مال النجوم أوطان دام السماء عيونك

اذكرو الله يذكركم

لاإله إلا الله وحده لا شريك له له الملك وله الحمد وهو على كل شيء قدير🤍

حسبي الله لاإله إلا هو عليه توكلت وهو رب العرش العظيم🤍

................................................
بعد ساعه
خلصت شهد المكالمه
قامت وأخذت أغراضها للجامعه وكتبها وأخذت أغراض تحتاجها
كانت مقهوره اكيد كلهم نفس بعض هاذا هو متعب يحب عتاب وتزوج عليها اكيد خالد بيكون زيه
كانت بترسل لخالد ترددت اخذت ورقه وقلم
وكتبت اللي بينا انتهى
حطتها على الكومدينه
أخذت أغراضها وطلعت من جناحهم اتصلت على ناصر يجي ياخذها
حطت أغراضها بالحوش
وراحت عند ام نايف جلست عندها تسولف معها
جا ناصر طلعت حطت أغراضها بالمرتبه اللي ورا وركبت السياره
ناصر:مسافره؟ ليه جايبه كل ذي الأغراض
شهد:بجلس عندكم للأبد
ناصر اللي حسبها تمزح: ههههههههههه الله يعين

....................................
بيت ابو سيف
عند شهد اللي اصرت على عتاب تفتح الباب
فتحت لها عتاب الباب
شهد ناظرتها شكلها متغير واضح الضيقه عليها كأنها شايله هموم الدنيا كلها
شهد دخلت وراحت وشالت ملاذ
شهد:كل ذا عشان متعب مايستاهل دامه سوا فيك كذا مايستاهل تبكين عشانه
عتاب جلست وهي ساكته
شهد:صح ماتوقعتها منه جد احياناََ تعطي ثقتك لناس ماتستاهل
عتاب:كسرني كيف برجع مثل قبل قلبي مو قادر ينسى تعبانه من كل شي حولي
شهد:خيره فالله لايبعد الا السيئين
عتاب تعبت من كثر ماكتمت تكلمت وفضفضت وطلعت كل اللي بقابلها كانت تبكي وهي تشرح لشهد كيف علمها انه تزوج والشعور اللي حسته
شهد كانت تسمعها وكل مالها تحقد على متعب واضح ان عتاب للحين مصدومه ومو مصدقه
عتاب: عطيته قلبي وروحي عطيته كل شي املكه وكسرني
شهد:من اسمه واضح كيف بتكون حياتك معه انتي عطيتيه اكبر من حجمه وهو مايستاهل وين الحب اللي كان يتكلم عنه كان مسوي نفسه العاشق الولهان فعلاً بعض الرجال مايملي عينهم الا التراب دام متعب سوا كذا هاذا وهو يحبك اكيد خالد بيسوي مثله
عتاب اللي ارتحت بعد مابكت وطلعت اللي بخاطرها:شدخل خالد
شهد:زي ماسوا متعب بيسوي مثله مايعرفون من الدين الا الشرع حلل أربع مالت عليهم
عتاب سكتت وهي تسمع شهد ونصايحها اللي بعضها مالها دخل في الموضوع
شهد:بالاخير محد يدوم لااحد هاذي رحمه من رب العالمين كل ماحسيتي بالضيق صلي لك ركعتين وادعي الله مهما تخلو عنك كلهم ربي معك
عتاب:الحمدلله على كل حال
شهد:ادري انه صعب عليك تتخطين بسهوله مابيك اشوفك كذا ارجعي عتاب اللي اعرفها
عتاب:كيف؟ علميني كيف
شهد:انسيه وعيشي حياتك
عتاب:وبنتي؟
شهد:تعيش معك
عتاب سكتت
شهد:كيف حلوه؟ شفتيها؟
عتاب:مين؟
شهد:زوجته
عتاب:ايه شفتها بس سبحان الله من اول ماشفتها ماحبيتها حتى قبل مااعرف انها زوجته
شهد بمزح:مين احلى انتي ولا هي
عتاب:اكيد انا
شهد:ههههههههه