مال النجوم أوطان دام السماء عيونك

لاتنسو ذكر الله

سبحان الله🤍
الحمدلله🤍
لااله الا الله🤍
الله أكبر🤍

.................................
سعد وأمل وصلو البيت
امل راحت الغرفه سعد شاف امه جالسه في الصاله لحالها
وتتفرج للشاشه
سعد:يمه وش رايك بكره تعزمين جيرانا وام نايف وأم صيته وبنتها
ام سعد: اي والله جبتها بس ام صيته وبنتها ماني بعزماتهم فكنا من شرهم
سعد:ليه يمه اعزميها يمكن تغيرت ماصارت مثل قبل
ام سعد:الناس كلهم يتغيرون الا هي 
سعد:تكفين يمه عشاني اعزميهم
ام سعد:وش تبي فيهم
سعد:بعلمك بعدين المهم انك تعزمينهم
سعد جلس يقنع امه حتى اقتنعت

.....................................
بيت ابو نايف
ام نايف جاءها اتصال من ام سعد وعزمتها بكره هي وفجر
امل:ياخاله بعزم بنت ابو سيف
ام سعد:تمام
امل اتصلت على عتاب وعزمتها

.................................
بيت ابو تركي بعد المغرب الساعه ٧:٣م
شوق نزلت تسولف مع ام تركي
تركي اول ماشافها نزلت عند امه قام وراح المطبخ
اذن العشاء صلت 
تركي راح يصلي في المسجد وحط الطبخه في الفرن رجع شاف شوق باقي ماجت
شوق طلعت شمت شي قاعد يحترق
راحت المطبخ شافته حوسه وشافت تركي بيده. الصينيه توه مطلعها من الفرن
شوق بعصبيه :وش ذا الحوسه
تركي:شفتك اليوم تعبانه قلت اطبخ العشى
شوق :والمطبخ مين بينظفه
تركي:هدي انا بنظفه خلينا  نتعشى قبل يبرد
شوق حاولت تمسك اعصابها وطلعت وجلست على الطاوله
تركي جاب العشى
تركي:صح احترق شوي بس مايخالف
بدو ياكلون
تركي:كيف الطعم؟
شوق :طعمه مقبول
تركي:اقل شي سلكي
خلصو العشى تركي نظف المطبخ وخلص
تركي:طلع الطبخ يتعب اخر مره بطبخ
شوق :الحمدلله جت منك
تركي:ههههههههههه افا

........................................
يوم  الاثنين يوم العزيمه
بيت ابو سعد امل بعد ماخلصت تنظيف البيت بخرته
ام سعد كانت تسوي القهوه والشاهي
امل راحت تتجهز خلصت
دق الباب راحت امل تفتح وكانو عتاب وفجر
فجر: جو الناس
امل : لاباقي
عتاب: باقي في شي نساعدكم فيه؟
ام سعد:لا يابنتي مابقى شي خلصنا كل شي
بدو المعازيم يجون
وصلت صيته وامها جلسو
دخلو امل وعتاب وفجر يسلمو وجلسو مع بعض
صيته بدت انتقادات وتقيم
اكلت من الحلا الموجود:الحلا كثير سكر صراحه ماعجبني وخروه عني
البنات ناظرو بعض
عتاب: ياحبييتي لو شديتي حيلك شوي اكلتي الصحن
صيته طنشتها
صيته:هاذي الشنطه ماركه اشتريتها ب ٣٢٥ ريال
بدت تعلمهم باللي اشترت وكم سعرها
الكل كان ناقد عليها هي وسوالفيها البايخه
صيته:لبسك مو ضابط مع تسريحة الشعر
عتاب:تقصديني؟
صيته:ايه
عتاب:عاجبني كذا
صيته:شفيك زعلتي عشان قلت الصدق
عتاب : مازعلت بس اشوف مالك حق تنتقدين وانتي ماشفتي وجهك وملابسك
صيته: انا حلوه واعرف انسق
عتاب: اي ماشاء الله
صيته:شغلوا المكيف حر 
امل قامت وشغلت المكيف
صيته:هاذي ام غمازات احلى منك
عتاب تكره المقارنه قامت :ماطلبت رايك انتي واضح من اول تدورين مشاكل
صيته:شذا القلة الآداب ماتحترمين اكبر منك
عتاب:انتي محد يحترمك
فجر قامت  تبي تفزع
عتاب ناظرت فجر :اجلسي خليها علي
اشتد الهواش كانت بتصير بينهم مضاربه
امل صارت تمسك عتاب 
وعتاب معصبه مره ودها توصل لصيته
صيته اللي قمطت ام العافيه
عتاب: فكوني تكفونن
امل: عتاب مابطلتي ذي الحراكات
عتاب: امل لاتخليني اقلب عليك ماتشوفينها هي الغلطانه كيف من اول مستقعدة لي
ام سعد: مشيها ياعتاب
عتاب: ودي بس مقدر خلوني مره وحده اتصرف بدون محد يمنعني
فجر: خلاص عتاب عيب من ام سعد هدي
عتاب هدت
ام صيته:خلينا نروح هذول
مايحترومون ضيوفهم
ام سعد:المحترم نحترمه
ام صيته:زعلتو عشان بنتي قالت الصراحه
ام سالم:هاذي مو صراحه هاذي قلة أدب
ام صيته وبنتها طلعو
امل فكت عتاب
كل الموجودين بسبب اللي صار قامو وكل واحده راحت بيتها
عتاب: الله ياخذها اكره ذي النوعيات
فجر: والله كنت بفزع معك لكن وضعي مايسمح
امل: على القوه اجل
عتاب: انتي وش مزعلك
امل: ولاشي بس انفعالك ياعتاب والله بينكبك
امل كانت تبي لعتاب الخير ماتبيها تنفعل عشان عتاب اذا انفعلت تفقد اعصابها وامل تخاف من الانفعالات ذي تحس بعدها بيصر شي
عتاب فهمت امل انها تخاف من الانفعالات الي كذا
عتاب: وش اسوي كذا طبيعتي بعدين خلاص باحاول امسك نفسي واسوي زي ماكنتي تقولي لي ايام المدرسه اعد للعشره
امل: طيب
عتاب قامت حضنتها خلاص عاد
وناظرت ام سعد
عتاب : والله معليش ياخاله بس ماقدرت امسك نفسي وهي تدق بالكلام
ام سعد: لامعليك تستاهل ماجها 
كل وحده راحت بيتها
في السياره عتاب طوال الطريق ساكته
متعب عرف انها منفسه وماتبغى تكلم احد وصلو الفندق
متعب : عتاب
عتاب: ها
معتب: الصراحه كانت صيته مقلب
عتاب: كيف وبعدين وش عرفك بصيته انت؟
متعب: بعد مزحتكم سعد جاب فكرة صيته ومقلبنكم
عتاب: يوووو يامتعب والله العظيم ثقلين دم
متعب:ماتوقعنا توصل كذا
عتاب بنفعال:يشيخ اجل وش كنت متوقع انت واللي معك محد يمزح معكم لكن اخر مره  امزح معك
متعب انصدم من انفعال عتاب وقال وهو معصب : وش ذا الكلام ياعتاب يعني بس انتي الي بتمزحي وتمقلبي واحنا لا
عتاب: بس مزحكم ثقيل صدعت 
ونزلت من السياره بدون ماتسمع متعب
متعب كان يراقبها يعرف عتاب تنفعل بسرعه بس ماتوقع تنفعل لذي الدرجه
متعب دخل وهو يفكر وعتاب متغطيه بالبطانيه عشان تهرب من معتب عشان اذا وصلت لذي المرحله تفضل انها تكون لوحدها
ومتعب يناظرها ومركز على عتاب انها اذا عصبت او انفعلت تحاول تهدي نفسها بنفسها وتكلم نفسها حتى تهدا و تبغى تجلس لحالها
عتاب حست انها نوع ما هدت قامت شربت حبوبها ونامت