ما كانت النيه عذابك ي غناتي ولكن عنادك أجبرني

14

رجعت لغرفتها ودموعها على خدها حطت يدها على فمها تمنع شهقاتها
اليوم حست معنى يكون لك اخ يكون لك سند اليوم اشتاقت ل اخوها تمنت لو أنه ما مات تمنت لو أن القدر وقف بصالحهم هالمره بكت بحرقه وتخيلت لو أن اخوها الكبير ما توفى كان تغير حالهم كثير كان عمها ما تجرى سوا لهم شي كان ابوها بيكون بخير ما كانت اختها خافت ما كانت اضطرت تسوي شي ما تبيه تدري ان مصير اختها وحياتها بين يدين عمها لو يبي يزوجها ولده غصب عنهم مالهم حيله
شهقت بقوه وهي تتخيل يجي دورها بعد اختها سحبت جوالها وما حست بنفسها ألا وهي تدق عليه....

ركب سيارته وصار يلف الشوارع يدور على المستشفى الي قالت ناظر الموقع قدامه قريب حس بفرحه بس ما دامت هالفرحه ثواني حتى يهتز جواله دليل وصول اتصال عبس ملامحه بضجر وأخذه ورد بدون لا يشوف إلاسم : انتم ما تخلون للواحد حاله
…:راكان
وقففف السيارررره بقوووه يوم سمع الصوت فز قلبه الف فزه وحس روحه بتطلع منه تصنم مكانه ولا قدر يرد رفع الجوال قدام عيونه يشوف اسمها رجعه لأذنه ويحس بيطير من الفرحه : ي عيون راكان ي قلبه وكل دنيته وينك يالظالمه ويننن رحتي عني كذا
شهقت بقوه واكملت ببكى : راكان تكفى احتاجك
أنصدم من صوتها : اف اف وش مبكيك قولي لي علميني من يبكي هالعيون
اريام ماردت عليه وهي تبكي
راكان حس بقلبه نيران : تكفين لاتسكتين وتعذبيني تكلمني علميني وشش فيك
اريام : تكفى لاتسألي بس سوالف لي نسيني ياراكان
تنهد بهدوء ورجع رأسه لورا : اخخ انا وش اسوالف وش اقول غير اني اشتقت لك شلون تبيني اسوالف لك وانتي تبكين وقلبي مو معاي ولا فكري كلهم يفكرون من نزل دموعك الغاليه ....

خلف
ناظر فارس بابتسامه جانبيه : ايي هو
فارس فز من مكانه : تخسى تأخذ بنت عمي البنت مالها الا ولد عمها مو يعني أنك غني تأخذ الي تبيه
رفع حاجبه بهدوء ومازل مبتسم : احد قالك تخليها لين يأخذها الغريب والا بس شاطر تتبوسم بالجوال
فارس تنرفز من كلامه : والله ما تأخذها إلا على جثتي
تكتف يناظره بهدوء : يللا بس وريني عرض اكتافك
جا فارس بيرد وقفه أبوه وهو يسحبه ويطلع معه من المجلس ومن البيت بكله
ابو غنى نزل راسه بين يديه وتنهد بهم بينما خلف يناظره بهدوء
رفع عيونه عليه ونطق بهم : وش الي خلاك تكذب ي ولدي ليش تكذب هالكذبه انا ما بغيت احرجك قدام الناس والا ما كان سكتت لك
خلف ناظره بهدوء ونطق : من قال اني اكذب انا ابي غنى بجد
ابو غنى بحده : لو كنت تبيها كان خذيتها من قبلهم مو الحين يوم شفتهم قلت خطيبتي
خلف تقدم له ومسك يده : وقسم بالله ي بوي اني ابي بنتك واني احبها واموت فيه وما كنت منتظر إلا الوقت المناسب لأجل اتقدم لها مادريت أن غيري بيسبقني
ناظره ابو غنى بعمق وشاف الصدق بعيونه : والله مدري وش اسوي
خلف : لاتسوي شي بس قل تم انت ادري بفارس وأبوه اكثر مني والله ما يخلون بنتك بحالها خليني اكون سندها من بعدك احميها بغيابك وبحظورك
ابو غنى : وانا اقول تم بس اول لزوم اسأل البنت
خلف بسرعه : لالا ماله داعي يعم انت تدري أن غنى مستحيل ترضى لكن بأخذها منك ومع الوقت بتتقبل
تنهد ابو غنى بهدوء : زين وانا والله ما رضيت فيك إلا ل اني شفت الشهامه والشجاعه فيك
خلف فز : تبشر بي وأنا خلف الحين اذا تسمح ي عم اكلم الشيخ ونملك وأخذها
ابو غنى بهدوء وضييق من اخوه الي كدر عيشته هو وبناته : زين زين