مال النجوم أوطان دام السماء عيونك

اذكرو الله يذكركم
سبحان الله🤍
الحمد لله🤍
لااله الا الله🤍
الله اكبر🤍

.................
عند متعب كان يتعشى جته رساله فتح الجوال كانت الرساله تم رفضك نتمنى لك التوفيق
تضايق مره ماكمل اكله لم العشى
ودخل ينام
الصباح جهز أغراضه واتجه لديره

..................
دور ابو سيف
غرفة العيال
ناصر نايم
وسيف يكلم صقر بالجوال شوي وقفل انسدح على السرير وناظر السقف صار يفكر بحياته ووده انه يتوظف ويستقر بحياته

...............
غرفة البنات جالسين على الأرض ويسولفون
شهد:كيف المدرسه
عتاب:لاباس الشي الحلو اني لقيت بنتين على جوي
خلود:وش أسمائهم
عتاب:ميار وريم
خلود:كيف المعلمات
عتاب:مدري بس واضح انهم طيبات
شهد:وين احلى مدارس هنا ولا المدينه
عتاب:اكيد المدينه حتى مافي مقارنه بينهم بس أقل شي لقيت ناس على جوي
خلود:الله يعين بتبلشينا فيهم زي ماكنتي تتكلمين عن أمل صديقتك
عتاب:اكيد بزعجكم بعدين شوفو وش ارسل لي صقر علمتهم بالصور اللي مرسلها صقر
شهد:مره جامعتهم حلوه ماشاء الله
صارت الساعه ١:١٨ص
خلود:مابتنامين
عتاب:لا توني صحيت
شهد :خلود اعطيني شاحنك شاحني مدري وينه
خلود:خذيه من الدرج وطفي اللمبه معك بنام
قامت شهد اخذت الشاحن من الدرج وطفت اللمبه وشحنت جوالها وجلست تتفرج له شوي وقفلت الجوال ونامت
عتاب شافت الساعه ٢:١٥ نزلت سوت شاهي وراحت الكوخ شغلت فلاش الجوال شافت مكتوب على الجدار تحت كتابتها
ونعم بالله
ومكتوب تحته عندي مقابلة شغل ادعي لي
طالعت في الجدار تحس بشعور غريب قاعد يعلمها انه رايح المقابله ويطلب منه تدعي له
حاولت تطنش الشعور اللي تحس فيه
ردت عليه:وش دخلني فيك مين انت وش عرفك بذا المكان
وكتبتب بالجدار اللي بالجهه الثانيه"اتمنى ان نجد نهايه نستحقها بعد كل مامررنا به"
جلست تشرب شاهي وهي تناظر رده الموجود على الجدار تحت كتابتها وتفكر مين ذا الشخص شوي وطلعت من الكوخ وصلت البيت ونامت

.................
الصباح الساعه ٦:٤٣ص
عتاب اتجهزت ونزلت ودعت امها وابوها
عتاب:يمه ادعي لي
ام سيف:الله يوفقك
طلعت شافت عبير وعهود ينتظروها راحت معهم وصلو المدرسه دخلت شافت ميار وريم جاين عندها
ريم:سلام
عتاب:وعليكم السلام
دخلو راحو عند زاويه باخر الحوش مافيها احد وبعيدين عن البنات عتاب صارت تمون عليهم مع انه صار لهم بس يوم من عرفو بعض بس حست انها ارتاحت لهم علمتهم بسالفة الكوخ والشخص اللي يرد عليها
ميار:مين يكون؟
عتاب:مدري من يوم صرت اكتب في الكوخ وهو دايم يرد علي
حتى يوم رحنا المزرعه كتب مااتذكر وش بالضبط كان يكتب َيسال عني ليه مختفيه ومن ذا الكلام
ريم:حب من اول كتابه.
عتاب:مستحيل يكون حب
ميار:يمكن انه صدق يحبك
عتاب:مستحيل كيف وهو مايعرفني اصلاََ
ريم:اسأليه مين انت.
عتاب:كتبتها له اليوم وسألته مين انت جلسو يسولفون
وعتاب علمتهم بقصة صقر وشوق وكيف اعترف لها
ريم:يجننون زوجوهم تكفون
عتاب:وش دخلني فيهم ودهم يتزوجون ولا بالطقاق
ميار:واضح اخوك يحبها مره
عتاب:ايه
عتاب:اخواني كلهم احسهم صارو يحبون
ريم:قلوبهم رهيفه
عتاب:سيف احسه يحب العنود من نظراته واضح انه يحبها
ريم:زواج اخوانك علي انا بدفع المهر وكل شي بجمعهم وازوجهم بيوم واحد
ميار:وش دخلك بااخونها
ريم:نقطة ضعفي اي اثنين يحبون بعض وابغى اجمعهم بالحلال
ميار:ادفعي الدين اللي عليك بالمقصف وبعدين فكري تدفعين مهرهم
عتاب:كل عايتلنا كذا كل واحد يحب الثاني حتى بنت عمي عمرها ١٦ ومعجبه بااخوي يالله يابنات لو تشوفون نظراتها ماتوخر عيونها عنه
ميار:وهو كم عمره
عتاب:١٦
ريم:نفس العمر لابقين لبعض
عتاب:حتى مشعل ولد عمي حاط عينه على اختي بس اختي مو معبرته وماتدري عنه
دق الجرس صفو طوابير وارحو فصولهم