ما كانت النيه عذابك ي غناتي ولكن عنادك أجبرني

17

وصل للمكان المحدد وحجز طاوله لشخصين بس منفرده عن العالم شوي
طال انتظاره تنهد وفاقد الامل انها تجيه وقف وسحب جواله بيطلع
شقت الابتسامه وجهه وهو يشوفها داخله الكوفي
وقف يأشر لها بأبتسامه
انتبهت له وزاد توترها وهي ي الله قدرت تجي بعد تفكير طويل تقدمت له بخطوات بطيئه وقفت قباله وما رفعت عيونها عكسه كان يأكلها اكل بنظراته
قعد على الطاوله وأشر لها تقعد
جلست قدامه وهالمره رفعت نظرها له وتلاقت عيونهم ببعض وطال النظر لين قطع الصمت العامل : وش تطلبون
الريم شتت نظرها وبهمس : ولاشي
سام ناظرها وبعدها لف للعامل وهو يتنهد : اثنين كوفي لو سمحت
راح العامل ونطقت ريم بهدوء : وش في عندك
سام رجع ضهره لورا : هالمره انتي الي بتتكلمي وانا الي بسمع
رفعت حاجبها : اتكلم ! بشنو !
سام : لاتتغابين وانتي عارفه وش اقصد وأكمل بحزن ريم تكفين ريحيني وريحني نفسك تحسبين اني لاهي عنك لا والله انا عارفه بكلشي يحصل معك وادري قد ايش تعانين وانا بعد اعاني ليه ما تريحينا الاثنين ليه تتلذذين بعذبنا والحل بيدك وش غايتك علميني تكفين تعبت والله اني تعبت وكلمه تعبت قليله على الي فيني
اخذت دموعها مجراها وهي تسمع كلامه تنهدت بهم خلاص هي مو قادره تتحمل الي يصير تعبت واتعبته معاها وعلى بالها أنه مرتاح مدرت بالي يمر فيه نطقت بضف وبحه: خلاص بعلمك بكلشي بس ما ابيك تقاطعني
سام فز بفرحه : وآلله ما اقاطعك كلي إذن صاغيه

اخذت نفس طويل وبدت تسرد له الي صار.......

خرج من بيته وتوجه لبيت اهله وله فتره ما راح لهم
وصل ودخل الصاله وشاف أهله مجتمعين رد السلام وكان بيروح لكن واقفه أبوه
ابو احمد : تعال تعال ي خلف
خلف تقدم : سم
ابو احمد : سم الله عدوك اقعد ابي اكلمك بموضوع
قعد وهو عارف وش موضوعه
ام احمد بحنيه : ما ودك تتزوج ي ولدي ما ودك تفرحني فيك
خلف : لا
ابو احمد : إلا إلا بيتزوج ونفرح فيه وهالشي قريب
خلف لف ل أبوه بقوه وش يقصد بكلامه ونطق بحده : بس انا لسا مو مستعد لزواجه والهم
ابو احمد : وش الي مو مستعد بيت وعندك بيت وظيفه وعندك وظيفه وش عاد منتظر اقول والله ثم والله أن ما سمعت كلامي لا انت ولدي ولا انا ابوك
ترا الناس قاعدين يضحكون علينا مملك على البنت أكثر من سنه ومو راضي تتزوج
خلف : بس يبـ
ابو احمد وهو يوقف : لا بس ولاشي بعد شهر من الحين زوجكم رضيت والا غصبب عنك
وقف بغضب وراح عنهم أبوه كذا ديم يجبرهم على شي ما يبونه ولولا خوفهم من الله ما سمعو له كلمه ركب سيارته ويحس بينفجر من العصبيه الي فيه ....

الريم &سام
الريم : خلاص بعلمك بكلشي بس ما ابيك تقاطعني
سام: تم والله ما اقاطعك بشي
الريم : تتذكر هذاك اليوم يوم خرجت لشغالك
سام بحزن : وانا بنساه
تنهدت الريم واكملت

فلاش باك

صحت من النوم وهي تحس بحركه طفلها فزت بسرعه وهي تصحي سام
الريم : سام سام
سام فز من نومه: ها وش فيه ريم تولدين
الريم : ساممم شفيك وسحبت يده وهي تحطها على بطنها
ناظر فيه بأستغرب
الريم : هفف ليش معاد تحرك
فتح عيونه : تحرك
الريم : ايييه قبل شوي
سام بفرحه : ي ربي ابي احس بحركاته
الريم كشرت: مدري شفيه تحرك مره وحده بس
سام سحبها لحضنه بحب : ماعليك ي روح سام بتكثر حركاته والله يعينك الاب بجهه والولد بجهه
ريم تشبثت فيه : ويزينكم وياحلوكم على قلبي
سام بعدها عن حضنه وهو يناظر فيها من تحت لفوق صايره حلووووه وكثير مع بطنها البارز شوي وخدودها
نطق بتساؤل : يصير اكلك
ضحكت بقوه ودفته بعيد عنها : اقول ي الله تاخرت على دومك خذ لك دش لبين ما اجهز ملابسك وفطورك
سام باسهااا بقوه وتوجه لدوره المياه : ابشريي ي ام تركي
ضحكت بخفه وتوجهت للمطبخ مبسوطه كثيير بحياتها معه مدلعها ومدللها يحبها ويخاف عليها وهي تحبه إلا تموت فيه فزت من تفكيرها على اليد الي حضنتها من ورا
سام : يتهنى الي أخذ عقلك
ريم لفت له ورفعت يدها لعنقه : تهقى في غيرك ؟
سام : لاااا طبعاً يخسى الي ياخذ تفكير حبيبة سام
ريم : يللا ي حبيب الريم الاكل جاهز
ضحك بخفه على تقليدها له وتوجهوا لطاوله الاكل يأكلون مع بعض وبعد ما خلصوا سام حضن الريم وراح لشغله
وهي رجعت تكمل ترتيب وتنظيف البيت