كشر بضيق وهو يتكلم : ما تخلين الواحد يتهنى
ضحكت بخفه وهي تطلعه من المطبخ : يللا اطلع غير ملابسك وتعال لبين ما اجهز السفره
ضحك بقوه : طرده محترمه مدام ريم
غمزت له وهي ترجع المطبخ أما هو ضحك بسعاده وهو يحب وجودها معه ويحب حياته بقربها تنهد براحه وتوجه لفوق

باك
نزلت دمعه حااره أحرقت قلبه قبل خده على ذكره جميله ذهبت ولم تعد وبعدها لحقتها سيييل من الدموع تكلم بحزن : شلون جابك قلبك تلعبين فيني شلون كسرتيني وانا كنت لك الجبر شلون تتركيني وانا حلفت ما بيوم اتركك الله يسامحك ي بنت قلبي الله يسامحك .

بعد ما اخذها اخوها من الجامعه وهي بتجن تبي تعرف وش حكي مع غنى وهي ندمانه على كذبتها وحتى اخوها ما سمح لها تبرر له أي شي وصلها وتركها وراح
تنهدت بحزن وهي حتى ما اخذت رقمها تجمعو الدموع بعيونها وهي تتذكر كلام اخوها لها عن غنى تكلمت بحزن : ي ترا ويش قال لك ي غنى
انا انجرحت من كلامه وهو مو لي شلون انتي والكلام موجهه لك اتمنى أنه ماقال لك عن الي قاله لى
وبعد تفكير اخذت جوالها وهي تدق على اخوها .