مال النجوم أوطان دام السماء عيونك

لاتنسو ذكر الله

سبحان الله وبحمده، عدد خلقه، ورضا نفسه، وزنة عرشه، ومداد كلماته.🤍

الفجر
صقر توضى وراح يصلي في المسجد رجع البيت رجع غرفته ورجع ينام
العصر الساعه ٤:٦م
صقر كان جالس مع أمه وابوه 
قام اخذ مفتاح سيارته وطلع من البيت
اتصل على مشعل
مشعل رد:هلا
صقر:بمرك نروح نتمشى
مشعل:مالي خلق اطلع
صقر:ليه صاير شي
مشعل:لا
صقر:خلنا نطلع نغير جو  ارسل لي الموقع
مشعل:طيب
صقر:علي باقي موجود هنا بالرياض
مشعل: ايه باقي هنا
صقر:اجل بتصل عليه يجي معنا
قفل من مشعل واتصل على علي
صقر:الو
علي:هلا
صقر:وينك
علي:بالفندق
صقر:بنطلع نتمشى انا ومشعل تجي معنا
علي كان طفشان:ايه
صقر:تمام بمرك
قفل مر يعبي بنزين شاف مشعل مرسل الموقع راح وصل عند الفندق
ركب مشعل وعلي
صارو يفرفرون بالرياض و وراحو يلعبون لعبة البولينج اذن المغرب راحو مسجد يصلون بعد المغرب مشعل قال بيرجع الفندق
صقر رجعه الفندق
جاه اتصال من عتاب
عتاب:مرحباََ مليون
صقر:وش تبين
عتاب:ابد ولاشي قلت اسلم عليك وش مسوي
صقر:انا برا انا وعلي نتمشى
عتاب:خلاص عشاكم عندنا
صقر:بشرط يكون من طبخك انتي
عتاب:لا مافيه من المطعم اذا ماتبي مولازم
صقر:تمام جاي انا وعلي
عتاب:تمام
وصلو بيت متعب دق الباب
فتح لهم متعب ودخلهم المجلس
في المطبخ
منال قالت انها هي الي تسوي القهوه
عتاب كنت تحط التمر وتحط الحلى اللي طلبته جهزت القهوه
متعب جا واخذ القهوه
اذن العشاء راحو المسجد
متعب راح يجيب عشى من برا
وصل العشى وتعشوا
عتاب سوت لهم شاهي أخضر وعطتهم وسوت لها هي ومنال
منال:تسلمين
عتاب:بطلع الحوش تجين معي
منال:لا
طلعت وجلست على الكراسي اللي جنب المسبح وكانت تتفرج للقمر والسماء
صورت القمر
علي:عتاب
عتاب استغربت وش يبي
قامت بدون لاتناظره
علي تكلم بسرعه قبل تروح: اطلبي من متعب الطلاق وعد مني لاتقدم لك واتزوجك
عتاب بحده:كيف تناظر بنت مو محرم روح وش ذا الكلام
راحت
علي بعصبيه :خليني اكمل كلامي
عتاب سمعته طنشته ودخلت
علي رجع المجلس وهو معصب
جلس شوي وقام
علي قام :مع السلامه
صقر:بوديك
علي:ما يحتاج
طلع من البيت ورجع الفندق

..................................
عند عتاب رجعت جلست عند منال وبالها مو معها ماكانت متوقعه ذا الشي
منال
دخلت الغرفه وتفكيرها بصقر طفت النور انسدحت ونامت تبغى تبعد عن التفكير تعبت من كثر التفكير
١٢:٥ص
جا متعب وجاب فراش
عتاب:بينامون هنا
متعب:علي راح بس صقر
عتاب قامت وراحت المجلس
شافت صقر يفرش فراشه
عتاب:السلام عليكم ياأهل الدار
صقر:هلا وعليكم السلام أرحبي
عتاب راحت تسلم عليه صقر صافحاها ونزل راسه عشان عتاب تبوس راسه
عتاب نزلت راسها وضربته براس صقر بقوه
صقر:اح وش ذا الراس
متعب:هههههههه
عتاب جلست

...................................
في المجلس عتاب وصقر يسولفون وصقر فصل على عتاب وكان يطقطق عليها
عتاب:ضيف ثقيل  وسامج
صقر:مدري كيف متعب متحملك
عتاب:الله يعين زوجتك المستقبليه عليك
متعب:خلاص
بعد ٥ دقايق عتاب وصقر قلبوها ضحك
متعب انضم معهم
الساعه ١:٦ص
عتاب ومتعب راحو ينامون