اذكرو الله يذكركم
سبحان الله🤍
الحمدلله🤍
لااله الا الله🤍
الله أكبر🤍
الكل انصدم جت لحظة صمت
حتى عبدالله انصدم على باله طقطقه ماتوقع انه ماخذ الموضوع جد
عبدالله:من جدك؟
علي:أيه
ابو عبدالله:البنت باقي تدرس وانت باقي ماتوظفت وتبغى تتزوج
علي: بدور لي وظيفه وهي تكمل الدراسه
ام عبدالله:لا انا ماابغاها بنت مدن ماتعرف تطبخ واغلب وقتها نوم وماتحترم احد
علي:عادي يمه بتتعلم
عبير:احس انت وعتاب مايجي
علي:انتي مالك دخل اسكتي
ام عبدالله:ماابيها ليه ماتبي الا هي
علي:انا اللي بتزوج عاجبتني وابيها تكفون لاتخربون علي
الكل سكت مو راضي ومستغربين من علي انه اختار عتاب
علي عشان ينهي النقاش :يبه اخطبها لي
ابو عبدالله عشان يسكته:اول شي توظف ويصير خير
علي:اليوم بقدم على وظيفه وان شاء الله يقبلوني
عبدالله جت فكره بباله قال بهمس:خلاص توظف بسرعه وتزوج عشان تتوسط لي
علي فهم قصده:مو بيدي لكن ان شاء الله اذا ربي كتب
عبدالله دعا من قلبه :يارب تتوظف وتتزوج عتاب
علي ناظره:ايه مصلحه عشان تتزوج اختها
عهود:وش تقولون
علي:نخطط لزواجي
عبير:يالثقه يمكن ترفض
عهود:ههههههه بعدين اكثر شي تكره الديره
علي ضحك:اكيد وظيفتي مابتكون بالديره.
...........................
عند متعب
كان يمشي صار بعيد عن أهله وهو يفكر من كثر مايفكر فيها صار يشوفها بااحلامه شاف بيت بعيد مهجور وقديم والسقف طايح دخل
دور فحم بيكتب فيه مالقى دور بجيبه لقى فتورة مطعم طلع قلم كان سارقه من منال وكتب "حلمت فيك البارحه كنك تناديني
سمعت صوتك يناديني .. ولبيته
فزيت مفزوع . ولا وينك و ويني
واثاريك حلمٍ على الواقع تمنيته"
خبها داخل حجر وطلع
ورجع عند أهله غيرو مكانهم لمكان مافيه شمس
اذن الظهر صلو جماعه وخلصو
قام متعب يسوي الغدا
ام متعب كانت بتساعده بس هو عيا ومنال ماتقدر لان يدها باقي مجبسه
قطع متعب البصل والطماط وحط زيت وحط التكشينه وجاب الرز بعد ماغسله ونقعه وحط الرز على النار
راح جاب الدجاج بعد ماغسله
حط بصينيه ثوم، كمون،كزبرة، بابريكا، ملح، فلفل، زيت الزيتون، عصير الليمون وصلصة الطماطم. خلطهم من بعض وحطها على الدجاج
وحط الدجاج بشبك الشوي
وحطها على الفحم
جهز الغدا حط متعب الغدا وبدو يتغدون
منال:فنان طعمه حلو
ام متعب:ماشاء الله عليك
متعب:ادري لان كل شي اسويه لازم يصير حلو وطعمه مميز
منال:هاذا محد يمدحه
ام متعب:وهو صادق طعمه حلو ومميز
منال سكتت وناظرت متعب
متعب:الله يسعدك يمه
..........................
المدرسه
الظهر عتاب طلعت كانت تنتظر عبير وعهود
كانت تدور منال وتنتظرها حتى تطلع عشان تشوف متعب
طلعو عبير وعهود
كانت بتسأل عبير عن منال بس سكتت
عتاب:روحو البيت وانا بلحقكم
عبير وعهود راحو البيت
عتاب جلست تنتظر شوي وبعدين راحت الكوخ دخلت شافته مكتوب
"لك في قلبي حب ما ينكتب بأبيـات
ولك في عيوني شوق مايعرفه غير ربك"
وكتب تحتها ادري اني غلطان ومحد معصوم عن الغلط وكان سوء تفاهم تمنيت اعرفك بظروف احسن كنت اتخيل لقانا كيف بيكون ادري جرحتك بدون قصد بس انتي جرحتيني ب قصد كذا بنكون تعادلنا خلينا ننسى اللي صار ونبدأ من جديد بضبط اموري واخطبك مره ثانيه رغم ان كرامتي ماتسمح ارجع اخطب شخص رفضني لكن كل شي لعيونك يهون حبيتك رغم مااعرفك
حبيتك ويعلم الله بغلاتك بقلبي انا احبك وتاكدي أني أكثر شخص يحبّك، ماهتميت بشيء كل اللي ابي اني ابقى معك تحت أي ظرف تأكدي انك اهم شخص عندي بالرغم من كل شي (احبك)
عتاب كتبت لو تدري وش بقلبي ووش شعوري ابتليت بحبك حتى انا احبك انت اجمل شي شفته بذي الديره
شوي وطلعت من الكوخ مشت شوي وبعدين رجعت الكوخ ومسحت كلامها
وكتبت
"والله مالومك حتى انا احب نفسي"
وطلعت شافت ناصر توه راجع من المدرسه راحت عنده
ناصر:ليه رايحه لحالك
عتاب:عادي البيت قريب
ناصر:خلاص روحي البيت وانا بروح اجيب ليان من المدرسه
عتاب:اتوقع ابوي راح يجيبها
ناصر:متأكده
عتاب:ايه هو اللي يجيبها كل يوم
كملو طريقهم وصلو البيت
عتاب غيرت ملابسها وصلت الظهر
وانسدحت على السرير تتفرج للجوال
جت خلود:تعالي تغدي
عتاب:ما أبغاه
جلست شوي على الجوال وبعدين نامت
