مَا الذِي بعَيناكِ لتغلبِنيِ هكذا باستمرَار

البارت " 6 "

.

عمر يطلع ملف الثاني:حمد بن خِليفان آل مطلق
انهارت علياء من عرفت وش بيصير
ناظر عبدالعزيز بـ امه و لـ عمر
عمر:تعرفه يا جدي
الجد بحدة:عمر كيف عرفت ؟
عمر:ليش ما علمتنا عن عمي ؟
حسن:عمر قفل الموضوع لا تفتح الماضي
عمر :بفتح تعرفون وش فيه الحين
الجدة ناظرت علياء ورجعت تناظر عمر:بسم الله وش صار فيه
عمر بقهر:كان يبي يقتل اهله
فز عبدالعزيز من مكانه يحاول ياخذ نفس وهو مو مصدق الي جالس يسمعه والي شافه طلع بخاخ الربو
فزت خولة له وهي تركض له
الجد فز من مكانه:بسم الله عليك يا ولدي
عبدالعزيز ياخذ نفس:تعرفون ابوي ؟
نورة بفرحة:انتم عيال حمد يعني احفادي؟
جود بقهر:ليتنا مو عياله
منيرة وهي تمسك علياء وتجلسها على الكرسي
جود :يمه اشربي مويا اشربي
علياء بانهيار:تكفون انا في وجهكم عيالي لا تلمسونهم تكفون لا تضرون عيالي
سلطان:عمر عزيز وش صاير
عمر:عزيز علمهم
عبدالعزيز بعدم تصديق:دقيقة خلوني استوعب الحين انتم اهل ابوي انت جدي وذي جدتي
هزو راسهم وبلع ريقه وهو يفكر واخذ نفس:حمد ما نتشرف فيه يكون ابونا عذبنا معيشنا بالجحيم وكل شي تحملناه منه بس أنه يمد يده على امي اكسر يده
ابتسم الجد بفخر:وش صار
عبدالعزيز:دافعت عن امي وصار حادث وطاح على طاولة ونزف منه دم وشكينا أنه مات وهربنا من مكه وجينا هنا وسعود الله يسعده ساعدنا نختفي فترة
سعود:بس ما مات ماكان في جثة وانا حذفت كاميرات مراقبه ونظفت البيت كله من البصمات
ساد الصمت يحاولون يستوعبون الموضوع
خولة بجرأة تسأل عمر:ليش قلت انه يبي يقتلنا ؟
عمر ابتسم بخفة بس نزل عيونه بالارض:يوم اننا ناخذ رابح للقبو سمعت صوت من مزرعتكم بحكم قبو يطل على حديقتكم انا و صقر و سعود رحنا
' نرجع لـ ورا شوي يوم العيال راحو القبو '
زاهد رفس رابح:موت هنا محد درى عنك
وخرجو بعد ما تأكدو انهم قفلو الباب
لف عمر للحديقة:ليش اضاءات البيت مفتوحة ياسعود
سعود:كيف ؟ قفلوها يوم خرجو
صقر:اص تسمعون
سمعو صوت همسات
عمر:عيال انتم روحو انا وصقر نشوف
سعود يفتح فلاش جواله:جاي معاكم
تسلسلو للبيت من الخلف وشافو باب المطبخ مفتوح ودخلو بهدوء
حمد بخبث:اجل انا تقتلوني وتهربون وربي اندمكم يا عزيز انت والي معاك ياعيال الحرام
انصدمو وسعود عرفه وهمس لهم:ذا ابوه
عمر حاول يعرف وش يسوي ووسع عيونه بصدمة من فهم أنه يوزع بالبيت متفجرات يوصلها مع باب البيت
طلع سلاحه من جيبه وصقر آشر له لا يتسرع
عمر يأشر لهم بانه يحط قنبلة
سعود ناظرها بصدمة وأشر لـ يقتله
عمر بلع ريقه وتقدم
عمر جاء من وراء مسكه وحمد انفجع وصرخ:مين ؟
عمر حط السلاح: وش تسوي يالكلب
حمد كان بخرج سلاحه بس سبقه عمر وضربه على راسه
رفسه سعود:جعلك الموت
صقر:وش العلم ياولد
سعود: عبدالعزيز وعدني ياعيال ما أعلم بس الي تعرفونه ذا مو أب ذا كلب
-
عبدالعزيز بصدمة يحاول يستوعب كلام عمر
عمر: اتصلت على مركز وزي ما شفتو اخذوه
اغمى على علياء بحضن منيرة
جود بصدمة: عزيز يمه يمه
فز عبدالعزيز وهو بالقوة يشيل نفسه من الصدمة وجلس قدام امه
سعود:بسم الله مافيها الا العافية بس هاتو حلى وجهاز السكر
فزو البنات جابو الي طلبه
عبدالعزيز: يآرب
الجد:بخير لا تخاف يا ولدي
ابتسم عبدالعزيز:اسف انا ضريت ولدكم
الجدة:ماهو ولدنا نحن تبرينا منه من زمان
نزل عبدالعزيز راسه بس تقدمت وحضنت عبدالعزيز:بس تمنيت اشوف احفادي من ولدي البكّر الحمدلله يآرب جمعني فيكم
ابتسم وهو متردد يحضنها أو لا  بس حضنها نزلت دموعها بفرح وهي تطبطب على ظهره
رجعت علياء لوعيها وقالت بتعب:تكفون ولدي لا تسجنونه
الجد:ماهو بولدك يا ام عزيز
ناظروه بصدمة:كيف!
ضحك: عزيز ولدنا من اول ما دخل قلت لك
جود:مو مصدقة للحين ما كان عندنا اهل اب ولا اهل ام والحين طلع عندنا عمام وأهل ياربي
الجد :تعالو تعالو
حضنوه خولة و جود وهم يبكون
حسن:ياربي طلع العرق مو بس نحن عندنا حياة الفهد طلع حتى عند عزيز عندهم
عبدالعزيز:لا تسأل عندي اثنين
خولة تقرصه:وش تقصد
ابتسم عمر وقال:يا جد وش سوا عمي ؟
الجدة اخذت نفس:حمد ولدي البكر كشفناه داخل طريق الحرام حاولنا معاه حاولنا ما سمع واخر شي سواه كان يبي يقتل
عبدالعزيز:ما استغربت والله وهو يخلي خولة تبيع حبوب
ناظرته بحزن وعمر ناظرها بصدمة ماتوقع منها هالشي ولا علمته
سارة:الله يسامحه
علياء:الله لا يسامحه
الجد:وانا تبرأت منه ومن يومها ما عرفت عنه أي شي بس الحمدلله الحمدلله الله جمعني باحفادي
سارة:عزيز وش بتسوون الحين
عبدالعزيز: والله أتوقع نرجع مكه دام الامور انحلت
عمر:وشوله ترجع ونحن هنا خلك بين اهلك وناسك
سلطان:ايه يا عزيز خلك معانا والله نحطكم بعيوننا
سالم:اساسا ابوي ما بيسمح لكم تروحو
ناظر عبدالعزيز امه وقال:ان شاءالله
سعود:والله باقي تكة وادخل بكرت عائلة آل مطلق
ضحكو العيال عليه وابتسم
سالم: وأخيرا سمعنا أصواتكم مسوين مؤدبين قدام عيال عمكم والله يا عزيز لو تجلس ساعة معهم بياكلون راسك من رجتهم
ضحك وضاح: والله مدري شقول مصدوم الحين يعني مو الحفيد الأكابر هنا جاء من ياخذ مكانك ياوضيح
ضحكو الكل وقالت علياء:عيال منيرة مكانهم محد ياخذه
وضاح اشر على راسه:على رأس عزيز وأهله والله
عبدالعزيز بحماس:مواليد كم ؟
وضاح:١٩٩٥ شهر سبع 
ضحك عبدالعزيز بحماس:يوهه اكبر انا بشهر
سلطان:جاك عزيز يا وضاح
فرح :عزيز عليك فيه بالله
وضاح بطرف عينه يناظرها:لا يشيخة
جود:للحين انا معرفتكم زين
شهد تقوم بحماس:اعرفكم على العائلة الكريمة
ابوي حسن عمك الكبير عياله وضاح صقر …صقر اكبر مني بكم سنة لاننا نشبه بعض يقولون لنا تؤام ونحن تعودنا
و وضاح ذا احن شخص بالدنيا
ابتسم وضاح وهو يناظرها
وكملت شهد:وانا عنقود البيت
وعمي سالم عياله خالد نسخة وضاح مصغرة و فرح الفاهية
ضحكو جود و خولة و عزيز يكتم ضحكته
شهد:ثم عمي شيخ الشباب سليطان عياله يوه عاد ذول حاجة ثانية
نبدا بالاول عمر ذا حِنَيّن مرة اذا يحب يوه يحظ زوجته فيه بس
وغمزت له وهو يضحك وخولة تبتسم بهدوء
وكملت: روآف ذا حتنصدمي من شخصيته متناقض أحيانا فله أحيانا نفسية
رمى عليها مناديل:ياتبن انا نفسية
شهد: ايوا وعنده كوفي ترا معليكم كل يوم نروح له ونتقهوى ببلاش عندهم ماتشا لذيذة
وثم افراح و ابتهال تؤام العائلة احترت فيهم
زاهد عنقود وواضح قد ايش هو حنون مثال سُكَرة و علاقتها فيه
وانا شهد اكثر إنسانة فله بالعائلة
ضحكت خولة:وعميمة ؟
سارة:لا تقولو عمة عادي انا بعمركم ياهو و بنتي سُكَرة
علياء: سارة زوجك وينه ؟
سارة بحزن:استشهد بالحد
ناظرها عبدالعزيز بحزن وترحمو عليه
جود:انا بنتكم جود اخر سنة ثانوي
فز زاهد:احلفي يوه كلنا خريجين هالسنة
ضحكت :واختي خولة جامعية كلنا نفس شهد فله
شهد ضربت كفها بكف جود
وتأمل سعود جود وتأمل ضحكتها
جود: وعبدالعزيز عضيدنا ووحيدنا عمره ٢٨ قولي بس عزيز ويلبيك
ابتسم عبدالعزيز:احد يرد اهله
الجد:ما يرد يا بنيتي
جود بهمس:ماما تكفين خلينا هنا الليلة والله مرة انبسطت مع البنات
علياء بابتسامة وهي لاول مرة بعد مدة طويلة تشوف فرحة عيالها:تمام بنتي … عزيز يمه
ناظرها:لبيه
علياء:بنبقى الليلة هنا
الجدة فزت:جد … بالله تو ما نور المكان والله
هز راسه عبدالعزيز
الجد:يالله كلمو ميري ونانا يجهزون غرف
جود:انا مع شهد
خولة:جحدتوني
زاهد:افا الحين اطرد افراح وتنامي مكانها
عمر ناظره بحدة وغيره
افراح:لا لا معليش انا الي انجحدت
قامو الرجال والحريم مع الجد و الجدة ينامون
وضاح بهمس:تنامون
خالد:اي نومة؟ الليلة سهرة صباحيّ واعد سعود
سارة:اذا جاكم ابوي يعلمكم سهرة على اصولها
عبدالعزيز:مايسوي شي انا اكلمه
خالد:كفو يـ التعزيز
قامو البنات جابو قهوة والحلى الي بقى من العزيمة
شهد سوت شاهي حبق و شاهي نعناع
غيرو ملابسهم عشان يجلسون بالراحة ورجعو لبسو جلال الصلاة ونزلو
كانو العيال ناقلين الجلسة للحوش الخلفي
سعود بهمس: خويلد والله وضعي بينكم صعب خلني اروح
خالد:يا ولد اجلس تربينا مع بعض الحين تستحي
وضاح:يهلا بالحامل والمحمول
شهد ضحكت وجلست جنبه
عبدالعزيز:يالله ذي الشوكولاطه لذيذة
ضحكو البنات
افراح:اسمها شوكليت
روآف:يالله الدلع اقول اسمها شوكلاطة المهم والله لذيذ ذوق مين
شهد بدلع:احم
زاهد:واضح حلو زيك حلاوتك
رفع عبدالعزيز نظره لها وتاملها ماقدر ينزل عيونه عنها تامل عيونها الي تصغر من تضحك لاحظ حركتها المعتادة اذا ضحكت تضرب الي جنبها ووضاح يبتسم لها
للحظة غار من وضاح أنه جنبها
اخذ نفس ونزل نظره عنها وهو يبتسم
خالد:ايه عزيز علمنا عنك
عبدالعزيز عدل جلسته يتسدح و راسه بحضن سعود:لبيه وش تبون تعرفون عني ؟
روآف:اممم وش تحب
عبدالعزيز:احبك انت
ضحكو العيال وقال روآف:ياخي عزيز
عبدالعزيز:ما احب شي عادي انسان مثلي مثلكم
شهد بهمس:ملاك والله ما اظن انسان
زاهد:وش تشتغل
عبدالعزيز: بشركة إنشاءات
خالد:وش كانت وظيفتك
عبدالعزيز:عامل
وضاح عقد حواجبه:خير وربي تترك مكانك بشركة موجود
عبدالعزيز: وضاح
خالد:اص ولا كلمة انت ولدنا ولد آل مطلق تشتغل عامل لا والله لتكون مدير بشركة العائلة
ابتسم لهم :الله لا يحرمني محظوظ لانكم اهلي
سعود يبتسم ويلعب بشعر عبدالعزيز
ابتهال:ايه شهد صبي شاهي
سعود :اذا ما اتعبك صبي لي كمان
صبت للكل وكلهم مدحو الشاهي
عبدالعزيز بهمس: لذيذ؟
سعود:في المخ بتدمنه
ابتسم وجلس وصب لنفسه وقام يشرب :يوه من صلحه
سارة:شيف شهد
عبدالعزيز ضحك:تعرفي تسوي شاهي
شهد بصدمة:اي ايش تحسب
عبدالعزيز:معليش بس احسبك غنوجه الي الاكل يجي لين حدها وحتى بيض ماتعرف تسوي
شهد تضحك:وش دخل ياخييي
وضاح:سنعات بناتنا
عبدالعزيز:ايه حفيدات خِليفان مافي شك بس صدق لذيذ اذا ادمنته الله يعينك علي
خولة:صدق الله يعينك معاك الاخ مدمن الشاهي
ضحكت شهد بهدوء وهي تناظره:من عيوني متى ما تبي اسوي لك
ابتسم بهدوء وهو يناظر بالشاهي
وضاح:لا الحين جد تاكدت انك ولدنا عيال حسن مدمنين شاهي ومعاك عائلة سليطان نص نص فرع شاهي وفرع قهوتهم السودا مُرة زي حياتي ولا ماتشا تقول يشربون حنا
ضحكو على كلامهم
جود:توتا ماشفت امك؟
ابتهال:والله زايرة جدتي
خولة: إلا جد عزيز ماتدري إذا عندنا خوال ولا لا ؟
عبدالعزيز:علمي علمك يابنتيّ
جود: نسأل ماما بكرا ؟
سمعو صوت دق الباب
قام صقر وفتح الباب
ابتسم واستلم ووقع الاوراق وفتح بوابة كبيرة وركب السيارة ودخلها الحوش
قامو الكل بصدمة
خالد:يوه صقر وش ذا
نزل وقال:كيف بالله ؟
وضاح:تشتري سيارة وما تقول يالورع ، مرة حلوة تتهنى فيها يعيون اخوك
سعود:دمار وربي ماشاءالله
جود :خانك التعبير وضحكو
سعود ابتسم وتقدم صقر:بس مو لي
زاهد:لمن ؟
صقير:للعضيد
وضاح بصدمة:لي ؟ احلف ؟
شهد بحماس:كذاب ؟
صقر:والله اعرف وده فيها من زمان
وضاح ابتسم وحضنه:ياخي والله ما كان لها داعي
صقر:ياعيون اخوك والله تستاهل اكثر
شهد تسحب المفاتيح:اول وحدة استخدمها لي الحق وصقير مالي دخل إذا تخرجت لي وحدة مثلها
صقر:عز الله طفرت
ضحكو الكل عليه وتخصرت:ليش ما استاهل؟
وضاح بفرحة: تستاهلي اكثر بس هاتي المفتاح وربي مو مصدق
وركبها وناظرهم:تعالو اخذكم جولة
سعود:ولد مين يكفى فيها ؟
وضاح ضحك:احطكم بعيوني لو ماكفتكم السيارة
فرح:لا مانبي عيونك
ناظرها بصدمة وضحكو
-
- بعد مرور اسبوعين -
سعود نقل للرياض وكل العائلة تقرب من عبدالعزيز واهله وما ححسهم بشي ومرة مبسوطين بوجودهم
عبدالعزيز بقروب العيال والبنات :وخلصنا نقل واستقرينا انكسرت اسبوعين ٣ مرات صدّ و ردّ مكة رياض ظهري تكسر
وضاح:خلاص بالله ؟ الحمدلله مو مصدق يوه عاد الحماس الحين مع بعض كل يوم
عبدالعزيز:والله اني للحين مو مصدقة بعد ٢٨ سنه ادري عندي جد و جدة وعمام واهل يوه يالشعور
فرح:يعني الحين خواتك تنقل مدارسهم هنا ولا بيبقون بمدراس مكه
عمر: هههههههههههههههههههه
عبدالعزيز:😂😂😂
وضاح:ياربي قلنا فاهية بس مو غبية بنتي هو فاضي كل يوم يمسك خط ١٠٠٠ كيلو صد و رد عشان مدرسة وبعدين حل اوراق نقل لمدارس العاصمة
شهد:عزيز تكفى قول جود معاي بالمدرسة
عبدالعزيز:جاتني الثانية لا تخافون مع بعض
زاهد:شكلهم طفشوك
عبدالعزيز:لا تسأل ازعجو امي نبي مدرسة شهد نبي جامعة توتا و فوفا
دخلت خولة القروب:سلام عليكم يا قوم
زاهد:يامرحبا
عمر:وعليكم السلام يهلا اخباركم
خولة: حلو و مو حلو
زاهد:افا وش العلم
خولة:كل شي تمام بس اشتقت لجامعتي
عمر:عادها من جامعة ع بالي صاير معك شي وبعدين ماشفتي جامعة البنات يوه من كبرها تضيعين
عبدالعزيز يسجل لهم :جاء بكحلها قام عماها يا ولد بالقوه اقنعتها أن مافي شي يخوف تقوم تقول كبيرة الحين تجلس تبكي وترفض تداوم
شهد فتحت التسجيل وهي تسوي اندومي بالمطبخ وسرحت بصوته كمية الهيبة والهدوء الي بصوته :يالبييه يالعز
وضاح دخل وهو يسمع فويسات العيال ويضحك وانتبه للاندومي الي انحرق وقفله:يابنت
شهد تنتبه:اوه انحرقت
وضاح: مساء الخير بايش تفكري
شهد بتوتر:ها اي افكر بالمدرسة والبنات
وضاح يصور اندومي ويرسلها بالقروب وكتب:اندومي بوصفة شهد آل مطلق حياكم
وركض يخرج من المطبخ
التفتت شهد تطلع اندومي ثاني تصلحه وما شافت وضاح
رجعت تسوي اندومي ثاني وفتحت القروب وانتبهت الصورة:ياوضاح وربي ما اسيبك
سمعت فويس عمر وهو يضحك:تكفين شهد الوصفة شكله لذيذ
زاهد:يوه عاد الله يعين زوجها المستقبلي
فرح:حدكم عاد على بنت العم
جود:ايه أساساً واضح يشهي
روآف:واضح مرة 😂😂😂
عبدالعزيز وهو يضحك ويكتب:خلاص عاد شهد معليك منهم  الإنسان يغلط عادي
شهد تسجل فويس:والله ما اسيبكم كفو يا بنات ذا ما يسمى قوة البنات واتحادهم وعزيز وربي انك كفو احسن من البقية
عبدالعزيز:كفوك الطيب بالله بنام وراي دوام بكرا
خالد دخل :سلام عليكم وش موضوع اليوم ؟
زاهد:ابد ماسكين شهد و اندوميها طقطقة
خالد:عزيز تجي الشركة بكرا ؟
عبدالعزيز:أن شاءالله
وضاح:يا رجال مدير انت ما يحتاج تنام بدري لو منك سهرت
ضحك عبدالعزيز:الشغل شغل ياولد العم
وصل رسالة للكل العائلة بقروب ' Family '
....: سلام عليكم ورحمه الله وبركاته كيف حالكم
عبدالعزيز:يهلا وعليكم السلام ورحمه الله وبركاته الحمدلله كيفك خالتي شيخة
شيخة تكتب بدون نفس:الحمدلله وخرجت من القروب
-
بالصباح
نزل عبدالعزيز وهو يعدل شماغه:صباح الخير
الجد:يهلا بولدي
باس راس الجد و الجدة و امه:كيفكم
الجدة: الحمدلله تعال يالله افطر
سارة:تبغى شاهي نعناع ولا كرك ؟
عبدالعزيز:نعناع جعل يدينك تمس الجنه
ابتسمت له ومدت له كوب الشاهي وجلس يتكلم مع الجد عن الشغل
- بغرفة خولة -
خولة:متى بتخرج؟
عمر:الحين بس حبيت اصبح عليك
ابتسمت وقفل الخط
عمر استغرب ورجعت اتصلت و رد:يهلا
خولة بفشلة:اسفة بس يعلق ويقفل من نفسه
عمر:عادي يحبي متى تخلص محاضراتك
خولة:للحين معرف الجدول
عمر:اوكي انتبهي لنفسك زين
خولة: وانت بعد انتبه لنفسك استوعتك الله
ابتسم وقفل ونزل للفطور ببدلته العسكرية
زاهد:بالله توصلني يا عمر
عمر:وين سيارتك
سلطان:سحبتها منه
عمر :افا ليش
افراح:مو شي جديد يا عمير
شيخة:خلاص سلطان الولد كبر بطّل تعامله كذا ولدك ذا بالاخير
سلطان:خليه يتأدب في احد عاقل يجيب مخالفات ٥ الاف
زاهد:بس بابا
سلطان:من دلعه يقول بابا
عمر:خلاص يبه معك حق اسحبه وخليه كمان ينتبه لدراسته
شيخة:وانت واقف مع ابوك كأن زاهد مو اخوك
عمر :يمه تعرفين زاهد اكثر مني ما يهتم لدراسته ولا لشي همه طلعاته مع الشباب و بلاستيشن كيف ينجح اذا هو بالاسبوع مرة وحدة يداوم ؟
زاهد يناظره بعصبية وقام سحب كتبه وخرج
عمر قام:بنات سريع الله يسعدكم بتأخر على دوام
ودع اهله وخرج التقى بـ عبدالعزيز وخواته خارجين من بيت عمر:صباح الخير يا وجه الخير
عبدالعزيز بضحكة:مضيع حبيبتك يارجال
ضحك وغمز له
خولة تبتسم خلف النقاب وهي تشوفه لاول مرة ببدلته العسكرية وكيف هيبة

" انتهـى " ✨🤍.