مال النجوم أوطان دام السماء عيونك

اذكرو الله يذكركم
سبحان الله🤍
الحمدلله🤍
لااله الا الله🤍
الله أكبر🤍

.....................
بعد يومين
خطبة سعد
سعد كلم ابو نايف يجي  عشان يخطب له  تجهزوا وخلصو نايف راح معهم وصلو عند بيت خواله ونزلوا
دخلو
خوال  سعد استقبلوهم وضيفوهم
كانو مستغربين جيت ابو نايف ونايف لأنهم مايعروفهم
جلسوا يسولفون وبدو يتعرفون على بعض ابو نايف كان ياخذ ويعطي معهم بحكم انه شخص اجتماعي كلهم اتأقلمو معه
ابو نايف:اكيد مستغربين جيتي بس جيت لاني اعتبر سعد زي ولدي ونبغى القرب منكم ياابو اسامه بطلب يد بنتك  لولدي سعد على سنة الله ورسوله
ابو اسامه:لنا الشرف وسعد رجال ونعم فيه بس الرايي الأول والأخير للبنت وانت يابو نايف ماقصرت على وقفتك مع ولدنا الله يجمل حالك ويرفع قدرك
ابو نايف:امين وسعد هو ونايف عندي سوا
رجعو كملو سوالف شوي وطلعو
سعد بأس راس ابو نايف:مشكور ياعمي ماقصرت معي
ابو نايف:إذا احتجت شي وانا ابوك قولي
سعد:ان شاء الله
رجعو البيت دخلو شافو
ام نايف جالسه في الصاله
جلسوا نايف وابو نايف يسولفون معها
نايف شاف فجر مو موجوده:يمه وينها فجر مانزلت عندك
ام نايف:صار لها يومين مانزلت
نايف:سنا نادي فجر
ام نايف:خليها اذا تبغى تنزل من نفسها ولا بكيفها لاتخليها تسوي شي ماتبيه
نايف:خلاص سنا لا تناديها
ام نايف:انت مزعلها؟
نايف:لا ليه؟
ام نايف: قلت لها لازم تجهز لعرسكم انصدمة ماكانت تدري عن العرس
وبعدين كانت تسولف معي طبيعي قامت وقالت بتروح تشرب مويه تأخرت علي قمت اشوف وش فيها رحت المطبخ شفتها جالسه على الطاوله وتبكي 
مادخلت قلت يمكن ماتبيني اشوفها
رحت وجلست في الصاله جت سنا وقلت لي انها راحت جناحها
وصار لها يومين ما تنزل
نايف ساكت
ابو نايف:يمكن متضايقه لأنها مو متعوده  أن اهلها يكونو بعيدين عنها
ام نايف:واغلب الوقت اشوفها شارده
ابو نايف:لا تخليها لحالها سولفي معها واطلعوا وتمشو عرفيها على ناس جدد لايصير عندها اكتئاب
ام نايف:ان شاء الله

.........................
عند فجر بجناحها بالغرفه ماطلعت تحس بوحده ومشتاقه لااهلها  حاولت تنسى عزام بس ماقدرت ومقهوره ان نايف مو متقبلها دام انه مايبيها ليه تزوجها كانت تتمنى تعيش بالمدينه بس مو كذا

.........................
عند نايف دخل الجناح شاف كل اللمبات طافيه
شغل اللمبه وجلس في الصاله على الكنبه وهو يفكر  يبغى ينسى تسنيم ويبدأ حياة جديده مع زوجته بس تسنيم ماتروح من باله اخذ جواله دخل السناب
كان فاتح حساب جديد ارسل لها اضافه للمره العاشره

.....................
عند فجر اخذت جوالها
شافت حساب جديد ضايفها وطنشته ودخلت قروبهم هي وأهلها شافتهم مرسلين لها وكلهم مجتمعين في الحوش
بكت وهي ودها ترجع عند أهلها وذي الجمعه الحلوه

......................
عند نايف قام ودخل الغرفه بشويش شافها نايمه

...........................
عند تركي وشوق
كل يوم يطلعون ويتفرجون لاإمكان جديده عجبتهم الدوله ومناظرها