ما كانت النيه عذابك ي غناتي ولكن عنادك أجبرني

22

ادري طولت عليكم لين نزلت البارات اعتذر .

بسم لله نبدا...

مر اسبوع على ابطالنا
غنى بهذاك اليوم رجعت بيت اهلها وتعذرت لهم أن خلف مسافر وهو الي جابها
خلف والعنود مافي اي شي بينهم وكل واحد بمكان بعيد عن الآخر وما دخلو بنقاشات مع بعضهم ابد وهذي الشي الي مستغربته العنود
ريتال على حالها
ريم وسام علاقتهم ببعض تطورت أكثر واكثر
مهند من هذاك اليوم وهو يشغل نفسه بالشغل ويحاول ينساها .
حمد وساميه على حالهم وحمد مهتم بساميه وبطفله الي لسا ما نولد

صباح يوم جديد
صحت اليوم تحس بنشاط مو طبيعي نزلت تحت وشافت البيت هدوء عرفت أن أمها واريام وأبوها  لسا ما صحو
رجعت غرفتها بسرعه دخلت الحمام وانتم بكرامه اخذت دش وطلعت لبست فستان ابيض خفيف لتحت الركبه وماسك من الخصر بنص كام رفعت شعرها بشكل عشوائي وطاحت بعض الخصلات اخذت صندل شوي كعب ونزلت تحت ركض دخلت المطبخ وجهزت الفطور وهي تدندن تحس بسعاده بشكل مبالغ فيه وما تدري وش السبب 
خلصت الفطور وطلعت تدق غرفه امها وأبوها ما سمعت رد فتحت الباب بخفيف وشافت الغرفه فاضيه رجعت لغرفه اريام بأستغراب دقت الباب ودخلت بهدوء وشافت الغرفه مرتبه اخذت نفس وفتحت جوالها ودقت على امها
غنى : ماما انتو. وين
ام غنى بأستعجال: اسفه ي روحي نسيت لا اخبرك انا واريام رحنا مدرستها طلبوني ضروري وابوك راح شغله
تنهدت لثواني : اوك
يللا مع السلامه
سكرت منها وكشرت بضيق مالها نفس تفطر لحالها نزلت لتحت وقعدت على الطاوله ورفعت جوالها تضيع الطفش الي هي فيه

..سام قلت لك الحين مو وقته
سام بشوي عصبيه : ابي اعرف متى مو انتي تقولين بتكلمين اخوانك عشان يواقفون معك !
ريم بضيق : تعرف الظروف وكذا مقدرت .
سام بهدوء : خلاص ي ريمي خليني اسوي الي ابيه وصدقيني مافي مضره ل أحد انتي بس قولين تم محتاج وجودك جنبي والله تعبت من هالبعد
تنهدت بهم : مو انت بس كلنا تعبنا من البعد لكن ما باليد حيله
سام : في في والف حيله لكن تكفين قولين تم وخلي الباقي على سام
الريم بهدوء : تم وانا واثقه بسامي
سام بضحكه وفرحه : تبشررررين بالي يسعدك وأخيراً ياريم بتصيرين بين احضاني من جديد
توردت ملامحها بخجل وهي تكلمه..

بنفس البيت بالغرفه المجاوره
صحت من النوم وشافته واقف أمام التسريحه والظاهر أنه طالع
ساميه بصوت كله نوم : وين رايح
لف عليها بابتسامته المعتادة : صباح الحلوين
ضحكت بخفه : صباح النور
تقدم لعندها ورفع نفسه بجنبها وحضنها من الجنب : صح النوم ي حلوتي ، ها شلونك الحين !
ساميه وهي تلف راسها لناحيته : بعد شوفه هالوجه تمام التمام
ضحك بقووه : ي بنت لا تتكلمين كذا وانتي تدرين انك حامل وتعبانه
ضحكت من ضحكته : ل اني واثقه بحبيبي
باسها من جبينها بقووه وهو يوقف : انا بروح الحين قبل لا اسوي شي اندم عليه بعدين
ضحكت عليه وهي توقف معه : الله معك ي روحي وانتبه لروحك
احمد تقدم وحضنها بخفه : أن شاء الله وانتي بعد انتبهي لنفسك ولا تتحركين من مكانك وان احتجتي شي كلمين احد يجيبه لك
ساميه بضحكه : خلاص فهمت فهمت .
طلع من عندها وهو يرسل لها بوسات بالهوا وهي تضحك عليه