مال النجوم أوطان دام السماء عيونك

لاتنسو ذكر الله
سبحان الله🤍
الحمدلله🤍
لااله الا الله🤍
الله أكبر🤍

...........................
عند نايف ركب سيارته
وصار يضرب الدركسون بقوه فك ازرار ثوبه يحس بصعوبه بالتنفس مقهور وقاعد يلوم ابوه وابو مشعل انهم السبب باللي هو فيه
كان بيشغل السياره  تذكر انه نسى المفتاح نزل ودخل جناحهم
جلس في الصاله وهو متردد يدخل الغرفه او لا بالاخير قرر يدخل دخل وشاف فجر كيف طايحه وتبكي وترجف
راح عندها:فجر انتي بخير
فجر لما شافته جلس عندها خافت أكثر
نايف مسك يدها :فجر هدي
فجر مو حاسه على نفسها تحاول تبعد عنه واغمى عليه
نايف قرب عندها وصار يضرب على خدها بشويش:فجر فجر
قام واخذ مويه وصار يرش عليها ما صحت قام بسرعه واخذ عبايتها ولبسها وشالها واخذ المفتاح ونزل ركبها ورا ومشى بسرعه للمستشفى
شالها ودخل نادهم يجيبون سرير جابو سرير وحطها
دخلوها واعطوها مغذي
طلع الدكتور
نايف:وش فيها
الدكتور:هبوط في الضغط لازم تبعد عند القلق والتوتر والخوف وحاولوا لاتضغطون عليها
نايف:ان شاء الله اقدر ادخل عندها؟
االدكتور:ايه
نايف دخل عندها شافها باقي ماصحت جلس على الكرسي ومسك يدها وهو يحس بالندم بالأخير مالها ذنب
شافها بدت تصحى فك يدها بسرعه
فجر صحت وناظرت فيه لفت للجهه الثانيه ماتبي تشوفه
نايف:سلامتك ماتشوفين شر
فجر ماردت عليه
خلص المغذي جت الممرضه وفكته فجر لبست النقاب
دخل الدكتور
الدكتور:سلامتك لازم تتغذين كويس ولاتهملين صحتك وابعدي عن القلق والتوتر
فجر هزت راسها بطيب
طلعو ركبوا السياره ومحد يكلم الثاني
نايف:اسف اذا عصبت مااحس على نفسي
فجر ساكته وهي حتى ماتبغى تتكلم معه
نايف:ابشري باللي يرضيك
فجر:اللي يرضيني ورقة طلاقي طلقني
نايف انصدم ماتوقع تتطلب الطلاق سكت ماقال شي
جلسو ساكتين حتى وصلو البيت
دخلو جناحهم فجر دخلت الغرفه نايف جلس في الصاله وهو يفكر بحياتهم
فجر انسدحت ونامت لأنها كانت تعبانه

..........................
يوم السبت الساعه ٤:٢٢م بعد العصر
خطبة سعد وأمل
سعد قام تروش وتجهز خلص كل شي
نزل شاف امه جاهزه
سعد راح عندها:شذا الزين باس راسها
ام سعد:تسلم
سعد:وين البخور بتبخر
ام سعد:باقي على النار بروح اجيبه راحت المطبخ تجيبه
سعد اتصل على أخته ساره كام
ساره ردت عليه
ساره:هلا والله بالعريس كيفك؟
سعد:هلا فيك بخير الحمدلله
ساره:طالع تجنن ماشاءالله حصن نفسك
سعد:اعرف بدون ماتقولين
ساره:محد يسلك لك انت اعطيني امي بشوف كشختها
سعد اخذ البخور من أمه أعطاها  الجوال
ساره:هلا وغلا وكرتون حلا وش هاالزين ماشاء الله طالعه قمر
ام سعد:هلا فيك تسلمين والله
ساره:صورو لي كل شي
سعد :لا مو فاضي اصور لك
ساره:من زين تصوريك يمه لاتنسين صوري وارسلي لي
ام سعد:ان شاء الله
خلصو طلعو من بيتهم متجهين لبیت خالهم
وصلو شافو ابو نايف توه وصل عندهم ام سعد اخذت الهدايا ودخلت سعد سلم على ابونايف
و دخلو جلسو
ابواسامه:  قام وعطى امل خبر عشان النظره الشرعيه.
عند امل جهزت وخلصت
ابو اسامه: سعد تعال المجلس قام سعد ودخل المجلس شوي دخلت امل ومعها القهوه  سعد ناظرها
كانت منزله رأسها  حطت القهوه  على الطاوله وسلمت عليه وجلست
ابو اسامه:يله بروح عند ابو نايف خذو راحتكم
امل انصدمت ابوها يخليها معه لحالها بس تعرف ابوها يثق بسعد 
وطلع وراح المجلس عند ابو نايف
سعد:كيفك
امل وهي مستحيه تمنت ابوها ماراح :بخيرالحمدلله كيفك انت؟
سعد:بخير الحمدلله
شافو الباب انفتح بقوه لدرجه ضرب بالجدار
امل غمضت عيونها من قوة الصوت
سعد ناظر الباب.
شاف ابراهيم اخو امل وبيده  حلاوه
وهو يركض وفراس يلحقه ويبكي
ابرهيم وقف وناظر سعد وأمل
فراس سحب شعره
ابراهيم لف لجهته وسحب شعره وصارو يصيحون وكل واحد يسحب شعر الثاني
فراس وهو يبكي :حلاوتي جيب حلاوتي
سعد قام يفك بينهم: خلاص انت وياه
وانت ياابراهيم  الكبير اعطيه الحلاوه وانا بكره اشترى لك من البقاله
ابراهيم وهو يبكي:لا دايم ياخذ اغراضي
سعد:باقي صغير اعطيه وانا بشتري لك حلويات كثير من البقاله
فراس :وانا اشتري لي
سعد:خلاص بشتري لكم كلكم ابراهيم اعطيني الحلاوه
ابراهيم أعطاه
سعد:بقسمها بينكم طيب
ابراهيم وفراس :طيب
قسمها واخذوها وطلعو
لف سعد شاف امل منحرجه مره
جلس بدون مايقول شي
جلسو ساكتين لمدة عشر دقايق
شوي وجاء ريان ولد خالهم عمره سنه وهو يركض ويضحك بدون ملابس بس لابس الحفاظه
َوراح عند امل لانه يحبها
امل انحرجت مره لدرجه كانت بتبكي
جت اخته نوره وشألته
نوره:امي كانت بتبدل له وهرب
وطلعت وسكرت الباب وراها
سعد وهو يفكر وش ذي العايله الغريبه كل واحد يركض ورا الثاني
امل وهي باقي منحرجه ومنزله رأسها 
شوي وانفتح الباب
سعد وهو ينتظر من ذي المره بيجي وهو يركض
شافه ابو اسامه
ابو اسامه:خلاص وبمزح ترا طولتو مره واضح حبيتو بعض من النظره الأولى
سعد ابتسم
امل وهي تفكر اي حب واي خرابيط ماتدري عن الاحراجات اللي صارت لي قبل شوي
سعد طلع وراح المجلس وأمل راحت غرفتها جلست على كرسي التسريحه وهي تفكر ياربي شذا الإحراج
جا ابو اسامه وسالها هي موافقه يحددون الملكه
امل عطته الموافقه
في المجلس
واتفقوا على كل شيء
بعد ماطلعو سعد اتصل على امه وقال لها تطلع
طلعت ام سعد
ركبت السياره
مشى سعد متجه للبيت
ام سعد:عجبتك
سعد تذكر اللي صار وضحك
ام سعد:من الابتسامه واضح عجبتك
سعد ناظر فيه وهو مبتسم:ايه
(تعريف عائلة ابو اسامه)
اسامه:عمره ٢٥ضابط
امل:١٨ سنه
ابراهيم:٧ سنوات يدرس اول ابتدائي
فراس:٥ سنوات يدرس روضه
نوره بنت خالهم عمرها ٩ سنوات