~အစိမ်းသက်သက် ~
အပိုင်း(၁၇)
"လူနာအခြေအနေက ကိုမာဖြစ်နိုင်တဲ့အခြေအနေတော့
မဟုတ်ပါဘူး ဒါပေမယ့် သွေးထွက်လွန်ထားတာဆိုတော့ ချက်ချင်းကြီး သတိမရနိုင်သေးဘူး.....ရက်အနည်းငယ်လောက်တော့ စောင့်ကြည့်ရမယ်ထင်တယ်..... အလွန်ဆုံးနှစ်ပတ်ပေါ့..."
"ဟုတ်ကဲ့ပါ ဒေါက်တာ.....ကိုမာမဖြစ်ဘူးဆိုတော့ တော်သေးတာပေါ့... "
ဆရာဝန်က သေချာပြောပြမှ ပိုးနှယ်ပုံတို့လင်မယားနှစ်ယောက်လုံး စိတ်အေးသွားရတော့သည်။ မဟုတ်လျှင် မစံပယ်ကိုမာများဝင်သွားရင် ဗိုက်ထဲက သန္ဓေသားကို ခွဲထုတ်ပစ်ရမှာတဲ့....အခုတော့ တော်သေးတာပေါ့....... မိခင်ရောကလေးရော ဘာမှမဖြစ်လို့.....
ဦးဝဠာမှိုင်းက ပိုးနှယ်ကိုစိတ်မချ၍ သူကိုယ်တိုင်လိုက်လာတာလည်းဖြစ်သည်။ မစံပယ်ကို အခုလိုလုပ်ခဲ့တဲ့သူတွေက ဆေးရုံတင်ပေးခဲ့သည့်ပိုးနှယ်ကို အငြိုးထားချင်ထားနေပေလိမ့်မည်ဟုစိုးရိမ်၍...သူပါလိုက်လာခဲ့ခြင်းဖြစ်သည်။
"တရားသူကြီးမင်း...... ကျွန်တော်တို့ မေးစရာလေးရှိလို့ ဝင်ခွင့်ပြုပါ...."
အမှုစစ်ရဲတွေဘဲ......
"ဝင်ခဲ့ပါ....."
"ဟုတ်ကဲ့....တရားသူကြီးမင်းကတော်ကို နည်းနည်းပါးပါးမေးစရာလေးရှိလို့ပါ..."
"ဟုတ်ကဲ့ မေးပါရှင့်.....ကျွန်မ သိသလောက်တော့ ဖြေပေးပါ့မယ်..."
"မစံပယ်ရဲ့ အိမ်ကို ဘယ်အချိန်လောက်ရောက်သွားခဲ့တာလည်း..."
"ညနေငါးနာရီလောက်ပါ......ငါးနာရီ မထိုးခင်လောက်ပေါ့..."
"ဟုတ်ကဲ့..... မစံပယ်နဲ့ တရားသူကြီးမင်းကတော်နဲ့က အသိတွေလား...."
တရားသူကြီးမင်းနှင့်ပတ်သတ်တာလို့ ဘယ်ပြောလို့ဖြစ်မလည်း...
"ဟုတ်ကဲ့ အသိတွေပါ....."
"ဒါဆို အိမ်လည်သွားခဲ့တာပေါ့.... "
"တကူးတကကြီး သွားတယ်ရယ်တော့မဟုတ်ပါဘူး....လမ်းကြုံလို့ဝင်လိုက်တာမျိုးပါ..."
YOU ARE READING
~အစိမ်းသက်သက်~
Любовные романыဂတိတစ်ခုကြောင့် လက်ထပ်ခဲ့ရပေမယ့် အိမ်ထောင်ရေးက လုံးဝကို အစိမ်းသက်သက်ဖြစ်နေတယ်။
