ما كانت النيه عذابك ي غناتي ولكن عنادك أجبرني

6

فزو الاثنين على صوت الجوال الى يرن
غنى وهي تبعد عنه بريكه : اسفه بسس
قاطعها خلف وهو يناظر فيها : لا تعتذرين صدقيني سويتي فيني اجر
غنى بتوتر : رد على الجوال
خلف انتبه لجواله وأخذه وهو يرد بينما غنى اول ما شافته يرد طلعت بسرعه أما هو فناظر فيها وهي تروح وتنهد ورجع يكلم حمد اخوه
حمد : خلف انتو وين
خلف بتنهديه : مستشفى الـ....
وغلق بدون لا يسمع رد وهو ماله خلق لشئ

قام متوجهه لريتال

أما غنى طلعت من عنده وهي متوتره وتسب في نفسها على الشي الي سويته ومقهوره من عاطفتها الي دائم تقودها للغلط
وقفت بفهوه وتذكرت الي جايه عشانه وشهقت بقوه وهي ترجع ل خلف عشان تسأله عن مكان ريتال
وصلت وما لقيته بالغرفه ضربت رجلها بالأرض بقوووه وقهر : والحين شسووي
بعدها تذكرت وطلعت ركض

هذي عاشر مره يدق عليها وما ترد خاف عليه وخاف كثيررر من بعد مكالمتها وهي لاول مره تكلمه كذا
فز على صوت الجوال وهو مفكرها هي وخابت ظنونه يوم شاف الاتصال من صديقه فارس
فارس الي كان دكتور بالمستشفى الي ريم فيه : السلام عليكم سام 
سام بتنهديه : اهلين فارس شخبارك
فارس : مب وقته إلا ودي أسألك ؟
سام : عن شنو
فارس : زوجتك ايش اسم ابوها
سام عقد حواجبه بأستغرب وسأله بحده : ليشش هالسؤال وش تبي
فارس بضحكه : افا عليك لا تفهم غلط بس في وحده جابوها هنا والظاهر أنها حاولت تنتحر واسمها الريم يعني مشابه ل اسم زوجتك
سام وقف وهو  يحس قلبه بيوقف : فارس تكفى لا تخوفني
فارس : والله ما اكذب عليك عشان كذا سالت اسم ابوها
سام وهو يحاول يكذبه ويقول مو هي نطق بخوف وترقب : اسمه ياسر خلف الـ....
فارس فتح عيونه على وسعهم ونطق بتأكيد : إلا هي والله انها هي
سام طاح على رجوله بعد ما سمع الكلمه الي نزلت عليه مثل الطامه وطاح الجوال من يده ونزلت دموعه بحزن : تكفى ياربي تكفى لا تأخذها لا ياربي
وظل يبكي بنووح

الساعه ست المغرب وكانو الكل مجتمعين بالمستشفى بعد ما وصلهم الخبر ومنهم خالاتههم وجده وعمته واعمامه وبنات خالاته وهم منتظرين الدكتور
يطلع يطمنهم
ريتال كانت واقفه بعيد عنهم والبنات معاها ويحاولون يهدوها
وخلف قاعد على الكرسي بهدوء وعيونه محمره من كثر البكا
والباقين كانو قاعدين يبكون بصمت ويدعون لها تقوم بالسلامه

سام بعد ما هدء توجهه المستشفى يبي يشوفها معاد يهمه شي
وصل ولقى الكل مجتمعين ومافي اي خبر
توجهه لمكتب فارس عشان يطمنه على ريم ومنه ينتظر لين تطلع من العمليات

غنى الي كانت بتنزل تسئل الاستقبال عن الريم وتروح لهم بس جاها اتصال من امها أن ابوها تعب ورجعت البيت وهي تودع ريتال بقلبها

بيت غنى
ام غنى : خلاص يبنتي ابوك الحين تحسن وهدئ انتي روحي شوفي صديقتك ذي وشلونها تراها الحين تكون بحاجتك
غنى وهي تناظر ابوها : بسـ
امها بمقاطعة وهي تسحبها بره الغرفه : اقول يللا روحي وابوك تراني عنده وخالك شوي ويجي لو احتجت لشئ
غنى تنهدت وهي تهز راسها وركبت سيارتها  متوجهة
للمستشفى