عبدالعزيز وهو وده يقول من عيوني بس تدارك الوضع قدام العيال:ابشري بالي يجهز لكم اطلق فطور بس ها لو تسحبون بزعل
صقر:احد يقول انك اكبر حفيد
عبدالعزيز ثقل صوته:مو عاجبك
صقر بخرشة:بسم الله خرشتني يا حيوان تقول صوت عمي سلطان
ضحك عبدالعزيز:اكيد اشبهه عمي ، طيرو بس ما تنعطون وجه
شهد ناظرته بصدمة وضحكت
وضاح:اقول يلا انقلع
ضحك عبدالعزيز وراح البيت ودخلو وضاح وصقر وشهد
وضاح قفل الباب وحضنها:كيفك
شهد:بخير ، امي و ابوي وين ؟
صقر: اشتهت امي كبسة و ابوي يطبخ لها
ضحكت بذهول و دخلو المطبخ سوا
حسن لف:حي الله بنت حسن
شهد:الله يحييك ، واضح الاخ بيطلع عيوننا
حسن:فدا تعالي
تقدمت وحضنته:اسفة عصبت عليك والله ما اقصد سامحني
حسن:مازعلت يابوك
شهد حضنت منيرة:اسفة
منيرة:انا آسفة والله احبك وانتي بنتي لا تفكري في شي غير ذا كلنا اهلك وكلنا معاك
شهد:الله لا يحرمني منكم
حسن يمسح على شعرها:ولا منك يا حياتي
صقر جلس فوق الطاولة :ياخي متى يجهز الاكل
حسن:شوي كذا ، انت سحبت على السلطة وخليت وضاح يقطعها
صقر:ياخي مالي حيل اقطع
وضاح:تغسل المواعين غصب
تافف صقر وناظرت منيرة شهد:جوعانة
شهد:اكلت شوي مع البنات بس للحين جوعانة و كبسة بابا ما تتفوت
ناظرها حسن بصدمة و ناظرته باستغراب:اكيد ما حتتغير شي انت ابوي وانتم اهلي
منيرة حضنتها و جهز العشاء و جلسو على الارض ياكلون بسعادة و راحة بعد يومين كانت من اسوء ايامهم
- بعد العشاء -
شهد:ماما اقدر اطلب طلب ؟
منيرة:عيوني لك
شهد:انام معاك
صقر:ابوي وانا انام معاك
وضاح:خير وانا
منيرة:روح لزوجتك
وضاح:اهخ ليت بس كلها كم شهر ونتزوج واجيبها وقتها حتى وجهي ما تشوفونه
حسن:اقول يالله على غرفكم
منيرة:وانت كمان يالله على الصالة
ضحكو على ملامح حسن المصدومة
منيرة:وش ، ابي بنتي
حسن:لنا الله امشو يا عيال واضح مطرودين
ضحكو وخرجو العيال مع ابوهم
وشهد انسدحت بحضن امها وحطت يدها على بطن امها وهمست:متى اشيلك بحضني ونلعب سوا
ابتسمت منيرة لها وبدأت تمسح على شعرها لين غفيت
-
- الصباح -
سلطان:يالله ترا بنتاخر ابوي بيعصب
زاهد:جاي يا يبه
خرجو من البيت و شافو عبدالعزيز خارج مع الجد و الجدة
روآف:صباح الخير يا حلوين
الجدة:صباح النور كيف شغلك يا ولدي
روآف سلم على راسها و راس الجد:يا الله لك الحمد كله تمام
الجد:الله يرزقك و يبارك لك في رزقك
روآف:آمين
الكل تجمعو للحوش يفطرون
روآف ابتسم من شاف شهد مع صقر خارجة وماحب يضايقها ويتكلم معاها بموضوع وجلس مكانه وناظر مكان عمر الفاضي واخذ نفس وهمس:الله ينصرك ياخوي
بداو يفطرون وكان الصمت سيد المكان غير عن العادة
وضاح:اذا تبي ترتاحي اخذ لك اجازة من مدرسة
شهد:اشوف بعد الفطور لأن احس ماعندي طاقة دوام
سمعو صوت الباب وقام زاهد:اتوقع نايف تاخرتم عليه
روآف:لسع بدري اشبك
فتح زاهد وشاف رجال معاه ولد بعمر روآف بجانبه
زاهد: أمر يا الغالي
طلال:مو ذا بيت حسن آل مطلق
زاهد:وصلت ولد اخوه وش اقدر اساعدك فيه
طلال ناظره من تحت لين فوق باستحقار:روح ناديه مالي كلام مع بزران
زاهد بعصبية:اخو عمر؟ بزر الي وراك
طلع وضاح وشاف زاهد معصب: عسى ماشر وش هالصوت
زاهد:يبي عمي
طلال:نادو لي حسن
وضاح وسعت عيونه بصدمة من عرفه من صوته:طلال؟ ترا قلنا لك انتظر كم يوم
طلال عدل شماغه:لين متى انتظر ابي اشوف بنت اخوي فيها شي ؟
زاهد دخل بقهر وناظرهم:جاء
الجد باستغراب:مين؟
زاهد بتردد:طلال
شهد بخوف ناظرت الجد و حسن
حسن:حريم ادخلو داخل
سارة اخذت منيرة معاها لبيت الجد وكلهم دخلو الصالة
حسن خرج: حياك طلال
دخلو المجلس وهمس وضاح:قلهم يجهزون القهوة
زاهد: سم ببطونهم ان شاءالله
خرج وشافهم كلهم بالصالة
منيرة:وش صار يا زاهد تكفى علمني
زاهد:ماصار شي لسع ما تكلمو بنات جهزو قهوة
ابتهال بهمس:سم ببطنه
سمعها زاهد وضحك بهدوء
جهزو قهوة وأخذه للمجلس
كان الوضع عادي تعرفو وجلسو يسولفون طبيعي والعيال يناظرون بعض بتوتر
الجد: ماشاءالله ولدك وش يشتغل
طلال:درس إدارة أعمال بس دام نقلنا هنا يدور وظيفة
حسن فز:وظيفته عندي افا عليك ابو مازن
ناظروه بصدمة ونطق بهدوء: بالشركة وان شاء الله أنه قدها
مازن:تسلم يا عم ماتقصر
روآف:استأذنكم بروح الدوام
خالد:وانا
الجد:الله يحفظكم
زاهد:وصلوني معاكم
خرجو و ساد الصمت دقايق
طلال بهدوء:تعرف يابو وضاح سبب زيارتي
حسن:اعرف يابو مازن بس ابيك انت تفهمني نقطة واحدة توك تتذكر عماد؟
طلال بحزن:ندمان والله ما تدري قد ايش فرحت ان بنته للحين عايشة ابيها ابي اكون ابوها واعوضها عن كل شي ابي افرح اخوي وهو بقبره
حسن: الحمدلله البنت ما تحتاج تعوضها نحن معوضينها عن كل شي بس حقك تشوفها وتشوفك بس خلينا نتفق على اشياء معينة قبل ما تشوفها
طلال:سم
الجد:بنتنا هي اخت العيال ذول
ناظر طلال وضاح و صقر الي يناظرونه بثقة
وكمل الجد:رضعت من امهم و اختهم شرعاً
طلال هز راسه:يخليكم لها
وضاح بحدة:امين
الجدة:البنت تربت على ما ينقال لها لا نتمنى ما تزعلها
طلال:افا اكيد زي ما انا اهلها اكيد انتم اهلها وهي محظوظة ان انتم عندها لا تخافون ترا بتكون حولكم وما بقصر معاها بأي شي ولا ينقص حتى ما بتحس انها بعيد عن اهلها
عبدالعزيز:زين انك فاهم شهد ما وراها اب و اخوان وبس ، شهد وراها
سند وعائلة كبيرة وكلنا نحبها وهي غالية علينا كلنا
مازن:ابد ما اختلفنا وهي بنتنا كمان لا تنسون
ناظره عبدالعزيز بحدة وسكت مازن مخروش من نظراته
سلطان:قم صقير ناد اختك
قام صقر وخرج وناظرهم كلهم
قرب وانحى يبوس راس منيرة:هدي يا يمه تفاهمنا وكل شي بخير
منيرة:كيفهم احس ما ارتحت لهم
صقر:ناس كويسين احلى شي فاهمين انها بنتنااا
لف لـ شهد:تعالي
عدل جلال الصلاة غطى شعرها وحضنها من الجنب ودخلو
طلال:ارحبي يا الغالية بنت الغالي ارحبي يا بعد اهلي
ناظرته بهدوء ووقفت جنب صقر وشدت على ثوبه تتمسك فيه تقدم صقر وهي معاه
طلال قام وتقدم:ماتبي تسلمي على عمك
شهد:اهلين
تقدم وحضنها وناظرته بصدمة ونظراتها تحولت على طول لـ حسن
حسن طمنها بنظراته وهدأت
بعدّ :كيفك اخبارك ؟
شهد بهدوء:الحمدلله
عبدالعزيز بغضب وهو يشوف نظرات مازن لـ شهد وهمس:جعلك العمى نزل عيونك
طلال:تعال مازن سلم على بنت عمك
شهد تراجعت بخطوة واخفت يديها بكم الجلال:اهلين
مازن تفهمها:كيف شهد
شهد:الحمدلله وانت
مازن: الحمدلله
الجد:اجلسو تعرفي عليهم بنتي
شهد تقدمت وجلست جنب وضاح بسرعة وابتسم لها
طلال ناظرها بصدمة وهو كان يبي يجلسها جنبه عشان يتعودون على بعض
اخذ نفس وجلسو كلهم وقام صقر ويقهويهم
شهد بهمس:وش اسمهم
وضاح:طلال و ولده مازن
هزت راسها تناظرهم
حسن:زي ما تفاهمنا يابو مازن
طلال:ان شاءالله شهد لو تبي عيوني بعطيها
ناظرته بهدوء وابتسمت
الجد:لوحدك انت وولدك مازن بس؟
طلال:لا والله في زوجتي وبنتيّ بس كانو يرتبون البيت الجديد
عبدالعزيز:ان شاءالله ماهو بعيد
مازن ناظره:قريب بعد حارتين
شهد: انا عندي نقطة ابي اوضحها يابو مازن
طلال:سمي ، بفرح ان قلتي عمي
شهد:أن شاءالله بتعود انا مابي انقل من مدرستي أبدا ذا اهم شي عندي واذا ابي اخرج مع اهلي ماتمنعني
طلال: على خشمي ابشري
ناظرته بابتسامة وانتبهت لـ نظرات مازن لها صدت تنزل عيونها
سلطان: الحمدلله تفاهمنا ع خير
طلال: الحمدلله متى تبين تنقلين عندي
حسن بتدخل:اعطيها وقت ان شاءالله اسبوعين
طلال:بس كثير نقول كم يوم
شهد:أن شاءالله استأذنكم عندي دوام
طلال قام :اقدر اوصلك انا ؟
ناظرت شهد بـ حسن بهدوء ونطق:تمام روحي
طلال:لازم تستأذني يعني
شهد:اذا انت عمي الحقيقي هو ابوي ولو هو رفض اروح اكيد بسمع منه وبرفض اروح معاك
خرجت شافت الكل يناظرها مشيت تسلم على منيرة تجلس جنبها
الجدة:وش صار علمينا
شهد:اتفقنا الحمدلله بتجهز عشان ياخذني المدرسة
فرح:اكيد نفسها ما ينقلك
شهد: طبعاً نفسها قلت له و ذا اهم شي عندي تخيلي ما اشوفكم كل صباح
ضحكت جود :مجنونة
ابتهال وهي تشوف رساله نور تعلمها ان نايف وصل ونطقت:بنات نور تقول نايف برا استعجلو
قامو الكل لبيت يتجهز وخرجو بسرعة
نايف اخذ نفس ورد السلام وحرك
نايف:بنات اذا ما بزعجك بس وحدة تعطيني رقمها عشان اتواصل معاها وقت اجي قروشة اتصل على العيال أو على نور
خولة قرصت ابتهال وبهمس:اعطيه انتي ما يقولو لك شي انا يمكن عزيز يعصب
ابتهال بهمس:لا يشيخة
افراح:اي اي افضل
اخذت نفس:سجل رقمي عندك
ابتسم بهدوء من عرفها من صوتها و فتح جواله وسجل رقمها باسم
' اخت عمير '
وقفل جواله ووصلهم
-
صقر حضنها وهمس:انتبهي لنفسك زين واي شي يصير اتصلي علينا
ميلتّ راسها بابتسامة:تخاف علي وانا بنت حسن افا
ابتسم وباست راس حسن وحط عشرين بشنطتها: تكفيك
شهد:و زود
خرجت مع طلال و مازن وركبت ورا
عبدالعزيز:بتاخر على شركة
وضاح:زين جاي معاك
ركب ونطقو مع بعض:نلحقه
ضحكو ونطق عبدالعزيز وهو يحرك وراء سيارة طلال:انت مثلي ما ارتحت
وضاح:ارتحت عادي بس حذر واجب
انتبهو وهم يلفون لطريق المحطة عبئ بانزين
لف طلال لـ شهد:عازمك على قهوة وش تشربين
شهد:ما احبها
مازن:اما عاد ماتشربي قهوة
شهد:اشربها بس مو دايم احب الشاي
طلال:ابشري بالي ياخذ لك شاهي نعناع بس تعرفي مكان حلو زي ما تعرفي جديد ع رياض
ابتسمت من وراء نقاب:قدام في محل عنده
ابتسم وحرك ونزل قدام المحل
عبدالعزيز ناظر وضحك:اختك ياخي حتى شاهي ما تتركه
وضاح:اقول لا تطقطق خليه اذا يبيها يعرف لها وش تحب وش تكره
عبدالعزيز وهو توه ادرك ان مازن لوحده معاها بالسيارة وقبض على يده بعصبية
لف مازن لها:صف كم
شهد:نهاية ثانوي
مازن: ماشاءالله يالله هانت قرب التخرج
شهد: أن شاءالله
مازن:ابشري بالهدية من الحين
شهد:تسلم بس ما يحتاج
مازن:بتتعودي معليك علينا اعرف صعب اول يوم بس تتعودي مع الايام
التزمت بالصمت وهي تناظر من شباك
-
- بالشركة -
دخل خالد غرفة الاجتماعات: أهلاً وسهلاً اعتذر على تاخير
سوسن:عذرك معاك وين البقية ؟
خالد : نبدأ نحن وهم يلحقونا شوي كذا
سوسن:لا عادي ننتظرهم
خالد هز رأسه: براحتكم وش نضيفكم
سوسن:قهوة سعودية نروق قبل الاجتماع
هز راسه و طلب من سكرتيرة و فتح الملف يراجعه
-
نزلت قدام المدرسة و حرك طلال
انتبهت شهد لـ سيارة عبدالعزيز وابتسمت وقربت من الشباك عبدالعزيز
نزل الشباك ونطق:شهد؟
شهد بضحكة:عزيز وضيح؟ ضيعتو طريق الشركة
وضاح:يعني ، كيفه معاك
شهد:زين لا تشيل هم
رد وضاح على خالد يتكلم معاه
مدت كوب الشاهي لـ عبدالعزيز وعدلت نقابها تنتظر وضاح يخلص لجل تتكلم معاه
أنت تقرأ
مَا الذِي بعَيناكِ لتغلبِنيِ هكذا باستمرَار
General Fictionكاتبـة رَوان الانستا: rlliie44 البطل - عبدالعزيز - بيوم ادافع عن امي يوم ابوي يضربها واتسبب بقىًله وسبب هالحادثة تغيرت حياتي - البطلة - شهد - اكتشفت بعد ١٨ سنة سر خطير يدمر حياتيّ وش مصير الاثنين ؟!
