ما كانت النيه عذابك ي غناتي ولكن عنادك أجبرني

13

بعد مرور شهر من اخر الاحداث
ريم طلعت من المستشفى وصارت بخير وزعلت  من اخونها بعدين رضت
ريتال وغنى تصالحو بس ما صاروا يلتقون كثير بسبب انشغال غنى بابوها وتعبه
خلف صار يفكر بغنى كثير وما صارت تروح من باله
مهند مازال مختفي حتى الآن والعنود ما يأست ومازالت تحاول تكلمه
احمد وساميه عايشين حياتهم بحب
والباقي على حالهم ما تغير شي

صحت الصبح على جوالها أخذته وهي ترد بصوت نعسان : هممم
غنى بتوتر : ريتال تكفين الحقينيي
فزت من مكانها على الصوت ورجعت تتكلم بسرعه : غنى ي روحي شفيك
غنى شوي وتبكي : تكفين ي ريتال تعالي طلبتك
قامت ريتال من فوق السرير بسرعه : ابشري ابشري نص ساعه وانا عندك

نزل وقعد مع أهله على طاوله الاكل وياكلون بهدوء
شافها تنزل من الدرج بسرعه
ياسر : شوي شوي لا تطيحين ي بنتي
ريتال بأستعجال : ايه بس مستعجله بابا بروح عند صديقتي اتصلت فيني تبيني ضروري
ابو احمد : زين خلي السوق ياخذك
ريتال وهي تمشي : أن شاء الله
ام احمد : طيب اكلي لك شي قبل لاتروحين
ريتال ناظرتها  : لا ما عليك باكل عندها
وطلعت بره وكانت بتتوجه لسائق بس وقفت على الصوت الي يناديها

خلف يوم سمعها تقول صديقتي تبيني حس أن في شي وهو يعرف أن ريتال ما عندها صديقات غير غنى لحقها يبي يعرف منها وش فيه
خلف : ريتال
لفت عليه وتكلمت بسرعه : تكفى خلف مو فاضيه لك اليوم
خلف بهدوء : انا جيت اقلك باخذك معي على طريقي
ريتال نطت : صدقق
خلف بابتسامه : اي يللا تعالي
ركبوا مع بعض متوجهين لبيت غنى

فتحت جوالها وانصدمت من الرساله الي تشوفها حست الدنيا وقفت ويدها ترجف وهي تقرأ محتواها

(السلام عليكم كيف حالك عنود انا اسف ل اني طوال الفتره ذي غبت عنك بس صدقيني ظروف حدتني العنود اهلي جبروني أخطب وأملك على بنت عمي ورافضين نتزوج انا وانتي طلبتك يالعنود انتظريني بحاول اخلص منهم واجيك لاتروحين لغيري وانتي تدري ان قلبي معك حبيبك مهند )

طاح الجوال من يدها وجسمها صار كله يرجفف بخوووف حست بصدرها مكتووم رفعت عيونها لسماء تداري دموعها نطقت بقهر : بينما كنت منتظره لك وأبكي عليك وخايفه عليك كنت انت بأسعد ايامك ومع غيري حسافه حبي لك حسافه وصارت تضرب على قلبها بحزن وتبكي

راكان من بعد رساله اريام وهو يحاول باي طريقه يوصل لها هي مفكرته يتلاعب فيها ما تدري انه يحبها ويموت فيها من بعد ما راحت صار مكتئب والكل ملاحظ هالشي عليه يحس حياته ظلمه وما كان منورها غيرها كان يتكلم معاها بالساعات وكل كلامهم بس ضحك وهواش بس تعلق ب هالاشيا وصار يحبها منها ولو غابت عنه يوم يفتقدها كيف الحين وله فتره طويله ما كلمها
تنهد بهدوء وترك الجوال على الكومدينا يحاول يتذكر اي شي عنها وش قالت له من هي وبنت منو يبي يروح له على الأقل يطمن عليها
فززز بسرعه يوم تذكر شي