مال النجوم أوطان دام السماء عيونك

لاتنسو ذكر الله
سُبحان الله وبحمده🤍
سُبحان الله العظيم 🤍

لاتلهيكم عن الصلاه

...................................
بعد مرور يومين
بيت ابو سيف كان يجهزون للكشته خلود وعتاب كانو عندهم لأنهم بيطلعون معهم 
ابو سيف:يله مشينا
ركبو السياره
بسيارة ابو سيف كانت ام سيف وليان ولين وبسيارة صقر
البنات وناصر
وصلو البقاله اشترو لهم أغراض
سيارة ابو سيف ليان كانت تتفرج لجوال امها ولين نايمه
وابو سيف وام سيف يسولفون
سيارة صقر كانو يسولفون عتاب وصقر كل واحد يطقطق على الثاني
شهد كانت ساكته من لما طلعو ماتكلمت مع احد
وصلو المكان فرشو الفرش
جلسو يتقهون
البنات قامو يمشون
شهد:بنات محتاره اوفق اولا
خلود:استخرتي
شهد:ايه بس ناويه أرفض
عتاب:ما ارتحتي؟
شهد:مدري قالت لي امي انه دكتور احس برفضه عشان ذا الشي
خلود:ليه؟
شهد: الدكتور شغله صعب وحياتهم صعبه ومابقدر اتأقلم معه
عتاب:شدخل مدري كيف تفكرين
شهد:احس الدكاتره بعالم موازي
عتاب:والله انتي اللي بالعالم الموازي
خلود:ههههه
شهد:شفيك علي
عتاب:تفكيرك غريب مدري
شهد:كل واحد له وجهة نظر 
خلود:خلاص لاتتهوشون

...................................
جناح نايف وفجر
نايف قام ولبس وتجهز اخذ أغراضه وطلع
ام نايف كانت تهتم بفجر وتعتني فيها
ونايف كان يساعدها بالبيت 
فجر صحت وقامت فرشت أسنانها وغسلت وجهها طلعت من الغرفه شافت الاكل اللي سوته لها ام نايف جلست وبدت تفطر خلصت وقامت وهي تحس اليوم صارت احسن لأنها مهتمه بااكلها وتسوي رياضه غيرت ملابسها وحطت الملابس اللي بتغسلها بالغساله شغلت عليهم شافت البيت مرتب ومكنس  راحت المطبخ حطت المواعين في غسالة الصحون وقطعت لها فواكه طلعت وجلست بالصاله
عند نايف مر المستشفى يطمن على أولاده
خلص وراح الشركه وصل
دخل مكتبه
سعد:🎉
نايف:الله ياخد ابليسك خوفتني
سعد راح عنده وحضنه:الف مبروك المولود الأول والف مبروك المولوده الثانيه
نايف ابتسم وبادله الحضن :الله يبارك فيك عقبالك 
سعد:اللهم امين جبت لك معي قهوه كنت بجيب كيك بس ماكان في محل فاتح
نايف:يعطيك العافيه
وجلس
سعد جلس وبدأ يسولف معه  

.................................
بيت ابو سيف
بعد مارجعو
الأجواء كانت أمطار غزيره وكلهم كانو مجتمعين عند المشب المتنقل ومقفلين جوالتهم
ابو سيف كان يسولف عليهم ويعطيهم قصص دينيه والكل ساكت يستمع له
بعد ساعه كل واحد راح ينام 
شهد توضت وصلت للمره الثانيه صلاة استخاره وكل ما سمعت صوت المطر يزيد دعت أكثر خلصت وقامت انسدحت على السرير وهي تفكر بحياتها ونامت

....................................
السجن
ابو بندر ماكان يحب يسولف مع احد الا موسى هاذا الشخص كان الشخص الوحيد اللي يفهمه علمه بكل شي بحياته وكل شي صار معه وموسى دايم يواسيه
موسى:دامك عرفت غطلتك باقي معك فرصه تصلحها لما تطلع من السجن ان شاء الله
ابو بندر وهو حس بالندم وماحس بالنعم اللي كان فيها الا بعد مافقدها اهله وزوجته وأولاده:خايف ماتسامحني لان اللي سويته فيها موقليل
موسى:ان شاء الله بتسامحك
ابو بندر :ان شاء الله