اذكرو الله يذكركم
لا إله الإالله والله أكبر
لا إله الا الله وحده
لا إله الإالله ولاشريك له
لا إله الإالله له الملك وله الحمد
لا إله الإالله ولاحول ولاقوة الإبالله🤍
..............................
بيت ابو صالح
ام صالح:أم مشعل اليوم جت تخطب ريناد لولدها
ابو صالح زعل:وليه خطبت الصغيره ماتدري ان رندا اكبر منها اللحين يفكرو الناس ان فيها بلا ولا شي
ام صالح:هاذا نصيبها ورندا ان ماجاها نصيبها تعيش عند اهلها معززه مكرمه وخل الناس تقول اللي تقول
ابو صالح:ورهف بتوافق بذي السهوله
ام صالح:انا بكلمها
.................................
الصباح
بيت ابو صالح
جهاد قام بدري ونزل يتقهوى عند أهله
ريم كانت نايمه
الكل كانو مجتمعين الا ريم
شافو رهف جت وجلست صبت لها
ام صالح:رهف
رهف:هلا يمه
ام رهف:يا قلبي ام مشعل كلمتني تبي تخطبك لولدها
رهف شرقت بالقهوه
ام صالح:بسم الله عليك
رهف كانت تكح رائد كان يضربها على ظهرها بقوه
رهف:اي ظهري خلاص
ابو صالح:وش قلتي
رهف:لا مو موافقه بكمل دراستي
ابو صالح:إذا كان السبب الدراسه بتكملين حتى بعد الزواج
رهف:يبه مو مستعده و وش يعرفني ان هاذا الشخص كويس
ابو صالح:نعرفه والرجال كويس
رهف:يمكن يكون بس قدامكم كويس من وراكم لا خلاص يبه مو موافقه وقالت بمزح ابغى من برا القبيله هههههههههههه
ابو صالح بعصبيه:وش ذا الكلام ليكون حاطه عينك على احد ومنتظره يجي يتزوجك
رهف سكتت توها تستوعب انها جابت العيد
جت لحظة صمت محد تكلم
راند اللي هز بخاطرها ليه محد خطبها وان محد يبيها كانت ساكته
ام صالح:استخيري
رهف:طيب وقامت وطلعت من عندهم
جهاد:يبه اذا رفضت لاتجبرها
ابو صالح مارد عليه
رائد:شكلها زعلت.
ابو صالح:وليه تزعل تحمد ربها انها بتتزوج رجال مثله
رائد سكت يعرف تفكير ابوه
....................................
عند مشعل نزل المطبخ يشرب مويه طلع الحوش شاف المكان اللي كانت شهد اغلب الوقت تجلس فيه رجع غرفته وهو بدوامة تفكير يحس بالتشتت ماجا نوم اذن الفجر قام توضى صحى الكل وراح المسجد شاف ابو صالح جا يصلي عنده
ابو صالح كان يناظره ويبتسم
مشعل ماكان له خلق يسلك له اعطاه ابتسامه واضح انه تسليك
صلو صلاة الفجر خلصو
ابو صالح حط يده على ركبة مشعل:مبروك البنت وافقت واي وقت تبون الملكه احنا جاهزين
مشعل اللي انلخم مااستوعب امس توه خطبها واليوم وافقت
ابو صالح:العصر اليوم اذا كنت فاضي تقدر تجي عشان النظره الشرعيه
مشعل:لا
ابو صالح:لا وش؟
مشعل:اقصد اليوم مشغول يمكن اجي بكره انا والوالد
ابو صالح:حياك الله بأي وقت
قام وطلع
مشعل جلس وهو يفكر كيف كذا كل شي بسرعه
بعد ربع ساعه طلع من المسجد ورجع البيت
...................................
عند متعب وعتاب
عتاب كانت تفطر
متعب تجهز من بدري
عتاب:ماتبي الفطور
متعب:لا كلي بالعافيه
اخذ جواله شاف الرسايل
:وينك تأخرت علي
متعب ارسل:مسافة الطريق وانا عندك
اخذ المفتاح وطلع بسرعه
عتاب ناظرت الساعه ٧:٥٨ص
كانت تفكر كان يدوم ٨:٣٠ تحسه متغير ذي الفتره صار يدوام بدري ومايرجع الا متأخر
عتاب:أعوذ بالله من الشيطان الرجيم يمكن غيرو وقت الدوام ومشغولين عشان كذا مايرجع الا متأخر قامت ولمت الفطور
