مال النجوم أوطان دام السماء عيونك

اذكرو الله يذكركم
سبحان الله🤍
الحمدلله🤍
لااله الا الله🤍
الله أكبر🤍

لاتلهيكم عن الصلاه

........................................
المستشفى
ابو طلال دخل وراح عند زوجته شاف الدكاتره والممرضين عندها طلوعها بسرعه
ابو طلال راح وراهم وهو خايف شافهم دخلوها غرفة الإنعاش  زاد خوفه أكثر جلس وهو ينتظر على أحر من الجمر
بعد نص ساعه شاف الدكتور طلع  قام وقف مكانه وهو ينتظر الدكتور يعازيه
الدكتور مشى من عنده
بعد شوي شافهم كلهم طلعو مسك يد الدكتور وهو موقادر يتكلم
الدكتو ناظره وشاف الخوف واضح عليه
عرفه لانه يشوفه لما يجي يزورها :تطمن هي بخير
ابو طلال ارتاح بس ماكان قادر يتكلم

........................................
عند مشعل قام من النوم مفزوع
مازن:بسم الله شفيك؟
مشعل كان يمسك راسه ويتعوذ من الشيطان
مشعل اخذ جواله
مازن: تكلم شفيك خايف كذا؟
مشعل:بدق على صقر
مازن:الوقت متاخر شوف الساعه كم وش تبي فيه؟
مشعل:حلمت ان شهد تموت
مازن:مجرد حلم يمكن من كثر ما تفكر فيها
مشعل تنهد:من لما تزوجت وان ضايع ومشتت قدمت على وظيفه ابغى اشغل نفسي وانساها مافيه فايده
مازن:هي تزوجت الله يستر عليها ليه ماتتزوج
مشعل:فكرة بالموضوع وكلمت امي وابوي بس متردد ماكنت متوقع اني بتزوج غيرها
مازن:خلاص لاتعلق نفسك بالماضي وتزوج وعيش حياتك وارتاح بعدين مدري كيف حبيتها وهي اغلب الوقت ماكانت تتكلم ولاتحتك فينا الا نادر
مشعل:البلا بقلبي هو اللي حبها كانت اعرف كل شي عنها من خواتي
مازن:خلاص انساها وتزوج
مشعل:بكلم شوق تدور لي وحده من عندهم
مازن:الله يوفقك
مشعل:واذا مالقت لي ماراح اتزوج
مازن:ليه ماتبي تتزوج من بنات الديره ؟
مشعل تذكر شهد لما شافها في الحوش:احسهم يكونون حلوين
مازن:كله مكياج
مشعل:لا شفتها بدون مكياج
مازن:تونا قلنا تنساها
مشعل انسدح:بنام بكره يصير خير

........................................
عند احمد ورنيم رجعو من السفر عشان أحمد عنده شغل احمد راح للشغل
رنيم طلعت الملابس اللي بالشنط وحطتها بالدولاب اخذت لها ملابس ودخلت تتروش طلعت دق الباب
ام احمد:رنيم تعالي تقهوي معي مافي احد كلهم طلعو.
رنيم:يله جايه
ام احمد راحت
رنيم نشفت شعرها وطلعت عند ام احمد
ام احمد:متى بتروحين المعرض
رنيم:بكره ان شاء الله
بدو يسولفون
ام احمد:من لما عرفتك كنت مخططه اني بخطبك لواحد من أولادي
رنيم:ههههههههههه ماتوقعت صراحه

........................................
بعد مرور شهر
ابو طلال صحى من النوم
وقت اذان الفجر قام توضى وراح المسجد وصلى للفجر رجع البيت شاف جواله عنده ثلاث مكالمات قبل ساعه من المستشفى
دق محد رد عليه طلع من البيت وشغل السياره وراح المستشفى شاف الدكتور المسئول عن حالة زوجته راح لعنده
الدكتور:وينك ندق عليك ماترد
ابو طلال:كنت نايم شصار؟
الدكتور: زوجتك صحت سوينا لها فحوصات كل شي بخير
ابو طلال سجد لله سجود شكر
ابو طلال قام وبدأ يسأله عن حالتها بعد ماخلص راح عندها دق الباب وفتح الباب
ام طلال كانت منسدحه ناظرت فيه بدون ردة فعل
ابو طلال اللي واضح عليها الفرحه ومو مصدق دخل وسلم عليها بالخد وحضنها
ابو طلال:الحمدلله على السلامه
ام طلال ناظرت فيه بدون تقول شي
دخلو دكتورتين
وساعدوها تقوم وحطوها على الكرسي متحرك
ابو طلال:اللحين بتودونها الاشاعه؟
:ايه
ابو طلال:بتطولون
:ايه بيأخذ وقت
ام طلال كانت ساكته وتناظر الموجودين وتناظر بكل مكان
ام طلال تكلمت:وين طلال وطارق ورنيم ليه مااشوفهم
ابو طلال:اللحين اتصل عليهم يجون
ام طلال سكتت ناظرت رجولها حاولت تحركها ماقدرت
ام طلال:ابغى اقوم
ابو طلال حزن على حالتها سكت ماقدر يعلمها
الدكتوره:اساعدك تقومين؟
ام طلال:ابغى امشي لحالي
الدكتوره كسرت خاطرها
مشت العربية ومشو دخلوها غرفة الإشاعه
ابو طلال دق على ولده طارق
طارق:هلا يبه
ابو طلال:تعال المستشفى وجيب طلال معك
طارق:ليه امي بخير؟
ابو طلال:ايه بخير تعال وبتعرف كل شي
طارق:يله جاي
وصلو طارق وطلال طارق اتصل على ابوه
طارق:وصلنا المستشفى وينك
ابو طلال:عند غرفة الإشاعه
طارق:تمام
وصلو عند ابوهم حسو في شي ابوهم كان واضح عليه الفرحه والحزن
طارق:يبه خوفتنا ليه قلت نجي امي وشفيها
ابو طلال:لاتخافون امكم بخير وقالت تبي تشوفكم
طارق اللي جاه لاق:كيف يعني  كيف تبي تشوفني
ابو طلال اللي ضحك على ردة. فعله واضح انه انلخم
طلال:امي صحت؟
ابو طلال:ايه
طارق وطلال ناظرو بعض
طارق حضن ابوه:يبه تقول الصدق
ابو طلال:ايه الحمد لله
بعد عشر دقايق طارق كان فرحان بس للحين مو مصدق يبي يشوفها بعيونه عشان يتأكد
طلعت ام طلال من الاشاعه طارق لما شافها راح عندها بسرعه جلس على الأرض وحضنها ام طلال اللي ناظرت بدون ردة فعل ماتدري عن شي تحس كل شي قدامها غريب كانت تحاول تستوعب اللي قاعد يصير
طارق صار يبكي:الحمد لله يارب الحمد لله على السلامه
ام طلال حضنته بقوه
طلال اللي كان يناظرهم وهو يضحك ويمسح دموعه
حضنها طلال
طارق كان باقي جالس ماسك يدها وهو مبتسم