ما كانت النيه عذابك ي غناتي ولكن عنادك أجبرني

3

بعد ما وصل أخته راح بسيارته ما يدري وين يروح بس المهم ما يرجع البيت يدري أن أهله بيفتحون معه نفس الموضوع
وقف سيارته ب المكان الي يجيه كل مره  يشكي همومه وحزنه وضيقه ويروح
نزل من سيارته وتقدم بيدخل لداخل شاف سياره واقفه قريب منه وفي بنت تناظر مكان ما بيروح بشرود رفع حاجبه بأستغرب وزاد استغرابه يوم شافها ترفع كفوفها وتغطي عيونها والظاهر أنها تبكي
جر خطواته ناحيتهاا يبي يسألها يبي يعرف شفيها للحظه حس انها تحس بنفس إحساسه حس وكأنها مشابهه له بنفس الوجع
صحى من شروده على صوت السياره فز وشافها راحت ارتخت ملامحه وتنهد بهم
وتقدم ودخل ل عزيز روحه دخل للي كان اغلا من كل البشر وراح ل باريه تارك خلفه شخص يستحال ينسيه بيوم من الايام

عند بطلتنا كنت تسوق سيارتها ودموعها تجر على خدها الناعم بهدوء اشتاقت له وكثيرر تتمنى تشوفه تتمنى لو ما فارقها لو ما راح لو اخذها معه تنهدت تنهديه تتبعها تنهديه وبعده بكت بنحيب
كل ما شتاقت له جت تشوف قبره من بعيد توقف امام باب المقابر تحس ان روحها ساكنه خلف تلك الاساور
كيف لمكان يضم شخص كان بيوم من الايام امانها وملجائها الوحيد اليوم يحرم عليها زيارته

نزلت الريم وهي تشوف أهلها قاعدين بالصاله يسوالفون مع بعض
تقدمت وسلمت عليهم وقعدت قريب من امها
جدتها : بلاك انتي ما تنزلين تقعدين معنا
الريم تنهدت : اعذريني ي جده وانتي عارفه بأيش مريت
ابوها ناظرها : ي بوي خلي كلشي وراك خلاص انسين الماضي وانتي سويتي الشي الصح ولا يجي من الايام وتندمين
الريم لفت له : لا ماعليك أصلاً أكثر ما أنا ندمانه عليه اني سمعت كلامك انت وعمي بيوم من الايام
جدتها : قطع يقطع لسانك لا تتكلمين مع ابوك كذا
الريم : اسفه بس ذي الحقيقه وقامت عنهم
امها كانت تناظرهم من بدايه كلامهم وهي شايفه حزن بنتها بوجهها شايفه الهم شلون غطى على ملامحها الحنونه وتبدلت ل قاسيه تنهدت وهي تاخذ نظره سريعه عليهم وتقوم

بمكان اول مره نروح له
كانت قاعده العنود أمام شباك غرفتها وهي تكلم بالجوال
: مدري شسوي ابوي أخذ قراره وخلص
الطرف الثاني تكلم بحزن : افا شلون ي العنود تكفين لا تييأسين وتحطمين قلبي معك
العنود نزلو دموعها : مجبوره ي مهند والله مجبوره مسحت دموعها وتكلمت بشراسه والله أن ما صرت لك ما اكون ل غيرك وانا العنود
مهند بسرعه : عنود وشذا الكلام وبعدها تنهد باذن الله بيصير شي وتتفرش هالزواجه وأخذك حليله لي وحدي
العنود بغصه : تهقى ي مهند بيتحقق حلمنا بنصير لبعض بالحلال
مهند والدمعه بطرف عينه : أن شاء الله ي عين مهند أن شاء الله والله لا اسوي المستحيل حتى تصيرين لي
العنود بهمس : الله يسهل لنا يارب

ثاني يوم يوم مشرق وجميل للبعض وحزين عند البعض
صحو ابطالنا وتوجهوا لجامعتهم
وصلت غنى ودخلت الكافيه قعدت وهي تناظر السارح والراجع