مال النجوم أوطان دام السماء عيونك

لاتنسو ذكر الله
سبحان الله🤍
الحمد لله🤍
لااله الا الله🤍
الله اكبر🤍

كان توه راجع من الحمام أكرمكم الله متجه للبيت شاف ظل من بعيد سمَ بالله واتعوذ من الشيطان وكمل طريقه
شوق بتدخل البيت شافته مسكر شوق:ياربي مو وقته سمعت خطوات قريبه منها خافت كانت بتهرب حست بيد مسكت يدها بقوه سمعت شخص يقول  انتي منا ولا منهم
شوق خايفه ومو قادره تتكلم سأل مره ثانيه:انتي من الجن ولا من الأنس
شوق: تكلمت أخيراً مين انت
:انتي مين وش مطلعك الحين بذا الوقت
شوق:هاذا بيتي
صقر:لو ماقلتي لي ماكان عرفت
شوق:وش دخلك فيني وليش تلحقني انقلع لااصرخ واخلي الكل يصحى ويورونك شغلك
صقر:حتى انا هاذا بيتي مع ابتسامه استهزاء
شوق ناظرت عرفت انه صقر ولد عمها توترت نزلت راسها وسكتت
صقر:الباب مقفل من داخل كيف ندخل شوق ماتكلمت
صقر:روحي المشب اجلسي هناك
شوق:لا بجلس هنا  لين يفتحون الباب
صقر:روحي هناك  لايشوفنا احد ويفهم غلط انا بجلس هنا
شوق راحت ودخلت المشب وقفلت الباب
صقر طلع جواله واتصل على خلود جوالها مقفل اتصل على عتاب اول رنه ماردت دق مره ثانيه ردت
عتاب:خير
صقر:انزلي افتحي الباب تقفل علي ولا يشوفك احد
عتاب:طيب
نزلت عتاب وفتحت الباب
صقر:في احد صاحي؟
عتاب:اتوقع كلهم نامو
صقر:خلاص ادخلي شويه وبلحقك
راحت عتاب
صقر راح ودق الباب
شوق:ها
صقر:توقعتك اختفيتي للحين شاك انك جنيه
شوق:وش تبغى
صقر:فتحو الباب هيا ادخلي
شوق قامت وفتحت وطلعت للحوش ومشت شوي وناظرت وراها وشافت صقر يناظر فيها ركضت بسرعه طاحت واحده من حذيانها أكرمكم الله لفت ورجعت لها بسرعه وكملت ركض
صقر ضحك ودخل البيت وشافها دخلت دور ابو مشعل
ودخل دورهم وراح ينام
الساعه ٢:١٥
عتاب تدور في الدروج والدولاب
قامت شهد من الازعاج :وش فيك ازعجتينا
عتاب:وين🔦
شهد:وش تبين فيه
عتاب:بطلع اشم هواء
شهد:مو من جدك الحين
عتاب:ايه شفتيه ولا لا
شهد:لا شغلي فلاش الجوال
عتاب:جوالي بيطفى من الشحن وشاحني مع ناصر اعطيني جوالك
أعطاتها شهد جوالها
شهد:انتبهي بعدين ماتخافين حتى الجن هنا يتلبسون على هيئة بشر مو زي جننا طبيعين
عتاب:خلاص ارجعي نامي
نزلت عتاب راحت المطبخ وسوت لها شاهي وطلعت كان الجوء بارد وهدوء مافي الا صوت صراصير الليل
عتاب:يازين الجو
طالعت السماء شافت القمر والنجوم ومنظرها حلو
عتاب:يالبيه القمر يهبل اخذت صور للقمر وكملت طريقها وصلت الكوخ اللي شافته الصباح دخلت وشغلت فلاش الجوال وأخذت فحم من اللي موجدين على الارض طالعت جدار الكوخ وكتبت"أخاف أن ينتهي العالم، ولم نحقق أي شيء من أحلامنا، ولم نستنشق هواء غير هواء هذه الديره الكئيبه، ولا حتى أن نعيش الحياة التي نستحقها"
انتهت من الكتابه جلست شوي ورجعت البيت ودخلت الغرفه ونامت اليوم الثاني الصباح الساعه ٩ الكل يجهز الفطور افطرو وخلصوا الحريم جالسين يتقهون

................
عند الرجال
ابو محمد بطلع السوق اشتري أغراض للبيت تبون شي
ابو مشعل بنشوف الاهل وش يبون بكتبها لك وارسلها
دخل ابو مشعل البيت وسأل وش اللي ناقص من أغراض البيت وكتبها وارسلها لاابو محمد
ابو سيف نتقابل عند ابو صالح
ابو عبدالله: العيال مايحتاج يروحون يجلسون هنا عند البيت
واحسن من انهم يسببون زحمه
أبو سيف:عطوهم خبر