مال النجوم أوطان دام السماء عيونك

لاتنسو ذكر الله
سبحان الله وبحمده 🤍
سبحان الله العظيم🤍

......................................
ابو بندر طلع وراح الشغل
سلوى  ارسلت لااخواها وقامت وراحت الغرفه جهزت كل أغراضها خلصت دق الباب فتحت الباب كان اخوها ساعدها وحطوا الأغراض في السياره ومشو راحو البنك حولو كل الفلوس على لحسابهم
مشو للمطار  نص ساعه وصلو المطار جلسو ينتظرون رحلتهم وهم خايفين ومتوترين  بعد ٢٠ دقيقه نادو رحلتهم ركبو الطياره واقلعت
سلوى طلعت شريحة ابو بندر وكسرتها ورجعت شريحتها
عند ابو بندر كان يشتغل خلص دوامه طلع من الدوام
ركب السياره ومشى وصل البيت دق الباب محد فتح له فتح بالمفتاح ودخل
ابو بندر:سلوى سلوى ياسلوى وينك
راح المطبخ مالقها طلع جواله واتصل عليها طلع شبكة الجوال غير متاحة طلع من المطبخ بسرعه
دخل الغرفه وشاف كل ثيابه مرميه على الأرض  وثيابها مو موجوده  تذكر البطاقه طلع محفظته مالقى بطاقته   الغرفه ودور الدروج مالقى شي
عرف انها اخذت البطاقه وهربت طلع من البيت وهو مو عارف وين يروح ومو قادر يفكر ركب السياره وهو يحس عقله مو معه جلس ساعه تقريباً يحاول يستوعب اللي صار مو حاس على نفسه كانت صدمه له ماتوقعها
ابو بندر :الله لايوفقك ولايسامحك ياسلوى
شغل السياره ومشى لقسم الشرطه وقدم بلاغ
ابو بندر بكل ياس:يعني ماتقدرون تسون شي
الشرطي كسر خاطره شكل ابو بندر وتمنى يقدر يساعده:للأسف لا
ابو بندر طلع وهو مقهور ومغبون ركب سيارته ورجع البيت

......................................
بيت الجد عبدالله
كانو يجهزون لجيت ابو سيف
وصل ابو سيف الكل رحب فيه والحين جالسين يتقهون ويسولفون
صقر ومشعل طلعو يتمشون
أبو سيف:نبي القرب منكم بطلب يد بنتك العنود لولدي سيف على سنة الله ورسوله
ابو مشعل:لنا الشرف سيف رجال ونعم فيه لكن بشوف رأي البنت وارد لكم خبر
ابو سيف:الله يكتب اللي فيه الخير
ابو مشعل:امين

........................................
بيت ابو متعب
منال تجهزت وطلعت من البيت بتروح عند ريم تسولف معها شافت نفس الشخص اللي شافته من قبل  عند البركه
عند مشعل وصقر كانو جالسين عند البركه
صقر:يازين أجواء الديره
شاف البنت اللي بعيد عنهم شوي تناظرهم  لانها كانت قدامه ومشعل مايشوفها لانه معطيها ظهره وخر عيونه ورجع يسولف مع مشعل.
منال كانت تناظر فيه وهي تفكر ذي اول مره اشوفه بالديره وش جابه هنا وولد مين وليه جا ؟
صقر رجع يناظر مره ثانيه شافها للحين تناظرهم ياليل شفيها ذي تناظر 
منال شافته لف يناظرها مره ثانيه وخرت عيونها وكملت طريقها وهي تفكر فيه وصلت بيت ابو عبدالرحمن
صقر شافها راحت
اذن المغرب
مشغل وصقر راحو المسجد خلصو وكل اللي في المسجد سلمو على ابو سيف وأولاده وهم فرحانين بجيتهم
رجعو البيت ودعوهم ومشو راجعين للرياض

......................................
هولندا
متعب كان يشتغل على الابتوب
عتاب تشرب شاهي وتتفصفص وتتفرج للجوال
متعب جاه اتصال من منال رد عليها
منال كانت تبكي
متعب:تبكين وش فيك صاير شي امي وابوي بخير ؟
منال:ايه
عتاب ناظرت متعب
متعب:اعطيني امي وابوي بكلمهم
منال:والله انهم بخير والله
متعب قام وراح الغرفه
متعب:وش فيك وش صاير ليه تبكين
منال:خايفه
متعب:خايفه من وش؟
منال:احس مشاعري ملخبطه احس بشعور غريب ذي اول مره احس كذا
متعب:تعوذي من الشيطان وهدي
منال بكت أكثر
متعب:منال
منال ماردت بس تبكي
متعب:منال خلاص لاعاد تبكين ماأحب اشوفك تبكين علميني وش السبب احد مضايقك؟
منال:لا
متعب حاول يهديها لين هدت
جلس يسولف معها
منال:بنام مع السلامه
متعب:مع السلام اقري قران بترتاحين واذا احتجتني دقي علي
منال:ان شاء الله وقفلت
متعب طلع من الغرفه
عتاب:منال اللي كانت تكلمك؟
متعب:ايه
عتاب:وش صاير؟
متعب:ولاشي بس كانت متضايقه
عتاب:من وش؟
متعب:مدري قالت ماتقدر تقولي بالجوال
عتاب قامت ولمة اللي وراها وراحت تنام
متعب ارسل كل الملفات اللي اشتغل عليها لااحمد قفل الابتوب وراح ينام