ما كانت النيه عذابك ي غناتي ولكن عنادك أجبرني

8

بعد الموقف الي صار بين خلف وغنى
معاد تواجهو مع بعض ابد وحتى لو التقو بالصدفه يتجاهلون بعض

ومرات الايام والأشهر وتخرج خلف مع احمد من الجامعه وبقت ريتال وغنى لحالهم

صباح يوم جديد
صحى الصباح لبس ونزل لتحت
خلف بهدوء : صباح الخير
أبوه وأمه : صباح النور
خلف قعد وهو يناظر أبوه : ي بوي انا قرررت اشتغل معك بالشركه
ياسر بفرحه : والله انها الساعه المباركه وهذا الي ابيه
خلف هز رأسه بهدوء
ولف على ابوه يوم نطق بتسأؤل : متى تبدا
خلف وهو يوقف : متى ما نويت جيت لك لشركه
ياسر هز رأسه بهدوء

أما خلف طلع لفوق متوجهه لغرفه الريم يبي يطمن عليها

بالجامعه
كانت غنى قاعده وجنبها ريتال
غنى بطفش :ما تحسين أن الجامعه صارت غثيثه
ريتال بخبث : وليه أن شاء الله امم أو لنه حبيب القلب مب فيه
غنى فتحت عيونها على وسعهم : هييي انتي شتقولين وبعدين اختفو كل رجال الأرض لأجل احب هالخلف
ريتا بضحكه : بس انا ما ذكرت اسم خلف
غنى وقفت بربكه وهي متنرفزه منها وتكلمت بتوتر: ادري انك تتكلمين عنه وانتي من اخر موقف لنا تبين تعرفين وين رحنا وايش تكلمنا
ريتال بفضول : طيببب تكفين علميني ووعد معاد اتكلم بشي
تقدمت لها غنى وبأبتسامه  جانبيه: تحلمين
ومشت رايحه من عندها وهي تضحك على حلطمه ريتال الي لحقتها

مر شهر بأكمله وهي ما سمعت صوته ولا تعرف  عنه شي ولا تدري وينه وكل ما جت تدق على رقمه لقيته مبلكها
تنهدت بحزن وهي تسند راسها على حافه السرير : اتمنى ما تكون مثل غيرك اتمنى أن الي كان بيننا حقيقه ومو لعبه
نزلت دمعه على خدها وهي تتخيل أن ممكن كل هالوقت كان يتسلا فيها بس مسحت دموعها وهي تطرد هالفكره من راسها وتكلمت بسرعه : لالا مستحيل مهند ما يسويها والوعود الي بيننا والحب والكلام انااا مستحيل اتخيل حياتي بدونه لا ياربي تكفى لاتعاقبني ب هالطريقه ياربي لاا نزلت على الارض تبكي بحرقه وهي طول هالشهر متحمله غيابه وعلى أمل أنه بيكلمها ولو يرسل رساله بس ماشافت شي واخر شي يوم قررت هي تكلمه تلاقيه مبلكها وهذي الي قهرها اكثر

دخلت اختها على صوت صياحها شافتها نازله للأرض على ارجوالها وتبكي بحسره انخرعت ونزلت لها وهي تحضنها وتهديها

كان شارد ويفكر بحاله ويفكر بنفسه لمتى بيبقى كذا متى بيتغير حاله للأفضل متى بيكون سعيد بحياته بعد كل هالحزن صحى من شروده على صوت الباب نطق بتنهديه : تفضل
دخل العسكري وضرب له التحيه
سام : استرح
وقف العسكري بثبات وتكلم بأحترام : سيدي في واحد بره يبي يشوفك وقال اقلك خلف ياسر الـ
فزز سام وتكلم بسرعه : دخله دخله 
خرج العسكري ودخل خلف بهدوء وهو عكس اخونه كان يحب سام وكانو اصدقاء من قبل لا تدخل ريم حياة سام  وكان يشوف قد ايش يحب أخته ويعزها بس بالنهايه مكان بيده شي لكن الحين كلشي بيده الحين صار يعرف كلشي ويقدر يتصرف
تقدم لسام ومد يده بيصافحه بينما سام سحبه وهو يحضنه بشوق ابتعد عنه بيننا الآخر مصدوم
سام : افااا وينك عني كذا
خلف بأحراج : تدري بالظروف
سام بزعل : حتى وإن انت تدري أن انا وانت أصحاب قبل لاتكون نسيبي فمألك عذر استاذ خلف
خلف بضحكه وهو يتقدم ويبوس رأسه : العذر والسموحه منك ي عضيد خلف لكن انت ادري بأهلي
سام بضحكه وهو يدف خلف : المهم شفنااك حياااك الله اقعد قعد خلف على الكنبه الموجوده بمكتب سام وتكلم سام : وش تشرب
خلف بهدوء : مشكور جيت ابكلمك بشي ونحط حد لكل شي
سام تنهد وقعد قدامه وهو فاهم كلامه : وش اسوي وانت تدري اني اكثر انسان انخذلت
خلف ناظرها وشاف الحزن بعيونه الكسره والخذلان عكس قبل قليل كيف لشخص عانى الكثيررر والكثير بسبب شي ماله دخل فيه يكون ب التناقض كيف بلحظه كان مبسوط ويضحك والحين تبدل حاله
تنهد ونطق بعد صمت طويل : وإذا كان الشخص الي انخذلت منه كمان ضحيه مثله مثلك
لف سام عليه بسرعه : وش تقصد.
خلف : ريم اختي ي سام ريم ما هي ريم إلي اعرفها
سام بهدوء  : ليه وش فيها
خلف : لا تستغبي وانت تدري ان قبل فتره حاولت تنتحر ومن بعدها كل ما جينا بنكلمها تقول بنام وتسكر بوجيهنا وش يعني ذا تعرف ايش من يوم تركتك وحالتها حاله قاعده بس بغرفتها انطفئت روحها معادت اختي البشوشه الي اعرفها
سام اوجعه قلبه من كلام خلف وتنهد تنهديه بعد تنهيديه وهو يحس روحه بتطلع من مكانها ماكان يبي هالشي ابد نطق بهدوء عكس العواصف الي داخله : هي إلى اختارت هالطريق وكان بيدها تختار غيره هي الي اختارت البعد عني وانا بعز حاجتي لها
خلف شد قبضه يده وتكلم : تدري انتو الاثنين وقعتو بفخ كبير وانجبرتو تبعدون غصب عنكم عشان كذا انا عندي الحل لأجل تحلون الخلاف الي بينكم
سام وقف بهدوء : ومن قالك أنه بينحل احنا طريقنا ي خلف انقطع من بدايته فماله داعي تتعب نفسك
وقف خلف وتقدم له : اذا انت مو معطي فرصه لنفسك على الأقل اعطي فرصه لذا وهو يأشر على قلبه سام انا شايف الحب بعيونك شايف الحزن والوم والعتاب وهالشي ما بيروح إلا إذا قعدت مع ريم ووصلتو لحل ي الطلاق ي الرجوع
تنهد سام وهو يرفع شعره : إذا انا وافقت اختك شلون
خلف : خليها عليا
سام : نتوكل على الله

كانت ماسكه جوالها وتناظر صورته وهي فعلاً اشتاقت له صارت جسد بلا روح كرهت أهلها وكرهت نفسها وكرهت عيشتها
تركت الجوال وضمت رجوالها لصدرها وكأنها تواسي نفسها ولفت بهدوء على صوت الباب : ادخل
شافت ريتال تطل برأسها من الباب
وتدخل بباقي جسمها تقدمت لها وتكلمت بهدوء : شلونك
ريم تنهدت : زينه
ريتال سحبت رجول ريم ومدتهم ونزلت راسها عليهم وتكلمت : عادي تتركيني كذا شويه بس
ابتسمت لها الريم بحزن وهي تشوف الحاجز الي سويته بينها وبين اخوانها حتى أنهم صارو ياخذون موفقتها لو يبون منها شي عكس قبل كانت الميانه بينهم زياده وكأنهم روح واحده
لفت نظرها وشافت دموع ريتال تتساقط تقدمت لها بسرعه : ريتال شفيك
ريتال وهي تلف وجهه الجهه الثاني وتكلمت ببحه  : ولاشي
ريم وهي تسحبها لجهتها : تتكلمي والا شلون
ريتال انفجرت بكى وهي تتكلم : وش تبيني اقول انتي مو ملاحظه كيف تغيرتي علينا وكله بسبب هالسام انتي اختي انا انتي عارفه أن ما عندي أحد ب هالدنيا غيرك ومع كذا حاولتي تقتلين نفسك وكله عشان مين طبعاً سام ولا واحد منكم فكر بيوم يسالني ريتال فيك شي ريتال تبين شي كلكم راكضين ورا اشغالكم انتو مو ملاحضين اني وحيده هنا بين اهلي وغريبه حتى لما اجي أسألك كيفك تقول الحمدلله ولامررره عذبتي نفسك وقلتي خليني اسالها عن حالها غطت وجهها بكفوفها وكملت بكى
تحت صدمه ريم الي ما توقعت كل ذا بقلب اختها الصغيره الحين حست انها احقررررر اخت بالدنيا حست انهاااا انانيه وبشكل مفرط الكل كان اهتمامهم لها بما انها تظهر مشاعرها ومحد كان معبر لريتال كونها ما تتكلم ودائم بس تضحك تقدمت لها وهي تنزل يدها وتاخذها لحضنها وشدت عليها بقوه وهي تبكي : اسفه ي قلب الريم اسفه يا وحيده قلبي اسفهه
ريتال صارت تبكي وتشهق اكثر وهي تسمع كلامها