مَا الذِي بعَيناكِ لتغلبِنيِ هكذا باستمرَار

بارت " 25 "

.

عبدالعزيز:شهد لاتحاولي اني اتقبله وربي وضفته عشانك والا الشغل ذا كثير عليه قلك درست فرنسا وهو جملتين على بعض يادوب ينطق
شهد:عزوز خلاص ياخي تجاهل
تنهد :وش جابك هنا
رفعت حواجبها:وش جابني ؟ اوكي أساساً ناسية انها غرفتك ؟
وقفت بزعل وضحك يوقفها:ماقصدت بس على بالي نمتِ
هزت بالنفي:تركت لوحتي ناقصة جيت اكملها ماعرفتك بتزعل لو شفتني هنا
هز راسه بهدوء:مازعلت وشدعوه لو بزعل مانسخت مفتاح خاص لك لجل تجينه لو ماكنت موجود
هزت راسها تجلس تكمل اللوحة وجلس جنبها يبدأ لوحته

- يوم الثاني -
الكل كان مستنفر عشان عزيمة والبنات بعد ما رتبو البيت وجهزو كل شي تجمعو بغرفة شهد لانها كبيرة وبيتهم فاضي وبداو يتجهزو
الي تكوي فستانها والي تتهاوش عشان دورة المياه والي ماسكة استشوار تسوي شعرها
بعد ما خلصو البنات اتصلت عليهم فاطمة تخبرهم بوصول اهل نايف واهل طلال على وشك الوصول
فرح ناظرت الساعة وشهقت من شافته سبع مغرب: تأخرنا بنات  واستنفرو يلبسون جلال الصلاة ويخرجون لبيت الجد
سارة:ما بغيتو
شهد: جينا جينا
سمعو صوت تراحيب العيال وعرفو انهم وصلو و دقائق ودخلو الحريم
تقدمت شهد تسلم على ام مازن و امواج وتعرفهم على اهلها
وصلت لـ منيرة وحضنت منيرة من الجنب ونطقت بحب:امي وكل حياتي اعرفك ماما خالتي ام مازن
ام مازن: تشرفنا ام شهد
منيرة بابتسامة:حياكم تفضلو
جلست امواج جنب امها وبداو يتعرفون على بعض و يسولفون وتحاول الجدة تكسر حاجز الرسميات بينهم عشان يتقربون لخاطر شهد
شهد تأشر لـ امواج تجي جنبها وجات وتعرفت على البنات وجلسو يسولفون بينهم
اسندت ابتهال راسها على الكنب ويدها على صدرها تحاول تاخذ نفس
سراب:بسم الله عليك وش فيك
ابتهال:ضايق صدري احس بكتمة
كادي:بسم الله عليك
ابتهال ملأت عيونها بالدموع وخرجت بسرعة والكل انتبه لها
افراح قامت بهدوء:مصدعة معليش
خرجت تلحق ابتهال وشافتها بالمطبخ
افراح مسكت يدها:سمي بالله ياروحي
ابتهال:بيصير شي يا فوفو متاكدة قلبي يوجعني
افراح خافت لأن ابتهال من يضيق صدورها بنفس اليوم يصير شي وضيقة مو لله
بس حاولت تهدي ابتهال وصبت كوب ماء لها وهي تتمتم باذكار وتنفخ عليها
هدأت شوي وراحت غرفة جود و انسدحت ابتهال و حصنتها افراح
افراح حطت جوال ابتهال عند راسها:ارتاحي ولا تفكري ان صار شي كلميني واتس وبجيك
ابتهال هزت راسها وتغمض عينها تحاول تهدى
نزلت افراح وهمس باذن امها عن ابتهال وكان ردها:ان فضيت رحت لها
زفرت بضيق من رد امها ورجعت تجلس مكانها وعينها على جوال لو تتصل عليها ابتهال
-
- بالحد -
عمر كان جالس ويشرب شاهي مع العيال واتفق يناوب معاهم
جاسم:ما تقدر لازم ترتاح جرحك لسع جديد
عمر:خلاص جاسم قلت بناوب الحين مين القائد انا ولا انت
جاسم وقف باحترام:انت طبعا بس
عمر بحدة:لا بس ولاشي
سمع صوت تصفير وكانت إشارة لهم بالخطر وفزو كلهم ياخذون اسلحتهم ويتمركزون
عمر بالجهاز:مين صفر وش الخطر؟
كرم:وراء الجبل ٤٠ شخص
عمر:كونو جاهزين بسم الله
وبدا عمر باطلاق النار واصاب واحد بـ راس طيحه على الارض
عامر:تسلم يمينك يالسمي
عمر بهدوء:بسم الله
واطلق واصاب الجبل والبقية معاه بداو يطلقون
انتهى معركتهم باطلاق قنبلة ورصايتين انهت طرفين
بطرف العدو اطلق رصاصتين من القناص بطريقة ماهرة اصابت عمر المتمركز على الجبل بـ صدره والثانية ببطنه كانت رصاصتين كفيلة انها تنهي حياة ويطيح شهيد
-
- مجلس الحريم -
فزت شيخة بخوف وطاح من يدينها فنجان القهوة انكسر وناظروها كلهم باستغراب و خوف
مسكتها فاطمة تسمي عليها من حست برجفتها: سمي بالله شيوخ
افراح بخوف:ماما
شيخة بخوف:اخوانك فيهم شي
افراح بقلق:بسم الله عليهم مافيهم الا العافيه زاهد توني شفته و روآف مع الرجال بالمجلس
هزت راسها شيخة بخوف:عمر دقي عليه دقي
افراح:بس يمه
شيخة:دقي طمني قلبي الله يرضى عليك
هزت راسها تناظر البنات بتوتر و اتصلت اكثر من مرة و هزت بالنفي:مغلق اهدئي وبخلي روآف يجيب لنا اخباره بس اهدئي
الجدة:اذكري الله يا ام عمر
شيخة:لا اله الا الله ولدي اعرف قلبي يحس لو صايير فيه شي
سارة:اذكري الله وان شاءالله انه بخير
-
- الحدّ -
قنبلة اطلقها جاسم كانت كفيلة بانهم ينتصرون عليهم
عامر:يسلم يمينك يا شيخ
جاسم سجد شكر لله:الحمدلله
انتبهو لاختفاء عمر
فؤاد:وين العقيد عمر ؟
هزو بالنفي:محد شافه
جاسم صرخ:العقيد عمر ؟ وينك ؟
رفعو السماعات ينادونه وماكان فيه اي رد
عامر:وين كان اخر شي ؟
يوسف:اعلى الجبل
وركضو لجهة الجبل وانصدمو من شافوه مصاب وطايح على الأرض بدون اي حركة
ركضو له العساكر ورفعه عامر يحطه بحضنه ويطبطب على خده بخفة: العقيد عمر تسمعنا العقيد عمر
جاسم سحب جهاز الي كان متوسد كف عمر
ويتواصل مع مركز
عمر بهمس:يمه
عامر وهو يضغط على جروحه: بنسعفك بترجع بخير
عمر بضيق وتمتمة وصوت متقطع :مكتوب لي اكون شهيد انبسطو لاتزعلون ، تكفون وصلو سلامي لاهلي
طاحت يده من يدين عامر على الارض
فز فؤاد يحاول يتذكر اسعافات الاولية وهو من الخوف نساها سم بالله وهو يسوي له مساج يرجع نبضه
حط عامر اصابعه بجهة النبض و وانهار بالبكاء :مافي نبض خلاص
ناظروه الكل يحاولون يستوعب الوضع
جاسم جلس على الارض بصدمة وماسك عضده المصابة يستوعب استشهاد العقيد عمر بن سلطان
مسح دموعه فؤاد و نطق:شهيد و لازم نفرح له
رفع سلاحه يطلق:خلينا نفرح لـ شهيدنا لا نبكي رجال عساكر نحن
ناظره جاسم و الدموع بعيونه و غمض عيونه بضيق بخوف على اخوه صالح وقت يوصل له الخبر
-
- المركز -
ابتسم صالح وهو يطلع من مكتبه و لف برعب من صوت احد العساكر بغرفة المخصص للاسلكي
ركض باتجهاه و دخل ودقو العساكر له تحية ونطق برعب:وشفيه
نطق بصعوبة احد العساكر:جانا طلب دعم لـ فريق العقيد عمر بن سلطان
صالح بحدة و رجفت يدينه:انطق وصل الدعم لهم صاير فيه شي ؟
هز بالنفي:لا بسبب سوء الأحوال الجوية وتنبيه هطول الأمطار ماقدرت طائرة الدعم توصل لهم قطع الاتصال فيهم و تونا قدرنا نوصل لهم و …
صرخ صالح فيه:لاتجلطني تكلم احد شي فيه شي
ناظره:عندنا شهيد
شد صالح يده على الطاولة و اتكئ عليه وهمس:اخوي
هز بالنفي:العقيد عمر
رفع عيونه بصدمة باتجاهه العسكري و بلع غصته و همس:إنا لله و انا اليه راجعون
العسكري:بيوصل جثمان الشهيد بعد شوي تقدر تبلغ اهله ؟
هز راسه يدعى الثبات والقوة و خرج باتجاه غرفته
قفل باب غرفته الخاصة وانهار يبكي ويكتم بكاءه
جلس على الارض يحاول يستوعب الي سمعه و همس: ياربي مستحيل طلع من عندي يوادعني وهو يضحك كنت اأمنه على اخوي ونسيت اامنه على نفسه يآرب لا اعتراض على قضاءك يارب
سمع دق الباب و مسح وجهه يعدل لبسه و همس:ادخل
دخل عسكري و دق تحية:وصل الشهيد
هز راسه و هو مو مستعد يطلع وناظر جواله ورجفت يدينه يتصل بـ روآف
-
- آل مطلق -
بعد العزيمة استأذنو اهل طلال وخرجو بينما أهل نايف قررو يكملو سهرة مع آل مطلق
-
- بالمجلس -
حسن:ايه ماتبي تفرح بـ نايف يابو نايف ؟
ابو نايف: تعبت و انا اتكلم راح العمر وانت ما اعرست ياولدي وذا كلامه طيب يبه افكر و مو وقته
ضحك نايف:مع خويي عمر لا رجع تزوجنا سوا
ضحك سلطان بضيق:أن شاءالله ولدي إن شاءالله يرجع بخير
نايف بتغير للموضوع:اوف مو مصدق متى ينتهي السنة وتبدا الاجازة
عبدالعزيز:والله جد تحس سنة طويلة
وضاح:مرة كل يوم اقول قربت الإجازة المطولة عشان نحدد العرس وإلا اشوف لسع مطول ياخي ابي اتزوج ياخي
سعود:وربي صدق تعبت ابي اتزوج انا كمان
ضحكو عليهم العيال من نطق الجد:لسع بدري انتظرو كمان كم شهر
تافف سعود بملل:يارب عجل الاجازة بخير يارب
رن جوال روآف ورد بابتسامة :هلا صلوح
صالح ببحة:روآف وينك
روآف عقد حواجبه من نبرة صوته:بالبيت ليش
صالح:بقول لك شي بس اذكر الله
روآف نغزه قلبه:صالح قول صاير شي
انتبهو له العيال وسكتو
صالح خانته دمعته:اعطيني احد من العيال الي حولك
رواف بحدة: صالح قول عمر فيه شي
وقف يطلع من المجلس وهو يكلم صالح
زاهد فز من كان منسدح وراسه بحضن علي قام وهمس:العضيد
بالحوش تجمعو كل العيال على روآف بخوف و توتر يشوفون نبرته الحادة وهو يكلم صالح و رجفة فكه و لمعت عيونه من الدموع
صالح:إنا لله وانا اليه راجعون
روآف بصراخ والغصة متكرورة بحلقه:تكفى صالح لا تقولها
زاهد بحدة رجفت يدينه بخوف يمسك يد روآف:ياخوي صار شي ؟ عمير فيه شي
خالد مسك زاهد يهديه
صالح:استشهد من ساعة
غمض عيونه روآف يستوعب كلام صالح شد على يدينه يبلع غصته ونطق بحدة :اخوي ما مات مامات فاهم
-
مسكت راسها افراح من كانت طالعة من عند باب بيت الجد بس وقفت من الداخل من شافت روآف طالع و يتكلم بالجوال
تجمدت مكانها وقت سمعت اخر كلام روآف " اخوي مامات "
مشيت بخطوات ثقيلة للمجلس الحريم وناظروها باستغراب
الجدة:افراح وشفيك
افراح بصدمة تناظرهم وبلعت غصتها
ابتهال:كلمتي روآف قدر يتواصل مع عمر ؟
رفعت راسها تناظر شيخة:يمه سمعته
خولة بخوف مسكته من حست انها مو بوعيها:بسم الله عليك وشفيك
افراح برجفة:يمه يقول اخوي مامات يمه
فزو كلهم بخوف وصرخت شيخة:ولدي
غمضت عيونها افراح تسمح لـ دموعها تنزل وهي بحضن خولة الي تناظرها بعدم تصديق وهمست:مستحيل يروح عمر وعدني مايروح
سمعو صوت صراخ زاهد و لبسو كلهم جلال الصلاة بشكل سريع يقاومون رجفة الخوف يطلعون
-
زاهد حس بحرارة بجسمه وناظر روآف بصدمة من نطق اخر كلامه مع صالح ومسك راسه يهمس:لا اكيد لا
والعيال وقفو بصدمة ونايف سحب الجوال من رواف:صالح انا نايف وش صاير؟
صالح بانهيار:نايف عمير استشهد عمر راح
نايف بصدمة مسك راسه وملأت عيونه بالدموع:لا اله إلا الله ، لا اله الا الله
زاهد بصوت مهزوز ناظر روآف:لا العضيد ما راح تكفى يا روآف
صرخ يمسكه من ياقته: ياخوي تكفى قول تمزح
خرجو الحريم و كذلك الرجال من المجلس على صوت صراخ زاهد
الجد بخوف:وش صاير
وضاح مسك جده يجلسه خوفاً يصير فيه شي وصد من لمعت عيونه بالدموع
الجدة:يا ولدي وش صاير
تقدم خالد يمسك زاهد يبعده عن روآف وانهار زاهد يبكي بحضن خالد
و روآف جلس مصدوم ما نطق اي حرف وكلام صالح يتردد باذنه
نايف قفل من صالح هو يحاول يهدي ولف واخذ نفس :عمر
صرخت شيخة تبكي:ولدي مستحيل
سلطان ناظر شيخة و رجع ناظر زاهد و نايف نطق:ولدي فيه شي ؟
زاهد غمض عيونه يبكي وخالد يسمي عليه ودموعه تنزل على خده
ابتهال خرجت من بين البنات وهي ترجف تقدمت من زاهد وهي تمسك وجهه بين يدينها
صدو علي و نايف و سعود على طول
ابتهال بهمس:وش فيك تبكي ؟ عمر بخير فاهم ؟ مستحيل عضيدنا يروح لا تصدق لا روآف ولا حتى نايف
زاهد اكتفى بالصمت و هو يبكي ماكان في أي رد منه
انفعلت تصرخ فيه:لا تبكي الله يخليك عمر مافيه شي بيرجع وعدني بيرجع وهو بصحته و عافيته وبيدخل من ذا الباب الي طلع منه وهو بخير
زاهد بانهيار:عمر يا اختي استشهد ، خلاص عمر راح و تركنا
سلطان ناظرهم بصدمة ويحاول يستوعب كلام زاهد
شيخة بصراخ:ولدي لا ماراح ولدي لا تكذبون
الجد ناظرهم بصدمة: عمر بخير حرام عليكم تفاولون على اخوكم
علي مسكه من ثقل جسمه و سنده مع سعود يجلسونه
عبدالعزيز ماسك يد سلطان:ادعيله يا عمي
سلطان ببكاء يسند على كتف عبدالعزيز:ولدي راح
كان الكل منهار ومفجوعين بالخبر
ابتهال وهي تبعد شهد عنها و تصرخ وتبكي:كنت حاسة في شي صاير كنت حاسة اه قلبي راح اخوي اه عمر ليش رحت و تركتنا
حضنتها شهد وهي تبكي وانهارت ابتهال بكى بحضنها
سراب ناظرت زاهد الي حمر وجهه من البكاء وبحضنها افراح الي تبكي بهدوء
نزلت دموعها وجاء عينها ع علي سندها بالحياة وعزوتها وهي تتمنى يكون يومها قبل يومه ماتبي وتخاف بيوم تكون بهالموقف أستغفرت ربها وحضنت افراح تهديها
صقر شاف حالة روآف مانزلت دمعته ولا نطق:روآف انطق لا تسكت كذا
روآف ناظره بنظرات غريبة و همس:انكسر ظهري
غمض صقر عيونه من قوة الكلمة
قام روآف وتلطم بـ شماغه ونطق بحدة:لحد يبكي اخوي شهيد ابوي امي انبسطو ولدكم شهيد و ربي يحبه واختاره يكون بجنته
صد وخرج من البيت
ركب سيارته وقبض على يده ونزلت دموعه يشوف شماغ عمر الي كان موجود بسيارته سحبها وهو ياخذ نفس منها يشم ريحة عطر عمر و صرخ يبكي :ليش ليش رحت وتركتنا تعرف بدونك ولاشي ليش رحت ياعضيدي
-
- بالحوش -
شيخة كانت تبكي وفاطمة تهديها منيرة عند الجدة معاهم سارة
سلطان والدموع تملئ خده و لحيته:يا حرقة قلبي راح ولدي راح ولدي
الجد قام بثقل والعيال يسندونه نطق:واجب علينا دفن شهيدنا
شيخة صرخت فيهم:لا ولدي لا مامات سلطان لا ولدي مامات اعرف انا قلبي يقول مامات
زاهد وهو انهار بكاء ورأسه على صدر خالد يتمتم:يارب يكون كذب تعرف بدونه نحن ولاشي يارب الا اخوي يارب لاتختبرني فيه
غمض عيونه بهدوء وثقل جسمه وطاح فاقد للوعي
خالد فز من حس بثقل زاهد على جسمه ونطق:عيال هاتو مويا
جلس و وسدح زاهد على الارض وراسه بحضنه وجاب علي مويا ويرش على وجه زاهد:زاهد بسم الله عليك
خالد والدموع بعيونه يمسح على شعر زاهد يحاول يتماسك عشان اهله و مسح دموعه الي نزلت
علياء مسكت يد شيخة من شافتها تصرخ وتبكي و تضرب نفسها بانهيار
مسكت وجهها بين يدينها وهي تسمي عليها و تتكلم بحنية:شيوخ حبيبتي اذكري الله اذكري الله هدي ادعي لـ عمر انبسطي الله اختار ولدك يكون شهيد والشهيد مكانه الجنه اصبري وتَصّبري
شيخة وهي تبكي وهمست:علياء راح ولدي وهو زعلان راح وانا ما كلمته ياحرقة قلبي
حضنتها علياء وهي تبكي:ادعي له ادعي عمر مسامحك وانتي سامحيه ارضي عليها الله يرحمه
بكيت شيخة بحضن علياء وهي تذكر ربها
نور جلست جنب ابتهال و شهد على الارض ومسحت على شعر ابتهال وتشابك يدها بيد شهد
ناظرتها شهد وهمست بغصة:نوني
نور تأشر لها:كوني قوية عشان اهلك
غمضت شهد عيونها بحرقة قلب وهي تمسح على شعره ابتهال الي تتمتم:راح عضيدي
شهد:ادعي له توتـا
شهقت ابتهال تبكي:هو دلعني توتـا هو سماني
انهارو بكى وبكيت معاهم نور
-
- ابتدى أول ايام العزاء -
كل رجال آل مطلق واقفين بجانب بعض بجانب بوابة البيت واجابتهم نفسها للمعزيّـن
" جزاك الله خير - امين "
روآف ساند سلطان وكل من يعزيه باخوه والي كان سنده بالحياة يحس بقلبه يتقطع
زاهد قام وراح الحوش الخلفي
عبدالعزيز ناظر علي وهمس:شوفه والله اني خايف عليه
هز راسه و قام علي ولحق زاهد
شافه دخل المطبخ من الباب الخلفي اكتفى انه يوقف بعيد ينتظره
-
بالمطبخ دخل وارسل يتطمن لـ شهد يتطمن على امه و اخواته ثوان و دخلت ابتهال المطبخ
ابتهال بدموع:زاهد ؟
زاهد باس راسها وشد يحضنها:مكتوب وذا يومه
ابتهال:قبلها بليلة اتصل وكلمناه كأنه كان حاس انه يموت قام يعتذر من ماما
زاهد بغصة:لا توجعيني بدموعك يااختي
جلسها على الكرسي ومد لها ماء وشربته و ناظرها:كيف امي
ابتهال:كيف تكون الله يصبرها ويصبرنا ويرحمه
زاهد قام وباس راس ابتهال وخرج
راح للمغاسل غسل وجهه وجاه علي
علي:انت بخير
زاهد هز راسه واكتفى بالصمت ورجع لجنب سلطان و روآف
انتبه خالد لـ دخول اوس و ابو أوس وخلفهم على طول دخل تميـم اخو شموخ ولد خالةّ عمـر
انتبه روآف لـ تميم وسلم عليه بهدوء
تميم:اعذرني ياخوي تاخرت ومالحقت الدفن بس والله كنت مسافر من عرفت على طول حجزت وجيت
روآف طبطب على كتفه:معذور ياخوي
تميم سلم على سلطان يعزيه وثم زاهد الي شد عليه تميم يهمس له:عمر شهيد والشهيد بالجنه وذا يومه ادعي له
زاهد هز راسه بهدوء: الحمدلله على كل حال الله يرحمه
وقف تميم يعدل شماغه وشاف خالد و سعود و نايف و صقر و مازن يوزعون القهوة و المويا و التمر و راح مع اوس يساعدهم
-
- عزا الحريـم -
شهد انتبهت اختفاء خولة من بعد الدفن راحت الغرفة وشافها متغطية بالبطانية قفلت الباب وقربت منها وسحبت البطانية وشافتها تتأمل صور عمر بجوالها وعيونها حمرّ من الدموع
حضنتها ونطقت خولة:وعدني يرجع ليش خلف بوعده ليش ؟ زعلانة منه زعلانة يا شهد
شهد وهي تحاول تصبر نفسها عشان تقوي اهلها مسحت دموعها وتمسح على شعر خولة:يا بنتي ادعيله مايجوز هالكلام ما يصير عمر بمكان افضل تأكدي من هالشي
خولة بغصة:وعدني يجي يخطبني من عزيز وعدني يرجع لي وعدني ليش تركني ترك امه وأبوه واخوانه ترك اهله وتركني ليش راح ماله حق يتركنا وراء نبكي عليه وهو كذا راح فجأة وصدمنا بموته ماله حق
انهارت تبكي وشهد بكيت معاها ، مرت ساعات وشهد تحاول تهدي خوله لين اضطرت تعطيها حبوب منومة و اكلتها خولة وهي منهارة و غمضت عيونها بهدوء لين كرت دقايق ونامت شغلت شهد لها قرآن و قفلت الباب ونزلت
سارة ناظرتها:وينك؟
شهد:عند خولة تعبت ونامت
سارة استغربت تعب خولة بس ما اهتمت كثير وراحت تجلس عند الجدة الي ارتفع ضغطها والسكر من البكى
شموخ جلست جنب افراح:عظم الله اجركم يعيوني
افراح بهدوء:جزاك الله خير
جات كادي معاها تمر و بعد معاناة اكلت افراح تمرتين
انتبهت سراب لـ ازعاج بسواليف الحريم وضحكهم
قامت ونطقت بحدة:معليش يا جماعة الخير انتم بـ عزاء ماله داعي الحكي الزايد والضحك ، انتم جايين تواسون ولا تسولفون!! احترمو الشهيد و اهله والي مو عاجبه كلامي يقدر يتفضل مجلس جدي خليف يتعذره ، انتم في عزاء الله يهديكم لاتضحكون و لا تسولفون اذكروا ربكم محد يضمن بكرا يمكن يوم احد منكم يكون عزاه استغلوا كل دقيقة تمر بحياتكم بذكر ربه مو ضحك و طقطقة
رجعت مكانها تجلس وارتفعت أصوات الحريم بذكر الله والدعاء
ناظرت ابتهال لـ سراب بامتنان وابتسمت سراب لها بهدوء
-
- قفلو بيوت آل مطلق معلنة انتهاء عزاء بثالث يومه -
سوو البنات شاهي وساندويشتات وخرجو للحوش بجلال الصلاة
سالم:زين سويتو يا بنات
سالم مسح على شعر بنته فرح الي مال ملامحها للتعب بسبب صعوبة ايام العزاء على الكل وحضنها لـ صدره
خرج الجد للحوش وكلهم خرجو معاه
مدت شهد ساندويش لـ ابتهال وهز راسها بالرفض:مو مشتهية
روآف اخذ ساندويش من شهد وقسمها بين افراح وبين ابتهال:عمر ما كان بيرضى تتعبون نفسك كذا !! الله يخليكم اكلو  تنهدت ابتهال تاخذ منه نص ساندويتش و بدات تاكل وكذلك افراح
لف وناظر امه ونطق:يمه
شيخة ببحة: بأكل يا ولدي
زاهد بشرود:كان يحب جلساتنا خاصةً بالشتاء والشاهي وسهراتنا حد الفجر مع بعض ، كان دايم ان ابوي عصب علينا وحرمنا من شي نحبه يتوسط لنا عنده ، كان دايم ينقذني من عواقب ابوي و دايم نلقاه فزعة لنا في كل شي ماكان عمر زي اي اخ يارب
نزلت دموعه يمسحها بشماغه
عبدالعزيز اخذ نفس بضيق يمسح على كتف زاهد:صدقني لقاءكم بالجنه افضل
زاهد قام:استأذنكم
سلطان بخوف من انه يسوي بنفسه شي:ع وين ؟
زاهد:اتمشى بالحارة
صقر:اخاويك؟
زاهد :ابي اكون لوحدي
شيخة:انتبه ولا تتاخر ياولدي
تقدم من روآف وهمس:شماغه ذا !
هز راسه روآف وهمس:شماغ عضيدنا !
بلع غصته زاهد ياخذ شماغ عمر من على كتف روآف و خرج بهدوء يمشى بالحارة
لمح علي جاي من بعيد و لمعت عيونه من وقف علي قدامه و همس له بتوتر:على وين !
ابتسم زاهد:تمشي علي؟ م كأن ابوي اتصل عليك تجي معي ؟
علي حاوط كتفه: مشينا والله ما ازعجك ولا اتكلم كأني شفاف بس خليني معاك
ابتسم زاهد و حضن علي وهمس:وحشني من الحين يا علاوي وحشني
طبطب علي على كتفه وشاف بقالة مفتوحة :تعال تعال
دخلو البقالة و اشترو ٣ كراتين ماء
وتوجهو للمسجد الحارة عبئو الثلاجات وراحو يتوضون وصلو ركعتين الوتر مع بعض وجلسو يدعون و واخذو قرآن يقرأون بهدوء
-
روآف تنهد بـ ضيق بعد ما الكل راح لبيته ينام بعد تعب وحزن
قام ونفض ثوبه واخذ شماغه يتصل بـ زاهد ورد ببحة: روآف
روآف بخوف:وينك تاخرت
زاهد:بالمسجد معي علي لا تنتظرني بصلي الفجر وارجع
روآف:اجيك؟
زاهد:لاياخوي خلك بالبيت ارتاح
روآف:طمني عليك
زاهد: أن شاءالله انا بخير لا تخاف نم وارتاح
روآف تنهد:ارتاح ؟ وين الراحة ياخوي استودعتك الله
قفل وانتبه لإشعارات الواتساب الي ما اهتم له من بدأ العزاء فتح ورد على كل من يعزيه
انتبه لـ دردشة بيـان الي من ٣ ايام و فتحها
بيـان بعد ماشافت حالة روآف حق واتساب:عمر اخوك؟؟؟
' روآف وش صاير '
' لا اله الا الله عظم الله اجرك الله يرحمه ويغفر له '
خرج وجلس بالسيارة دق عليها وخلال ثوان وصله ردها: روآف ؟
روآف ببحة:اخبارك كيف صرتِ
بيان:معليك مني انت كيفك والله مرة كان ودي اجي اعزي اهلك واكون مع البنات بس ما اعرف وين العزاء و وين الموقع بالضبط
روآف:ماتقصرين
بيان:كيفك
روآف تنهد:فقدت اخوي كيف بيكون حالي
بيان:الله يرحمه كلنا ماشيين على هالطريق
روآف بغصة:بس لسع كان قدامه العمر كانت امنيتي اشوفه بالبشت وازفه عريس للـِ يحبها قلبه كان لسع في اشياء كثيرة ماسويناها وكنا بنسويها سوا ، اهخخ يا بيـان انكسر ظهري من فقدت اخوي
نزلت دموعه وكتم شهقاته واسند ظهره على المرتبة
بيان بدموع:يحتاج دعواتك
روآف:يا وجع قلبي اشوف امي وابوي فقدو و ولدهم الكبير فرحتهم الاولى ، انا و اخواتي فقدنا اخونـا و عضيدنا ، بيـان ليت يرجع واشوفه لو ثوان بس ، طلع من بيتنا متضايق و زعلان من امي و اتصل يوصيني عليهم ونسى نفسه ياوجع قلبي يا بيـان
بيان كانت تبكي وهي تسمع كلامه تفهمه لانها فقدت اهلها وتحس بالي يحس فيه روآف
-
فتحت جوالها تحط عن وفاة عمر و نزلته بـ ستوري بـ سنابها العام
شهقت تبكي تقفل الجوال و تنسدح على السرير و تعض طرف المخدة وتشاهق بألم
انهارت بكى افراح:يارب انك ترحمه و تعوضه الجنة يارب يا حبيبي يارب صبرنا على فراقه يارب صبر ماما و بابا
غمضت عيونها تبكي و هي تسمع صوت الاشعارات و تجاهلته و هي تغفى بعد تعب
-
- يـوم الثانـي -
كان في معزيين على خفيف والي كانو جايين من مناطق بعيدة
ابتسم روآف على خفيف من لمح سيارة بيـان توقف مقابل البيت
نزلت وهي تعدل شنطتها وحجابها وقربت من البوابة
روآف:اهلين
بيـان:عظم الله اجرك
روآف هز راسه بهدوء:جزاك الله خير تفضلي
مشيت وراه وأشر لها للباب:الحريم هنا داخل
دخلت و نزلت حجابها بهدوء وبتوتر ولمحت سراب: يا عسل افراح و ابتهال وين ؟
عقدت حواجبها سراب:معليش ماعرفتك ؟
بيـان:اممم انا صحبتهم حضرت ملكة ولد عمهم ماعرفتني
سراب هز راسها بتذكر:اي تذكرتك
سلمت خدادي عليها ونطقت:تفضلي الحريم داخل بالمجلس بس البنات فوق
بيـان هز بالنفي:لا نادي لي البنات
هزت راسها سراب تركض لـ غرفة ابتهال :بنات صحبتكم جات
شهد:مين؟
سراب رفعت اكتافها:نسيت اسمها الي جات بالملكة معاك يا توتا
ابتهال: ناسية ياخي
افراح باستغراب:يمكن بيـان
سراب:اي اي هييي
نزلو كلهم مع بعض وابتسمت ابتهال بهدوء من شافت بيـان قدامها
بيـان بعبوس:حبيبي انا عظم الله اجركم يعيوني الله يرحمه
حضنت ابتهال وشدت ابتهال عليها تحضنها وهمست: جزاك الله خير يا بيـان
بعدت وسلمت على افراح وبعدها على بقية البنات
جود:ندخل امي تقول في حريم استفقدوكم توتا و فوفو
دخلو ومشيت بيـان تعزي شيخة وتسلم على بقية الحريم  وجلست جنب البنات
الجدة بهمس:من هي ذي كني مرة شفتها مع بنات ولا علومني منهي بعدين؟
سارة بتذكر:اي ذي تشتغل في محل روآف وصارت صديقة البنات
هزت راسها الجدة تكمل تقرأ قران
-
فتحت افراح جوالها بضيق ترد على كل الي يسألون عنها و الي يعزونها من متابعينها و صديقات الجامعة
بدات تنزل ردود المتابعين بالستوري وهي ترد كتابة بحكم صوتها تعبان ماتقدر تتكلم
لمحن تعليق وكان مكتوب " الله يعوض شبابه في جنته لاتبكين وخليك قوية يحتاج دعواتك "
عضت شفايفها ترد بستوري ووصلها على طول اشعار منه بالخاص
دخلت و شافت رسائل كثيرة من ايام سؤال عن الحال و دعوات
من قرأتها لمعت عيونها بالدموع
ردت عليه " الله يجزاك الخير و يسعدك زي ما اسعدتني بدعواتك الطيبة تسلم والله "
رد على طول : طمنيني عنك ؟
عقدت حواجبها : الحمدلله
رد :عساك دايمة واني عارف انك مو بخير بس انتي اقوى و لازم تقوي نفسك و اهلك معاك
ردت وهي تبلع غصتها:مين انت
رد بعد ما اخذ تنهيدة:مو احد
ردت باستغراب:ليش من كلامك يوضح لي اني اعرفك
عقد حواجبه يعتدل بـ جلسته :لا ما اعرفك شفت سنابك اكسبلور و ضفتك حبيت محتواك و الحين احاول اواسيك لاني عشت شعورك و الأسوء ، شعور صعب مرة
بكيت تكتب له برجفة: وحشني عجزت اتقبل الحياة بدونه عجزت اصدق انه راح
كتب:الله يرحمه و اخوك يحتاج دعواتك و يحتاج تكوني قوية
افراح:صعب علي اقوى صعب
كتب بهدوء:مو صعب على بنت قوية مثلك افراح انتي اقوى لازم تكونين قوية عشان اهلك امك و ابوك لازم تدعمينهم
بكيت اكثر: قلبي عجز يتقبل فراقه
كتب:الله يرحمه و يصبرك يا رب
قفلت الجوال بعد ما اكتفت برد " آمين"
غسلت وجهها و خرجت للصالة تشوف روآف منسدح بتعب و جلست عند راسه و رفعت راسه لحضنه و رفعت يدها تمسح عليه
ناظرها وهمس:مو مستوعب
مسحت وجهها واخذت نفس:يارب للحين والله يتردد بمسامعي صوتك و انت تكلم بالجوال
مسك يدها يقبلها مرة و مرتين و قام يضمها لصدره وحس برجفة يدينها حول بطنه و راسها متوسد صدره و فكة يرجف من كتم بكاءها و مسح على شعرها ...
سمعت صوت الباب و مسحت وجهها و ابتسمت بهدوء:زيز جيت ؟
مشى يهدوء ينزل شماغ عمر بحضنه و همس:ايه
روآف:لوحدك ؟
زاهد:علي وصلني ورجع بيته
هز راسه بهدوء و نطقت افراح:جوعانين
زاهد:مو مشتهي
افراح:بتاكل غصب زيز عشاني الله يخليك
ناظرها و اخذ نفس:تمام
ابتسمت بهدوء تمشي للمطبخ و نزل راسه زاهد وهمس:ماشفتها تبكي تخبئ علينا ، افراح الي تعودنا عليها
روآف:عجزت حاولت لو تنهار افضل من انها تكتم بس مافي توها كانت تضمني و تكابر على نفسها وتنكر وهي كل جسمها يرجف من كثر ماهي ماسكة نفسها
زاهد:بتتعب
روآف:ما أجبرها ماتعودت عليها ماتحب تبكي عند أحد ماتحب احد يشوف ضعفها
طلعت وهي مجهزة صينية العشاء و جلسو بهدوء يغصبون نفسهم على الاكل
- بعد مرور شهر ونص -
بدا الكل يرجع لـ روتين حياته رغم صعوبته على الكل بعد فقدان عمر
- بمكتب روآف بالمقهى يكلم صالح اتصال -
صالح:اي هرب من السجن
روآف:كيف يهرب يا صالح ؟
صالح:والله مدري بس اهم شي ننقل بنت جابر مكان آمن عشان ما يجيها
روآف:تمام باخذها بيتنا
صالح:واهلك
روآف:اتفاهم معاهم بس اهم شي ماتكون لوحدها النذل اكيد بحاول يأذيها وينتقم بعد ما سجنته
صالح:تمام يـ الله عندي شغل بقفل
روآف:تمام علمني باخر اخبار
صالح: أن شاءالله استودعتك الله وقفل
روآف اخذ اغراضه وخرج ركب سيارته وتوجه بيت بيـان
وصل ودق الباب ووصله ردها:مين؟
روآف: روآف
ناظرت بالساعة وكان الوقت ١٠:٤٥ م
استغربت مجيئه بهالوقت ولبست جلال على لبسها وفتحت ودخل:اسف جيتك هالوقت بس في موضوع مايتأجل
بيـان:تمام تفضل المجلس لين ما اجهز لك قهوة
روآف:لا تسلمي بس بكلمك تعالي
جلسو بالمجلس وهي بعيدة عنده بمسافة
روآف:عمك هرب
ناظرته بصدمة:ايش ؟
روآف:للاسف ذا الي صار وانتي هنا لوحدك مو بأمان
بيـان بغصة: روآف انا ماعندي احد وين اروح وش اسوي
روآف:انا عندي حل بس قومي جهزي شنطتك عشان نطلع
ناظرته باستغراب والدموع بعيونها:وين ؟
روآف:تجهزي يالله واعلمك
هزت راسها وقامت جهزت لها شنطة صغيرة وخرجت من غرفتها وهي لابسة عبايتها واخذ الشنطة منها وخرجو
حط شنطة بسيارة وركبو ولفت له:وين
روآف وهو يسوق:بيتنا
هزت راسها بالرفض:ودني فندق
روآف:لا
بيـان: روآف مايصير ، بروح اي مكان إلا بيتكم
روآف:مافي مكان آمن اكثر من بيتنا بيـان افهمي
هزت راسها بالرفض و باصرار :الفندق افضل يا روآف
ناظرها:اعطيني سبب ما يخليك تروحي معاي ؟
بيـان: روآف في اكثر من سبب ، ما تربطني اي علاقة معاك ومع عائلتك كيف ابقى معاكم باي صفة
روآف قرب منها:الله يلعن العدو تفهمين ؟ ما افكر بكلامك ذا بالوضع الي انتِ فيه انا اهم شي تكوني بأمان ببيتي و قدام عيوني
ناظرته بصدمة و توتر و ساد الصمت
وصل عند بيوت آل مطلق
نزل ونزل الشنطة واخذ نفس من شاف انها مانزلت
فتح الباب وناظرته: روآف مابي اسبب لك مشاكل مع الاهل ودني الفندق افضل شي
روآف:انزلي وما بصير شي
نزلت وقفل السيارة و دخل
عدلت عبايتها وحجابها ولحقته
دخل وشاف الكل بالحوش زفر بضيق وسلم و ردو السلام
شيخة:يهلا بولدي
روآف تقدم وسلم على راسها و راس سلطان
الجدة انتبهت لـ بيـان: روآف ؟
روآف بهدوء:بنات تاخذون بيـان
ابتهال قامت وسلمت على بيـان واخذتها معاها لـ غرفتها ولحقوها البنات
الجد:وش صاير يا ولدي
سلطان بتردد:لا يكون
فهمه روآف ونطق:لو كانت زوجتي بعلمكم صحيح
سالم:اجل وش العلم يا ولدي داخل علينا مع وحدة ؟
روآف جلس وبدا يسرد لهم كل شي لكن ماعلمهم عن تحرش حامد لـ بيـان فقط اكتفى بقول أنه تعنيف و انه راعي حرام
سلطان:يا ولدي زين سويت بس ما يصير تبقى بـ بيتنا ومافي احد محارمها
الجد:ابوك صادق يا ولدي ، مالها احد ابداً ؟
روآف:لا والله ياجدي وهي رفضت تجي وطلبت فندق بس مو مطمن عمها خبيث وبلاحقها خاصةً بعد رفعت القضية و ربحتها
شيخة:يا ولدي انت مالك دخل فيها رجعها بيتها ودام قلت رفعت قضية هي بحماية الشرطة لا تتورط بمشاكل مع احد تكفى مابي اخسرك زي ما خسرت اخوك
روآف باس يدها:يمه هي بحمايتي هي في وجهي كيف بتركها
سلطان: في حل واحد
روآف: وش
سلطان:تزوجها يا ولدي
روآف ناظره بصدمة ونطق:وش تقول يبه
سلطان:يا ولدي دام تقول يتيمة بتكسب اجر فيها مالها احد به الدنيا
روآف:يبه تبي اتزوج واخوي ما صار له الا شهر متوفى
شيخة:وش تقول يـا سلطان
سلطان:قلت كلامي الاخير يا يتزوجها أو توديها فندق زي ما طلبت منك هي
الجدة:يا ولدي يا روآف والله بتكسب أجر فيها تحميها مو بس من عمها بتحميها من شر الناس ، هي وحيدة الناس ما ترحمها وما تتركها
روآف:ما بتوافق يا جدة علي مابتوافق
علياء: نحن نكلمها يا ولدي انت موافق تبيها مو بعدين تظلمها حرام
روآف ناظر العيال بتردد ونطق وضاح:قول ما نجبرك يا اخوي
روآف:مو مجبور لا والله اي اقول كنت ابيها وقلت يرجع عمر الله يرحمه و نروح نخطبها بس كل شي جاء على بعضه والحين بالوقت ذا !!! مدري
عبدالعزيز:انت استخير وامي و جدة وخالاتي يكلمونها يكلمون البنت
دق الباب وقام صقر يفتح
انصدم من شاف علي يسند زاهد وبيده في لاصق ووجهه شاحب والتعب واضح من ملامحه
مسك يد زاهد واسنده
فز روآف وقرب من زاهد:بسم الله عليك وش صار فيك
علي:تعب خفيف
جلس زاهد جنب سلطان وانسدح وحط راسه بحضن سلطان ونزلت دموعه وغطى وجهه بشماغ عمر الي معاه وما تركه ابداً
روآف خرج لـ علي و صقر معاه:وش صار له
علي:من امس مو مأكل شي حاولت معه ما رضى واليوم بالمسجد وهو يصلي العشا طاح علي واخذته المستشفى
صقر:وش قالو
علي:سو تغذية مهمل صحته كثير
روآف: عجزت فيه يا علي والله وكمان مابي اضغط عليه
صقر بحزن:وفاة عمر اثر على نفسيته مرة كثير
روآف: الحمدلله على كل حال شكراً علي ماقصرت
علي:مابيننا ياخوي ، خلوه وقت يهدأ يكلمني و يطمني عليه
صقر:ان شاءالله
مد علي كيس العلاجات و راح
دخلو البيت و قرب روآف من زاهد وانحى يبوس راسه:يا ابوي انت تبي تزعل امي وابوي والله فاهمك وعارف صعب نتقبل كلنا بس ذا مكتوب وقضاء الله
زاهد: روآف ما اعترض على قضاء ربي بس مو قادر اتقبل عندي امل هالباب بينفتح ويدخل منه عمر
لمعت عيون سلطان بالدموع و رفع شماغه يمسح دموعه و مسح على راس زاهد:ولدي الله يخليك لا تسوي كذا
روآف ببحة:قم الحين معي بطلب يسون اكل وناكل سوا اوكي وفي موضوع بتكلم فيه معاك
زاهد قام ومسح وجهه
صقر مد له العلاجات:طمن علي
هز راسه ياخذ العلاجات و راح مع روآف لبيتهم
-
- جود -
سعود:اخبار اهلك أن شاءالله بخير والله مرة مستحي ما جيتهم من فترة ولا تطمنت عليهم بس تعرفين ضغوطات الشغل
جود:متفهمينك معليه العيال يعرفون شغلك
سعود:أن شاءالله اتفرغ هاليومين واجي
جود:عشاني ولا عشان اهلي
سعود:عشانك حييل مشتاق لك وعشان اتطمن على اهلك
ابتسمت:سعود
سعود:لبيه عيون سعود وقلبه وكل اهله
جود ضحكت بقوه:احبك اموت فيك
سعود بابتسامة :اهيييم فيك يبعد روحي
جود: بروح للبنات ونتواصل بعدين
سعود:انتبهي لنفسك
جود:وانت بعد
قفلت وراحت غرفة ابتهال
بيـان:والله ما اعرف وش اقول مرة مستحية من جيتي بهالوقت عندكم قلت لـ روآف يوديني فندق مارضى
افراح:زين سوا لو لاحقك عمك لو يعطي اثباته للفندق اكيد يسمحون له ان ياخذك ويشوفك
بيان:بس صعب والله ابقى ببيتكم
شهد:عادي ترا واكيد روآف عنده الحل وإلا ماجابك هنا ع الفاضي
وصل اشعارات لـ جوال ابتهال وفتحته وابتسمت ونزلت دموعها
خولة مسك يدها وحضنها:بسم الله وش فيك
ابتهال وهي توريهم فيديو الترند الي سووها مع عمر: من ذكريات السناب
خولة صدت وهي تبكي وأفراح قامت بهدوء وخرجت
شهد قامت:خلاص بنات وش قلنا مانبي دموع قومو نسوي شي يسلينا عندنا ضيفة وي
جود: أي والله عيب هيا تـوتا
قامو وشافو افراح عند المغاسل تغسل وجهها اخذتها فرح ونزلو
أفراح ردت على اتصال روآف:لبيه
روآف:سوو اكل لنا
افراح:اطلبو ياخي
روآف:زاهد تعبان مايصلح له اكل مطاعم سوو اكل وان خلص جيبوه المجلس
افراح بخوف:طيب طيب
قفلت ولفت لـ ابتهال:زاهد تعبان تعرفين وش فيه
ابتهال تركت الي في يدها بخوف:لا مادري وش فيه
افراح:ما ادري روآف يقول تعبان ويبغى نسوي اكل له
ابتهال:وينهم
افراح:بالمجلس
ابتهال خرجت ولحقتها افراح للمجلس
دقت الباب ودخلو وزفرت براحة من شافتهم لوحدهم
ركضت وحضنت زاهد
افراح جلست جنبه ومسكت يده:جعله بضلوعي عنك ياخوي وشفيك
زاهد بعد عن ابتهال ولف عليها:بسم الله عليك سوء التغذية
ابتهال ضربت على فخذه بخفة:عشان ما تعاند يوم نقول اهتم بصحتك
زاهد ناظرها بهدوء وساد الصمت
روآف :دامكم هنا بعلمكم بالموضوع الي كنت بقوله لـ زاهد
افراح:عسى خير
روآف سرد لهم الي قاله لاهله وكلام ابوه عن زواجه منها
ونطق بهدوء:انا للأمانة معجب فيها البنت متربية و محترمة ادبها و اخلاقها عسل بس ظروف ماكانت معي أبداً
افراح: بس انت متاكد لا تظلم المسكينة معاك ؟
روآف:انا متأكد بس هي بتقبل توافق ؟ خائف اخسرها كـ صديقة وتفكر ان نيتي شينة واستغلها
ابتهال:ابد دام قلت جدتي وخالة علياء يكلمونها اكيد يفهمونها بس تاكد ذا زواج مسؤولية صعبة خاصةً ماوراها سند ولا احد لا تفكر تظلمها معاك بيوم استخير
زاهد:استخير وبإذن الله خير
روآف: أن شاءالله خير
سمعو صوت الباب ونطق روآف:مين
شهد:شهد
فتحت شهد طرف الباب ودخلت معاها صينية اكل
فز روآف ياخذه منها:اهلين شهد اخبارك
شهد:بخير وانت
روآف:الحمدلله
تقدمت وشدت شعر زاهد بمزح:وش فيه العنقود
روآف بمزح:يتدلع
ابتسم زاهد بهدوء
شهد:اخر الاوجاع يانونو
زاهد: آمين يالله صدعتو راسي اذلفو
ضحكت شهد بهدوء ونطقت بتردد:زاهد في موضوع بتكلم فيه معاك
زاهد عقد حواجبه:لبيه
زفر شهد: يارب سامحني صح وعدتها بس ماقدر ما اقولك
روآف: تكلمي صاير شي معاك محتاجة شي ؟
شهد: لا لا بس ، تذكرون يوم رحنا الديرة ووقفنا عند سوبر ماركت
زاهد:ايه
شهد:وقتها اخت علي ماكانت على بعضها ويوم سألتها رفضت تقول ووقت اصريت علمتني ، حكت لي شركة ابوهم يعني شركة عم سعيد الله يرحمه دخلو شراكة و خسرو فيها و لازم يدفعو تعويضات والا كل تعب عمي سعيد الله يرحمه و شغله يروح ، علي من وقتها يدور حل بس مالقى
زاهد اعتدل بجلسته لانه ماكان يعرف عن الموضوع اي شي ولا خبره علي
شهد:تكلمت اليوم الصباح مع اخته اتصلت تبكي انه علي قرر يبيع البيت
روآف بصدمة:ذا صاحي بيت عمر يبيعه ؟
ابتهال:طيب يكفي مبلغ البيع البيت لدفع التعويضات الشركة
شهد هزت بالنفي:لا ، قالت ان كمان ياخذ فلوس من ناس غرباء توه متعرف عليهم جديد من شهر و هي خايفة يدخلونه طريق حرام
فز زاهد يوقف و حس بدوخة ومسك الطاولة وطلع جواله:يجنني الولد ذا ما يتكلم ليش ماعلمني
شهد بتوتر:مايبي يكون عبئ علينا اخته حلفتني ما اتكلم بس ماقدرت خفت يصير عليهم شي
روآف:اتركه زاهد موضوع كذا يتكلم وجه لوجه اتركه الحين و نتكلم بكرا معاه
زاهد:بس
روآف:اسمع مني خليها لـ بكـرا
تنهد زاهد يقفل جواله و يجلس و خرجو البنات
قرب روآف الاكل يتعشون و روآف يحاول يغير نفسية زاهد ويفتح مع سواليف و بال زاهد و تفكيره كله مع علي
-
- بعد مرور يومين -
- بالحوش -
متجمعين العيال وحسن معاهم
وضاح:والله مدري شقول
خالد:انا اروح عنك لو ودك
عبدالعزيز: وضاح بيفهم للمشروع اكثر له خبرة أكثر مننا
خالد:نقول تم يا ولد العم
وضاح:بس ٦ شهور مو سهلة بكون لوحدي
عبدالعزيز:ودي اخاويك بس تعرف مقدر اترك الشركة و منها سفرة دبي للحين ما رحنا الحمدلله قدر استاذ زيد ظروف الي مرينا فيها
ابتسم وضاح من خطرة ع باله فكرة ولف لـ ابوه:يبه لو طلبت اخذ زوجتي معي عادي
حسن:زوجتك يا ولدي بس كلم عمك
خالد:منجدك؟
وضاح هز راسه:اي والله ما اسوي الزواج و عمير توه متوفى وابي كمان من يسليني بالغربة
صقر:الله يسهلك وشف عمي جاء
سلم و ردو السلام من جاء سالم ونطق:عسى خير
عبدالعزيز:ابد نتكلم عن مشروع لندن
سالم:اي خالد علمني الله يوفقكم
وضاح:في مشكلة صغيرة انا الي بروح لها
سالم:قدها والله وضيح بس ايش مشكلة؟
حسن: بيروح لوحده والمشروع ماهو هين طويل ويقول بطفش بالغربة لوحدي ومدري وش ويبي زوجته ياخذها معه
سالم ناظر وضاح:بس
وضاح:يا عمي هي زوجتي وحلالي واكيد ماهو حرام
خالد:انا والله اشوفه عادي يا يبه زوجته شرعاً و قانوناً
سالم:بس صعبة
وضاح:افا ياعمي ؟
سالم ابتسم: بس يا ولدي انتم ما سويتو عرس
حسن:سوو ملكة والكل يدري أنهم عاقدين على بعض وعادي ياخوي
سالم:خلاص تمام بس شور لـ فرح
وضاح:مين يكلمها
خالد:خلوها علي انا امقلبها
خرجو زاهد و صقر معاهم صينية وبراد الشاي وترامس القهوة
روآف دخل البيت بنفس الوقت وكان جايب معاه حلى وفطاير
سلم وجلس:غريبة وين البقية
عبدالعزيز:الحريم مع جدتي والبنات ببيت عمي سلطان
حسن:وصلت البنية يا ولدي
روآف:اي مو مرتاح لروحتها عند اخت علي بس طلبت ومارضى قلبي اردها
وضاح غمز له:عشنا ماصرت ترد لها طلب
ضحك روآف وناظر زاهد من نطق :معليك بأمان هنا وهناك واحد
روآف:لو ماني واثق في علي و ببيتهم آمن تتوقع اوديها
فتح جواله واتصل بالقروب العائلة عشان الكل يدخل القروب وسجل فويس ' حياكم يا اهلي ولهاان عليكم وايد ويبت معي حلى كلش يينن '
صقر: وش فيك اليوم
روآف بضحكة:عندي موظف جديد وربي مسوي جو بالكوفي الله يسعده واللهية حقه تييننن
زاهد:تهكر اخوي
ضحكو عليه وشاف البنات خرجو ونطق روآف:يا هلا يهلا بخواتي يهلا بكل اهلي
ابتهال:يا اهلين وش هالتراحيب
روآف:واحشيني
فرح:وضعك مو عاجبني
روآف:ان ونستكم قلتو مو عاجبنا وان سكت قلتو نفسية ترا انتم البنات مايعجبكم شي
جو الحريم وجلسو معاهم الجدة
روآف:قولو لصحبتكم لا تهكر البنت
ضحكت شهد:معليك بأمان عندها
الجدة:انا كلمتها بخصوص الموضوع
ناظرها بتوتر: وش قالت
الجدة:تفكر و تستخير
علياء: ابد مدحناك عندها عشان ما تهج منك
ضحك عبدالعزيز:يوه ان وافقت لازم تصير دايم مروق كذا مو نفسية
روآف:يبه بالله انا نفسية والله ياحلاتي
سلطان:يمزحون معاك وش زينك تونس وتوسع الصدر
روآف ابتسم وباس يده
خالد غمز لـ وضاح ونطق:اخر اخبار وضاح مسافر
منيرة بصدمة:تقولها صادق يا ولدي
وضاح: شغل مهم لندن وبطول
الجدة:متى
وضاح:لسع ما حجزت بس بطول يمكن ست شهور
شهقت منيرة بهدوء:ليش ياولدي تطول كثير
شهد:مابتكون وقت ولادة ماما وتشوف اخونا
وضاح:ودي يا اختي بس تعرفين الشغل

✨ انتهى ✨
🤍🤍🤍🤍