مال النجوم أوطان دام السماء عيونك

لاتلهيكم عن الصلاه
اذكرو الله يذكركم
سبحان الله🤍
الحمدلله🤍
لااله الا الله🤍
الله اكبر🤍

لندن الساعه ١٠:٦ص
صقر:الجو حلو شكله بيجي مطر اليوم
خالد:يمكن
صقر:متى يجي ثلج ان شاء الله
خالد:تصدق كان يجي اغلب الوقت ثلج من لما جيت انقطع من عندنا
صقر:No, I do not believe
لا انا لا اصدق
خالد:خلاص الحين خلصت دورة الانجليزي؟
صقر:لا بخلص ذا الاسبوع
خالد:حلو خلينا نمر نشتري لنا قهوه ونرجع الشقه
صقر:لا مابنرجع الشقه طفش  خلينا نتمشى وش رايك نروح ساعة بيج بن والبرلمان ونتفرج
خالد:لا مو اليوم
صقر:الا خلينا نروح ونتفرج له ونمر نجرب مطاعم جديده
خالد:طيب
وقفو تكسي
صقر:انا بركب قدام
خالد:لا انا لاني الكبير
صقر:طيب نركب كلنا ورا محد يجي قدام
خالد:طيب
لفو بيركبون شافو ان التكسي سحب عليهم لما شافهم يتخاصمون
خالد:شفت مامن وراك الاالمشاكل
صقر:انت السبب
وقفو تكسي ثاني وركبوا كلهم ورا وصلو ونزلوا كانو يتفرجون ويصورون خلصو الساعه ١٢:٣٤م
صلو الظهر واختاروا لهم مطعم وتغدو وخلصو
صقر:الاكل هنا طعمه حلو بس مشكلته غالي
خالد:ايه حلو
راحو اشترو لهم اسكريم ورجعو الشقه
دخلو صقر انسدح على الكنبه
خالد راح يشرب مويه ورجع ينسدح على الكنبه الثانيه
صقر اخذ جواله واتصل على سيف وكلمه وكلم امه

........................
بيت ابو عبدالله
في الصاله جالسين ام عبدالله وعبدالله هناك
عبير في المطبخ تسوي لهم قهوه خلصت وراحت جلست عندهم جت عهود وجلست
صبت لهم عبير 
قام عبدالله
ام عبدالله:وين رايح
عبدالله:عند متعب بنلعب كوره مع عيال الديره
وطلع
عبير كانت تتفرج للجوال لما سمعت اسم متعب سوت نفسها مو مهتمه وقامت وراحت الغرفه جلست وهي تفكر بمتعب حب الطفوله وللحين تحبه وأعترفت له يوم كانت تدرس اول متوسط بس قالها مايحبها حاولت تنساه ماقدرت

.........................
عند متعب دخل الكوخ ماشافها كاتبه شي
اخذ الفحم وكتب"يفداك قلبٍ ماكذب يوم يغليك وتفداك عين همها بس شوفك"
جلس على الأرض وهو يفكر متى راح يجي اليوم اللي يعرف من هي قام وكتب والله مابي منك شي ابي اعرف من انتي وش اسمك حبيتك وابيك بالحلال  دايم ماخذه تفكيري صرتي جزء من يومي وجزء من حياتي اربع شهور كفايه فيها تأكدت من مشاعري اني احبك وكل يوم تزيد محبتك بقلبي ياليت تعرفين كثر حبك وغلاتك عندي علميني اقل شي اسمك تبين تعرفين من انا
انا متعب.....
خلص وطلع رجع البيت اخذ مفتاح السياره ركب سيارته وطلع من الديره وهو مايدري وين يروح

...........................
بيت ابو مشعل
شوق صلت الاستخاره وتحس انها ارتاحت
فجر للحين رافضه ومافكرت حتى تصلي استخاره
ام مشعل كانت تطبخ الغدا دخلت المطبخ
شوق:اساعدك بشي
ام مشعل:لا خلصت
حطو الغدا وتغدو وخلصو جلست ام مشعل في الصاله جت شوق وجلست
شوق كانت مستحيه:يمه انا موافقه
ام مشعل:استخرتي؟
شوق:ايه وحسيت اني مرتاحه
ام مشعل:برد لاابوك الخبر اليوم مبروك
شوق:الله يبارك فيك
وقامت
ابو مشعل توه جا من عند امه وجلس في الصاله
أبو مشعل:السلام عليكم ورحمة الله وبركاته
ام مشعل:وعليكم السلام
جلس ابو مشعل
ام مشعل:شوق وافقت 
ابو مشعل:الحمدلله تركي والله انه رجال ونعم فيه
ام مشعل:متى بترد له خبر
ابو مشعل:اليوم ان شاء الله
ابو مشعل نادا :شوق شوق تعالي
شوق:هلا يبه يلا جاي
دخلت الصاله وهي مستحيه من ابوها
ابو مشعل:تعالي اجلسي
شوق جلست
ابو مشعل:خلاص نعطيهم خبر انك موافقه
شوق هزت راسها
ابو مشعل حضنها :مبروك مبروووك
شوق:الله يبارك فيك
وطلعت
ابو مشعل رجع يجلس:وفجر للحين رافضه
ام مشعل:ايه
ابو مشعل قام وراح غرفة البنات
دق الباب ودخل
شافهم كلهم هناك
ابو مشعل:العنود وشوق اطلعوا ابغى اكلم فجر لحالها
طلعو البنات
فجر وهي عارفه انه عشان موضوع الخطبه كانت خايفه ومتوتره
ابو مشعل جلس على السرير
ابو مشعل:يابنتي ليه رافضه وماتبين الزواج
فجر:يبه الزواج مسؤليه ماابغى اتزوج الحين
ابو مشعل:مع الوقت بتتعودين على المسؤليه
فجر:ماابغى اتزوج مو مستعده للزواج واحس اني مو قد المسؤليه
ابو مشعل:يابنتي تبغيني أرفض الرجال بس عشان تحسين انك  مو قد المسؤوليه وهو جاء من الرياض لهنا عشان يخطبك واضح انه يبيك وشاريك
فجر:يبه الحين ماابغى الزواج بكبره
ابو مشعل:ليه وش السبب اللي يخليك ماتبغين الزواج لاتقولين المسؤوليه مع الوقت بتتعودين
فجر:احس اني باقي صغيره على الزواج
ابو مشعل: زمان كانو يزوجون من عمر ١٥ والحين عايشين مبسوطين وحياتهم ماشيه
فجر:يبه زمانكم غير عننا  لاتضغطون علي
ابو مشعل بنبره حنونه :ما بضغط عليك بس نايف رجال سمعته زينه وموظف وماعليه خلاف اعطي نفسك فرصه وفكري ماراح اجبرك على شي انا اشوفه رجال كويس وماراح اختار لبناتي الا شخص يحترمها ويصونها ويعرف قدرها فكري وأهم شيء استخيري وبكره اعطيني خبر وطلع
فجر اول ما طلع بكت تحس انهم يضغطون عليها
ابو مشعل طلع شاف شوق العنود في الصاله عند امهم
ابو مشعل:اقنعوها عيب نرد الرجال
العنود:طيب
دخلو البنات الغرفه
فجر اول ماسمعتهم دخلت الحمام أكرمكم الله وغسلت وجهه وطلعت شافت شوق والعنود صارو يسولفون معها شوي وبعدين فتحو لها موضوع الزواج العنود:ابوي يمدحه وقال انه كويس بعدين شفتي امه يوم جت مره طيبه وعايشين بالرياض حلو من كل النواحي ماشاء الله
شوق:وانتي من زمان ودك تطلعين من ذي الديره وتعيشين في المدينه
فجر ساكته وتسمعهم
فجر وهي مو مقتنعه وتفكر بعزام