لاتنسو ذكر الله
سبحان الله🤍
الحمدلله🤍
لااله الا الله🤍
الله أكبر🤍
بعد العصر الساعه ٤:٤م
متعب كلم ابوه يخطب له بنت ابو سيف
ابو متعب وافق. راحو عند ابو سيف
ابو سيف استقبلهم
ابو سيف: هلا والله تفضلو تفضلو
ابو متعب: هلا فيك
متعب وابو متعب دخلو
ابو سيف:سيف روح جيب القهوه
ابو سيف: اخبارك واخبار بنتك عسى مابها خلاف
ابو متعب: بخير الحمدلله والبنت بخير
بس جيتك ياابو سيف ابي منك طلب
ومنحرج
ابو سيف : لا يارجل احنا اخوان وقل وان شاء الله اني اقدر عليه
ابو متعب: بخطب ل متعب بنتك الصغيره مالقينا افضل من نسبكم
صح متعب باقي ماتوظف بس نبيها خطبه حتى يتوظف وبعدين يملكون
ابو سيف: والله ونعم فيك وفي ولدك بس الراي الاول والاخير للبنت وبرد لك خبر
سيف جاب القهوه وصب لهم
متعب: معليش ياعمي ابي الرد اليوم عشان اضبط اموري
ابو سيف : ابشر
ابو متعب: يالله استاذنكم
ابو سيف: اجلسو نتقهوا
ابو متعب: مره ثانيه ان شاء الله
ابو سيف الله يستر عليكم
راحو ابو متعب ومتعب
ابو سيف دخل الصاله علم ام سيف بخطبة متعب ل عتاب
سيف:مااتوقع عتاب توافق
ابو سيف :ياام سيف كلميها وشوفي قال ارد لهم خبر اليوم
ام سيف : طيب
عتاب جت من المدرسه دقت باب دورهم فتحت شهد الباب وهي تناظر فيها نظرات غريبه
عتاب: وش فيك تناظريني كذا
شهد هزت رأسها
عتاب بصوت عالي :خيررررررررر
ام سيف:عتاب جت
عتاب : اي جيت
ام سيف:عتاب تعالي
عتاب راحت عندها
ام سيف:عتاب متعب وابوه جو اليوم
عتاب: ايوه وش يبون
ام سيف: جو يخطبونك
عتاب : ماني موافقه
ام سيف:فكري
عتاب: مايبي لها تفكير
ام سيف: قولي لاابوك
عتاب:بروح اغير ملابسي وانام تعبانه قولي له انتي يمه
ام سيف: طيب
عتاب راحت الغرفه
وشهد ناظرت فيها
عتاب وهي معصبه : الله ياخذك خير وش فيك لا تناظريني
شهد: من زينك
عتاب: طيب لا تناظريني
وانسدحت على السرير
خلود: يالله غدا
عتاب: انا ماابيه
خلود راحت
شهد راحت معها
شهد: متعب خطب عتاب
خلود: أما متى
شهد : اليوم
خلود: وش قالت عتاب
شهد: مدري كنت اناظر فيها ابغى اعرف ردها عصبت
خلود: يووو مره اكره نظراتك اذا في سالفه حساسه
شهد: شسوي نظراتي كذا
على الغدا الكل موجود
ابو سيف: وين عتاب
خلود: قالت ماتبي
ام سيف: عتاب قالت مو موافقه
ابو سيف: ليه مو موافقه
ام سيف: مدري
ابو سيف : طيب اصلاََ كيف تتزوج قبل اخواتها وهم اكبر منها
سيف: كيف مو موافقه ماامدها تفكر
ابو سيف: هم قالو يبو رد اليوم
. سيف: متى بترد لهم خبر
ابو سيف : اليوم بعد العصر اذا شفتهم او المغرب اروح لهم
تغدو وخلصو
ابو سيف نزل عند امه والباقي كل واحد راح غرفته
...................................
عند متعب باقي يدور له وظيفه للحين مالقى
دق الباب
متعب: مين
َمنال: انا
متعب:ادخلي
منال دخلت وجلست على السرير
منال: والله ماتوقعت انها عتاب الي انت تحبها
متعب: قلت لك موصفاتها بس انتي اخذتي موضوعي طقطقه
منال: ماتوقعت انها عتاب احس وسكتت
متعب: تحسين وش
منال: احسها نفسيه وشوي مغروره مدري
متعب: عادي عيوبها تهون عند حبي ادعي يامنال انها توافق
. منال: ان شاء الله الله يوفقك ويتمم لك على خير.
متعب: امين.
