لاتلهيكم عن الصلاه
لاتنسو ذكر الله
سبحان الله🤍
الحمد لله🤍
لااله الا الله🤍
الله اكبر🤍
الصباح في الديره
بيت ابو متعب
الكل يفطر
ابو متعب:بننزل اليوم السوق نشتري أغراض للبيت
متعب:ابشر يبه
افطرو وطلعو من البيت راحو السوق اشترو أغراض للبيت وهم راجعين للبيت قابلو ابو تركي
ابو متعب راح عند ابو تركي يسولف معه متعب رجع البيت نزل الأغراض
متعب:منال
منال:هلا
متعب:رتبي الأغراض في المطبخ
منال:طيب أخذت الأغراض ورتبتها
شافت متعب جالس في الصاله
منال:متعب طفشانه ومعندي شي اسويه
متعب:وش اسوي لك
منال:خلينا نطلع نتمشى بالسياره
متعب:مافيني حيل تعبان وقام بروح انام صحيني الظهر
منال:متعب من زمان ماطلعت
متعب:خليني انام والعصر بطلعك تتمشين واعطي امي وابوي خبر إذا يبون يطلعون يتمشون معنا
منال:نوم العوافي ياأجمل اخ
متعب:الحين صرت أجمل اخ الدنيا مصالح
راح غرفته ينام
.....................
في المزرعه الكل صحى وافطر ومجتمعين يسولفون
ابو سيف وابو عبدالله وابو محمد راحو المزرعه من بدري
ابو مشعل:ياعيال بنروح المزرعه ونسقي الزرع ونقطع الزرع الخربان ونزرع زرع جديد
العيال قامو مع ابو مشعل رايحين للمزرعه
البنات يسولفون
شهد:بنات يله نطلع الحوش نلعب كوره
البنات عجبتهم الفكره وتحمسو
عتاب:اول مره تجيبين فكره بطله كفو
شهد:الحين تمدحيني ولا تذميني مافهمت
عتاب:كلهم
شهد بمزح:خلاص بنات عتاب لاتلعب معنا
عتاب:غصب بلعب الا انتي ماابغئ تصيري بفريقي بتخسريني
شهد:على اساس انك لعيبه محترفه وانتي ماعندك سالفه
خلود:فتحتنا لهم مجال للهواش خلاص خلونا نلعب قبل يرجعون الرجال طلعو كلهم الحوش
وانقسمو فريقين
الفريق الأول شوق وعبير وخلود العنود مع بعض
الفريق الثاني عتاب وشهد عهود وفجر مع بعض
فريق العنود حارس المرمى العنود المهاجم شوق المدافع عبير لاعب الوسط خلود
فريق شهد حارس المرمى عهود المهاجم عتاب المدافع فجر لاعب وسط شهد
بدو يلعبون الكوره كانت مع شهد ناولتها لفجر فجر ركضت في الكوره ورجعتها لشهد وشهد ناولتها لعتاب عتاب سجلت هدف
فريق شهد :قوووول
وراحو عند عتاب يحضنوها
شهد:كفو
عتاب:كفوك الطيب
فجر:بروح اشرب مويه تعبت
عهود جيبي لنا مويه كلنا
راحت عهود وجابت المويه شربو ورجعو يلعبو خلود سددت الكوره عند مرمى فريق شهد بس صدتها عهود اخذت الكوره صارت تركض هي والكوره متجه لمرمى فريق العنود
عتاب:لا لا احرسي المرمى لايسجلون
عهود مطنشه ومكمله لعب شهد راحت بسرعه تحرس المرمى شوق اخذت الكوره من عهود وتركض والكوره معها سددتها للمرمى فريق شهد كانت بتسجل بس صدتها شهد وشالتها بيدها وصارت تركض والكوره بيدها متجهه عند مرمى فريق العنود وسجلت هدف
شهد بفرحه :فزنا فزنا
فريق العنود غش غش مايحسب كيف تاخذ الكوره بيدها
عتاب:أغبياء أغبياء مو كذا اصلاً مايحسب وانتي ياشهد ممنوع تاخذين الكوره بيدك وانتي عهود احرسي ولا تطلعين من المرمى ورجعو يلعبون سجلت شوق قول صار تعادل ١:١
اخذو استراحه
بدا الشوط الثاني والكل متحمس
بدت الكوره من عند عبير ناولتها لخلود خلود صارت تركض بالكوره اخذتها منها عتاب وصارت تركض وناولت الكوره لفجر فجر رجعتها لعتاب شوق اخذت الكوره من عتاب ناولتها لعبير عبير ركضت للمرمى ركلتها اتجه المرمى بس صدتها عهود
عهود ركلة الكوره لعتاب ناولتها لشهد ركضت حتى صارت قريبه من المرمى ناولتها لعتاب عتاب سددتها للمرمى بس صدتها العنود انتهت المباراة بتعادل
فجر:تعبت
شهد:على ذا اللعب نستاهل كأس العالم
عتاب بسخريه:كأس العالم مره واحده
شهد:سجلتي هدف بالصدفه ومسويه اللي واو اعرف العب محد قدي
عهود:اهم شي استناسنا
العنود:اي مره
شوق:يلا ندخل قبل يجو يشوفنا بذا الشكل المبهذل
خلود:اعطوني مويه خلاص بموت
عبير اعطتها مويه:خذي
دخلو البيت وتروشو وصلو الظهر وتغدو ورجعو ينامون
